헬라어 문장 검색 - Διοδορ́Βιβλιοτ

(디오도로스 시켈로스, Bibliotheca Historica, Books XVIII-XX, book 20, chapter 57)

τούτου δὲ περὶ ταῦτ’ ὄντοσ Δεινοκράτησ ὁ τῶν φυγάδων ἡγούμενοσ ἀναλαβὼν τὴν Ἀκραγαντίνων προαίρεσιν καὶ προστάτην αὑτὸν ἀναδείξασ τῆσ κοινῆσ ἐλευθερίασ ἐποίησε πολλοὺσ ἁπανταχόθεν συνδραμεῖν πρὸσ αὐτόν· οἱ μὲν γὰρ διὰ τὴν ἔμφυτον πᾶσιν ἐπιθυμίαν τῆσ αὐτονομίασ, οἱ δὲ διὰ τὸν Ἀγαθοκλέουσ φόβον προθύμωσ ὑπήκουον τοῖσ παραγγελλομένοισ.

ἠθροισμένων δ’ αὐτῶν πεζῶν μὲν οὐ πολὺ ἐλάττων δισμυρίων, ἱππέων δὲ χιλίων καὶ πεντακοσίων καὶ πάντων τούτων ἐν φυγαῖσ καὶ μελέταισ τοῦ πονεῖν συνεχῶσ γεγονότων κατεστρατοπέδευσεν ἐν ὑπαίθρῳ, προκαλούμενοσ τῇ μάχῃ τὸν δυνάστην. τοῦ δ’ Ἀγαθοκλέουσ λειπομένου πολὺ ταῖσ δυνάμεσι καὶ φυγομαχοῦντοσ ἐκ ποδὸσ ἠκολούθει συνεχῶσ, ἀκονητὶ περιπεποιημένοσ τὴν νίκην.

ἀπὸ δὲ τούτων τῶν καιρῶν τοῖσ περὶ τὸν Ἀγαθοκλέα συνέβαινε πρὸσ τὸ χεῖρον μεταβάλλειν οὐ μόνον τὰ κατὰ Σικελίαν, ἀλλὰ καὶ τὰ κατὰ Λιβύην πράγματα. Ἀρχάγαθοσ γὰρ ὁ καταλειφθεὶσ ὑπ’ αὐτοῦ στρατηγὸσ μετὰ τὴν ἀναγωγὴν τοῦ πατρὸσ τὸ μὲν πρῶτον ἐπλεονέκτει, πέμψασ εἰσ τοὺσ ἄνω τόπουσ μέροσ τι τῆσ δυνάμεωσ, ἧσ ἦν ἡγεμὼν Εὔμαχοσ.

οὗτοσ γὰρ Τώκασ πόλιν εὐμεγέθη χειρωσάμενοσ πολλοὺσ προσηγάγετο τῶν πλησίον κατοικούντων Νομάδων. εἶθ’ ἑτέραν ἐκπολιορκήσασ, τὴν ὀνομαζομένην Φελλίνην, ἠνάγκασε πιθαρχεῖν τοὺσ τὴν ἑξῆσ χώραν νεμομένουσ, τοὺσ καλουμένουσ Ἀσφοδελώδεισ, ὄντασ τῷ χρώματι παραπλησίουσ τοῖσ Αἰθίοψι.

τρίτην δ’ εἷλε Μεσχέλαν, μεγίστην οὖσαν, ᾠκισμένην δὲ τὸ παλαιὸν ὑπὸ τῶν ἐκ Τροίασ ἀνακομιζομένων Ἑλλήνων, περὶ ὧν ἐν τῇ τρίτῃ βίβλῳ προειρήκαμεν, ἑξῆσ δὲ τὴν ὀνομαζομένην ἄκραν Ἵππου τὴν ὁμώνυμον τῇ χειρωθείσῃ κατὰ κράτοσ ὑπ’ Ἀγαθοκλέουσ καὶ τελευταίαν τὴν προσαγορευομένην Ἀκρίδα πόλιν αὐτόνομον, ἣν ἐξανδραποδισάμενοσ ἐξέδωκετοῖσ στρατιώταισ διαρπάσαι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, Books XVIII-XX, book 20, chapter 57

(디오도로스 시켈로스, Bibliotheca Historica, Books XVIII-XX, book 20, chapter 57)

상위

목록

SEARCH

MENU NAVIGATION