헬라어 문장 검색 - Διοδορ́Βιβλιοτ

(디오도로스 시켈로스, Bibliotheca Historica, Books XVIII-XX, book 20, chapter 105)

εὐθὺ δὲ καὶ πρεσβειῶν πρὸσ αὐτὸν παραγενομένων παρά τε Δημητρίου τοῦ πολιορκητοῦ καὶ Κασάνδρου περὶ συμμαχίασ τούτων μὲν οὐδετέρῳ προσέθετο, τοὺσ δὲ Ταραντίνουσ καὶ τῶν ἄλλων τινὰσ πυθόμενοσ ἀφεστηκέναι τῆσ μὲν Κορκύρασ τὴν ἱκανὴν φυλακὴν ἀπέλιπεν, μετὰ δὲ τῆσ ἄλλησ δυνάμεωσ ἔπλει κατὰ σπουδὴν ἐπὶ τὴν Ἰταλίαν, ὡσ κολάσων τοὺσ ἀπειθοῦντασ. προσσχὼν δὲ τῇ χώρᾳ καθ’ ὃν τόπον ἐφύλασσον οἱ βάρβαροι, τὴν μὲν πόλιν ἑλὼν ἐξηνδραποδίσατο, τὴν δὲ χώραν ἐλεηλάτησεν. ὁμοίωσ δὲ τὸ καλούμενον Τριόπιον ἐκπολιορκήσασ εἰσ τρισχιλίουσ ἔλαβεν αἰχμαλώτουσ.

καθ’ ὃν δὴ χρόνον οἱ μὲν ἀπὸ τῆσ χώρασ βάρβαροι συνδραμόντεσ ἐπέθεντο νυκτὸσ τῇ στρατοπεδείᾳ καὶ μάχησ γενομένησ ἀνεῖλον τῶν μετὰ Κλεωνύμου πλείουσ τῶν διακοσίων, ἐζώγρησαν δὲ περὶ χιλίουσ. ἅμα δὲ τῷ κινδύνῳ τούτῳ χειμὼν ἐπιγενόμενοσ εἴκοσι τῶν νεῶν διέφθειρε πλησίον ὁρμουσῶν τῆσ παρεμβολῆσ.

ὁ δὲ Κλεώνυμοσ δυσὶν ἐλαττώμασι τηλικούτοισ περιπεσὼν ἀπέπλευσε μετὰ τῆσ δυνάμεωσ εἰσ τὴν Κόρκυραν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, Books XVIII-XX, book 20, chapter 105

(디오도로스 시켈로스, Bibliotheca Historica, Books XVIII-XX, book 20, chapter 105)

상위

목록

SEARCH

MENU NAVIGATION