헬라어 문장 검색 - Διοδορ́Βιβλιοτ

(디오도로스 시켈로스, Bibliotheca Historica, Books XVIII-XX, book 20, chapter 16)

προαποστείλαντοσ δ’ αὐτοῦ πρεσβείαν καὶ διδόντοσ Ἀντάνδρῳ καὶ τοῖσ μετ’ αὐτοῦ, εἰ παραδιδόασι τὴν πόλιν, ἀσφάλειαν συνήδρευσαν τῶν ἡγεμόνων οἱ μάλιστα ἀξίωμα δοκοῦντεσ ἔχειν. ῥηθέντων οὖν πολλῶν λόγων Ἄντανδροσ μὲν ᾤετο δεῖν παραδιδόναι τὴν πόλιν, ὢν ἄνανδροσ φύσει καὶ τῆσ τἀδελφοῦ τόλμησ καὶ πράξεωσ ἐναντίαν ἔχων διάθεσιν· Ἐρύμνων δ’ ὁ Αἰτωλόσ, παρακαθεσταμένοσ ὑπ’ Ἀγαθοκλέουσ τἀδελφῷ σύνεδροσ, τὴν ἐναντίαν δοὺσ γνώμην ἔπεισεν ἅπαντασ διακαρτερεῖν μέχρι ἂν πύθωνται τἀληθέσ. Ἀμίλκασ δὲ μαθὼν τὰ δόξαντα τοῖσ ἐν τῇ πόλει συνεπήγνυε μηχανὰσ παντοίασ, διεγνωκὼσ προσβάλλειν.

Ἀγαθοκλῆσ δὲ δύο τριακοντόρουσ μετὰ τὴν μάχην νεναυπηγημένοσ τὴν ἑτέραν ἀπέστειλεν εἰσ Συρακούσσασ, ἐρέτασ ἐμβιβάσασ τοὺσ κρατίστουσ καὶ τῶν περὶ αὐτὸν πιστευομένων φίλων ἕνα Νέαρχον, ἀπαγγελοῦντα τοῖσ ἰδίοισ τὴν νίκην.

ἔπειτ’ εὐπλοίασ γενομένησ πεμπταῖοι ταῖσ Συρακούσσαισ νύκτωρ προσεπέλασαν καὶ στεφανωσάμενοι καὶ παιανίσαντεσ κατὰ τὸν πλοῦν ἅμ’ ἡμέρᾳ κατέπλεον ἐπὶ τὴν πόλιν.

αἱ δὲ φυλακίδεσ τῶν Καρχηδονίων αἰσθόμεναι κατὰ σπουδὴν ἐπεδίωκον καὶ οὐ πολὺ προειληφότων τῶν ὑποφευγόντων ἀγὼν τῆσ εἰρεσίασ ἐγίνετο.

ἅμα δὲ τῇ τούτων φιλοτιμίᾳ συνέβη τούσ τε ἐκ τῆσ πόλεωσ καὶ τοὺσ πολιορκοῦντασ αἰσθομένουσ συνδραμεῖν ἐπὶ τὸν λιμένα καὶ τοῖσ ἰδίοισ ἑκατέρουσ συναγωνιῶντασ ἀναβοᾶν θαρρεῖν. ἤδη δὲ τῆσ τριακοντόρου καταλαμβανομένησ οἱ βάρβαροι μὲν ἐπηλάλαξαν, οἱ δ’ ἐκ τῆσ πόλεωσ ἀδυνατοῦντεσ βοηθεῖν τοῖσ θεοῖσ ηὔχοντο περὶ τῆσ σωτηρίασ τῶν καταπλεόντων.

τῆσ πρῴρασ δὲ τῶν διωκόντων εἰσ ἐμβολὴν ἤδη φερομένησ οὐκ ἄπωθεν τῆσ γῆσ ἔφθασε τὸ διωκόμενον σκάφοσ ἐντὸσ βέλουσ γενόμενον καὶ τῶν Συρακοσίων προσβοηθησάντων ἐξέφυγε τὸν κίνδυνον. Ἀμίλκασ δ’ ὁρῶν τοὺσ ἐκ τῆσ πόλεωσ διὰ τὴν ἀγωνίαν καὶ τὸ παράδοξον τῆσ προσδοκωμένησ ἀγγελίασ ἐπὶ τὸν λιμένα συνδεδραμηκότασ, ὑπολαβὼν εἶναι μέροσ τι τοῦ τείχουσ ἀφύλακτον, ἔπεμψε τῶν στρατιωτῶν τοὺσ κρατίστουσ μετὰ κλιμάκων.

οὗτοι δ’ εὑρόντεσ ἐκλελειμμένασ τὰσ φυλακὰσ ἔλαθον προσαναβάντεσ· καὶ σχεδὸν αὐτῶν μεσοπύργιον ἤδη κατειληφότων ἡ κατὰ τὸ σύνηθεσ ἐφοδία παραγενομένη κατενόησε. γενομένησ δὲ μάχησ οἱ μὲν ἐκ τῆσ πόλεωσ συνέδραμον καὶ φθάσαντεσ τοὺσ μέλλοντασ τοῖσ ἀναβεβηκόσι προσβοηθεῖν οὓσ μὲν ἀπέκτειναν, οὓσ δ’ ἀπὸ τῶν ἐπάλξεων κατεκρήμνισαν.

ἐφ’ οἷσ Ἀμίλκασ περιαλγὴσ γενόμενοσ ἀπήγαγε τὴν δύναμιν ἀπὸ τῆσ πόλεωσ καὶ τοῖσ εἰσ Καρχηδόνα βοήθειαν ἐξέπεμψε μετὰ στρατιωτῶν πεντακισχιλίων.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, Books XVIII-XX, book 20, chapter 16

(디오도로스 시켈로스, Bibliotheca Historica, Books XVIII-XX, book 20, chapter 16)

상위

목록

SEARCH

MENU NAVIGATION