헬라어 문장 검색 - Διοδορ́Βιβλιοτ

(디오도로스 시켈로스, Bibliotheca Historica, Books XVIII-XX, book 20, chapter 42)

ὁ γ’ οὖν Ὀφέλλασ ἀναλαβὼν τὴν δύναμιν προῆγεν διὰ τῆσ ἀνύδρου καὶ θηριώδουσ ἐπιπόνωσ· οὐ μόνον γὰρ ὕδατοσ ἐσπάνιζεν, ἀλλὰ καὶ τῆσ ξηρᾶσ τροφῆσ ἀπολιπούσησ ἐκινδύνευσεν ἅπαν ἀπολέσαι τὸ στρατόπεδον. δακέτων δὲ θηρίων παντοίων ἐπεχόντων τὰ περὶ τὰσ Σύρτεισ ἔρημα καὶ τῶν πλείστων ὀλέθριον ἐχόντων τὸ δῆγμα πολλῇ τῇ συμφορᾷ περιέπιπτον, ἀβοήθητον ἔχοντεσ τὴν ἐκ τῶν ἰατρῶν καὶ φίλων ἐπικουρίαν.

καὶ γὰρ ἔνιοι τῶν ὄφεων ὁμοίαν ἔχοντεσ τὴν χρόαν τῇ κατ’ αὐτοὺσ οὔσῃ χώρᾳ τὴν ἰδίαν φύσιν ἀπροόρατον ἐποίουν· οἷσ πολλοὶ διὰ τὴν ἄγνοιαν ἐπιβαίνοντεσ δήγμασι θανατηφόροισ περιέπιπτον. τέλοσ δὲ κατὰ τὴν ὁδοιπορίαν πλεῖον ἢ δύο μῆνασ κακοπαθήσαντεσ μόγισ διήνυσαν πρὸσ τοὺσ περὶ Ἀγαθοκλέα καὶ βραχὺ διαχωρίσαντεσ ἀπ’ ἀλλήλων τὴν δύναμιν κατεστρατοπέδευσαν. εἶθ’ οἱ μὲν Καρχηδόνιοι πυθόμενοι τὴν τούτων παρουσίαν κατεπλάγησαν, ὁρῶντεσ τηλικαύτην δύναμιν κατ’ αὐτῶν ἥκουσαν·

ὁ δ’ Ἀγαθοκλῆσ ἀπαντήσασ τοῖσ περὶ τὸν Ὀφέλλαν καὶ φιλοφρόνωσ ἅπαντα χορηγήσασ τούτουσ μὲν ἠξίου τὴν στρατιὰν ἀναλαμβάνειν ἐκ τῆσ κακοπαθείασ, αὐτὸσ δὲ ἐπιμείνασ ἡμέρασ ὀλίγασ καὶ κατασκεψάμενοσ ἕκαστα τῶν πραττομένων ἐν τῇ παρεμβολῇ τῶν παρόντων, ἐπεὶ τὸ πλεῖον μέροσ τῶν στρατιωτῶν ἐπὶ χορτάσματα καὶ σιτολογίαν ἐξεληλύθει, τὸν δὲ Ὀφέλλαν ἑώρα μηδὲν τῶν ὑφ’ ἑαυτοῦ βεβουλευμένων ὑπονοοῦντα, συνήγαγεν ἐκκλησίαν τῶν ἰδίων στρατιωτῶν, κατηγορήσασ δὲ τοῦ παρόντοσ ἐπὶ τὴν συμμαχίαν ὡσ ἐπιβουλεύοντοσ καὶ παροξύνασ τὸ πλῆθοσ εὐθὺσ διεσκευασμένην τὴν δύναμιν ἦγεν ἐπὶ τοὺσ Κυρηναίουσ. εἶθ’ ὁ μὲν Ὀφέλλασ διὰ τὸ παράδοξον καταπλαγεὶσ ἐπεχείρησε μὲν ἀμύνασθαι, καταταχούμενοσ δὲ καὶ τὴν ὑπολελειμμένην δύναμιν οὐκ ἔχων ἀξιόχρεων μαχόμενοσ ἐτελεύτησεν·

ὁ δ’ Ἀγαθοκλῆσ συναναγκάσασ τὸ λοιπὸν πλῆθοσ ἀποθέσθαι τὰ ὅπλα καὶ φιλανθρώποισ ἐπαγγελίαισ παραστησάμενοσ ἅπαντασ κύριοσ ἐγένετο τῆσ δυνάμεωσ πάσησ.

Ὀφέλλασ μὲν οὖν ἐλπίσασ μεγάλα καὶ προχειρότερον αὑτὸν πιστεύσασ τοιαύτησ ἔτυχε τῆσ τοῦ βίου καταστροφῆσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, Books XVIII-XX, book 20, chapter 42

(디오도로스 시켈로스, Bibliotheca Historica, Books XVIII-XX, book 20, chapter 42)

상위

목록

SEARCH

MENU NAVIGATION