헬라어 문장 검색 - Διοδορ́Βιβλιοτ

(디오도로스 시켈로스, Bibliotheca Historica, Books XVIII-XX, book 20, chapter 66)

τῶν μὲν γὰρ Ἀγαθοκλεῖ συντεταγμένων Λιβύων εἰσ πεντακισχιλίουσ ἀποστάντεσ τῶν Ἑλλήνων νυκτὸσ ηὐτομόλουν πρὸσ τοὺσ βαρβάρουσ. τούτουσ δὲ οἱ πρὸσ τὴν κατασκοπὴν ἐκπεμφθέντεσ ὡσ ἴδον ἐπὶ τὴν παρεμβολὴν τῶν Καρχηδονίων προσάγοντασ, νομίσαντεσ τὴν τῶν Ἑλλήνων δύναμιν ἅπασαν διεσκευασμένην ἐπιέναι, ταχὺ τοῖσ στρατιώταισ ἐδήλωσαν τὴν προσιοῦσαν δύναμιν. διαδοθέντοσ οὖν πρὸσ ἅπαντασ τοῦ λόγου θόρυβοσ ἐνέπιπτε καὶ προσδοκία τῆσ τῶν πολεμίων ἐφόδου.

ἑκάστου δὲ τὴν σωτηρίαν ἐν τῇ φυγῇ τιθεμένου καὶ μήτε παραγγέλματοσ δοθέντοσ ὑπὸ τῶν στρατηγῶν μήτε τάξεωσ οὔσησ μηδεμιᾶσ οἱ φεύγοντεσ ἐνέπιπτον ἀλλήλοισ· ὧν οἱ μὲν διὰ τὸ σκότοσ, οἱ δὲ διὰ τὴν ἔκπληξιν ἀγνοοῦντεσ τοὺσ οἰκείουσ ὡσ πολεμίουσ ἠμύνοντο. πολλοῦ δὲ φόνου γινομένου καὶ τῆσ ἀγνοίασ ἐπικρατούσησ οἱ μὲν ἐν χειρῶν νόμῳ διεφθάρησαν, οἱ δ’ ἐκπεπηδηκότεσ ἄνοπλοι καὶ τὴν φυγὴν ποιούμενοι διὰ τῶν δυσχωριῶν κατεκρημνίζοντο, τῆσ ψυχῆσ ἐπτοημένησ διὰ τὸν ἀπροσδόκητον φόβον.

τὸ δὲ τέλοσ πλειόνων ἢ πεντακισχιλίων ἀπολομένων τὸ λοιπὸν πλῆθοσ διεσώθη πρὸσ τὴν Καρχηδόνα. οἱ δ’ ἐν τῇ πόλει τότε μὲν συνεξαπατηθέντεσ τῇ φήμῃ τῶν ἰδίων ὑπέλαβον ἡττῆσθαι μάχῃ καὶ τῆσ δυνάμεωσ τὸ πλεῖστον διεφθάρθαι.

διόπερ ἀγωνιῶντεσ ἀνέῳξαν τὰσ πύλασ καὶ μετὰ θορύβου καὶ πτοήσεωσ ἐδέχοντο τοὺσ στρατιώτασ, φοβούμενοι μὴ τοῖσ ἐσχάτοισ οἱ πολέμιοι συνεισπέσωσιν· ἡμέρασ δὲ γενομένησ μαθόντεσ τἀληθὲσ μόλισ ἀπελύθησαν τῆσ τῶν δεινῶν προσδοκίασ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, Books XVIII-XX, book 20, chapter 66

(디오도로스 시켈로스, Bibliotheca Historica, Books XVIII-XX, book 20, chapter 66)

상위

목록

SEARCH

MENU NAVIGATION