헬라어 문장 검색 - Διοδορ́Βιβλιοτ

(디오도로스 시켈로스, Bibliotheca Historica, Books XVIII-XX, book 20, chapter 61)

ὁ δ’ Ἀρχάγαθοσ τηλικαύτῃ συμφορᾷ περιπεσὼν ἐπανῆλθεν εἰσ Τύνητα. καὶ τῶν μὲν ἐκπεμφθέντων στρατιωτῶν τοὺσ περιλειπομένουσ μετεπέμπετο πανταχόθεν, εἰσ δὲ τὴν Σικελίαν ἐξέπεμψε τοὺσ δηλώσοντασ τῷ πατρὶ τὰ συμβεβηκότα καὶ παρακαλέσοντασ βοηθεῖν τὴν ταχίστην. τοῖσ δὲ προγεγονόσιν ἀτυχήμασιν ἑτέρα τοῖσ Ἕλλησιν ἐλάττωσισ ἐπεγένετο·

ἀπέστησαν μὲν γὰρ ἀπ’ αὐτῶν πλὴν ὀλίγων ἅπαντεσ οἱ σύμμαχοι, συνεστράφησαν δὲ αἱ τῶν πολεμίων δυνάμεισ καὶ πλησίον ποιησάμενοι παρεμβολὰσ ἐφήδρευον. Ἰμίλκων μὲν γὰρ κατελάβετο τὰ στενὰ καὶ τῶν ἀπὸ τῆσ χώρασ εἰσβολῶν ἀπέκλεισε τοὺσ ἐναντίουσ, ἀπέχοντασ σταδίουσ ἑκατόν·

ἐκ δὲ θατέρου μέρουσ ἐστρατοπέδευσεν Ἀτάρβασ ἀπὸ τεσσαράκοντα σταδίων τοῦ Τύνητοσ. διόπερ τῶν πολεμίων οὐ μόνον τῆσ θαλάττησ, ἀλλὰ καὶ τῆσ χώρασ κυριευόντων σιτοδείᾳ τε συνέβαινε συνέχεσθαι τοὺσ Ἕλληνασ καὶ τῷ φόβῳ πάντοθεν κατείχοντο.

ἐν ἀθυμίᾳ δὲ δεινῇ πάντων ὄντων Ἀγαθοκλῆσ ὡσ ἐπύθετο τὰ κατὰ τὴν Λιβύην ἐλαττώματα, παρεσκευάσατο ναῦσ μακρὰσ ἑπτακαίδεκα, διανοούμενοσ βοηθεῖν τοῖσ περὶ τὸν Ἀρχάγαθον.

καὶ τῶν κατὰ Σικελίαν δὲ πραγμάτων ἐπὶ τὸ χεῖρον αὐτῷ μεταβεβληκότων διὰ τὸ τοὺσ περὶ Δεινοκράτην φυγάδασ ηὐξῆσθαι ἐπὶ πλεῖον τὸν μὲν ἐν τῇ νήσῳ πόλεμον τοῖσ περὶ Λεπτίνην στρατηγοῖσ ἐνεχείρισεν, αὐτὸσ δὲ πληρώσασ τὰσ ναῦσ ἐπετήρει τὸν τοῦ πλοῦ καιρόν, ἐφορμούντων τῶν Καρχηδονίων τριάκοντα ναυσί. καθ’ ὃν δὴ χρόνον ἐκ Τυρρηνίασ αὐτῷ κατέπλευσαν ὀκτωκαίδεκα ναῦσ ἐπὶ βοήθειαν, αἳ διὰ νυκτὸσ εἰσ τὸν λιμένα εἰσπεσοῦσαι τοὺσ Καρχηδονίουσ ἔλαθον. ὁ δ’ Ἀγαθοκλῆσ ταύτησ τυχὼν τῆσ ἀφορμῆσ κατεστρατήγησε τοὺσ πολεμίουσ, τοῖσ μὲν συμμάχοισ μένειν παραγγείλασ μέχρι ἂν αὐτὸσ ἐκπλεύσασ ἐπισπάσηται τοὺσ Φοίνικασ πρὸσ τὸν διωγμόν, αὐτὸσ δέ, καθάπερ ἦν συντεθειμένοσ, ἐκ τοῦ λιμένοσ ἀνήχθη κατὰ σπουδὴν τοῖσ ἑπτακαίδεκα σκάφεσιν.

εἶθ’ οἱ μὲν ἐφορμοῦντεσ ἐδίωκον, οἱ δὲ περὶ τὸν Ἀγαθοκλέα κατανοήσαντεσ τοὺσ Τυρρηνοὺσ παραφαινομένουσ ἐκ τοῦ λιμένοσ ἄφνω τὰσ ναῦσ ἐπέστρεψαν καὶ καταστάντεσ εἰσ ἐμβολὴν διεναυμάχουν τοῖσ βαρβάροισ.

οἱ δὲ Καρχηδόνιοι διά τε τὸ παράδοξον καὶ διὰ τὸ τῶν πολεμίων εἰσ μέσον ἀπολαμβάνεσθαι τὰσ ἰδίασ τριήρεισ καταπλαγέντεσ ἔφυγον. εἶθ’ οἱ μὲν Ἕλληνεσ πέντε νεῶν αὐτάνδρων ἐκυρίευσαν, ὁ δὲ τῶν Καρχηδονίων στρατηγὸσ ἁλισκομένησ ἤδη τῆσ ναυαρχίδοσ ἀπέσφαξεν ἑαυτόν, προκρίνασ τὸν θάνατον τῆσ προσδοκηθείσησ αἰχμαλωσίασ.

οὐ μὴν ἐφάνη γε εὖ βεβουλευμένοσ· ἡ γὰρ ναῦσ φοροῦ πνεύματοσ ἐπιλαβομένη τοῦ δόλωνοσ ἀρθέντοσ ἐξέφυγε τὸν κίνδυνον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, Books XVIII-XX, book 20, chapter 61

(디오도로스 시켈로스, Bibliotheca Historica, Books XVIII-XX, book 20, chapter 61)

상위

목록

SEARCH

MENU NAVIGATION