헬라어 문장 검색 - Διοδορ́Βιβλιοτ

(디오도로스 시켈로스, Bibliotheca Historica, Books XVIII-XX, book 20, chapter 86)

ἀμφοτέρων δὲ τοῦτον τὸν τρόπον παρεσκευασμένων ὁ Δημήτριοσ τὸ μὲν πρῶτον ἐπιβαλόμενοσ προσάγειν τὰσ μηχανὰσ τοῖσ λιμέσιν ἐκωλύθη κλύδωνοσ ἐπιγενομένου τραχυτέρου· μετὰ δὲ ταῦτα νυκτὸσ εὐδίασ λαβόμενοσ ἔλαθε παραπλεύσασ καὶ καταλαβόμενοσ ἄκρον τὸ χῶμα τοῦ μεγάλου λιμένοσ εὐθὺσ περιεχαράκωσε τὸν τόπον καὶ διέφραξε θυρώμασι καὶ πέτροισ, ἐξεβίβασε δ’ εἰσ αὐτὸν στρατιώτασ τετρακοσίουσ καὶ βελῶν πλῆθοσ παντοδαπῶν, ἀπέχοντοσ ἀπὸ τῶν τειχῶν τοῦ τόπου τούτου πέντε πλέθρα. ἔπειθ’ ἡμέρασ γενομένησ παρεκόμισε τὰσ μηχανὰσ εἰσ τὸν λιμένα μετὰ σάλπιγγοσ καὶ κραυγῆσ ταὶ τοῖσ μὲν ἐλάττοσιν ὀξυβελέσι μακρὰν φερομένοισ ἀνεῖργε τοὺσ ἐργαζομένουσ τὸ παρὰ τὸν λιμένα τεῖχοσ, τοῖσ δὲ πετροβόλοισ τάσ τε μηχανὰσ τῶν πολεμίων καὶ τὸ διὰ τοῦ χώματοσ τεῖχοσ τῇ μὲν διέσεισε, τῇ δὲ κατέβαλεν, ἀσθενὲσ ὑπάρχον καὶ ταπεινὸν ἐκείνοισ τοῖσ καιροῖσ.

ἀμυνομένων δὲ καὶ τῶν ἐκ τῆσ πόλεωσ εὐρώστωσ τότε μὲν ὅλην τὴν ἡμέραν διετέλεσαν ἀμφότεροι πολλὰ κακὰ καὶ δρῶντεσ καὶ πάσχοντεσ·

τῆσ δὲ νυκτὸσ ἤδη καταλαμβανούσησ ὁ μὲν Δημήτριοσ ταῖσ ῥυμουλκούσαισ ναυσὶν ἀπήγαγε τὰσ μηχανὰσ πάλιν ἔξω βέλουσ· οἱ δὲ Ῥόδιοι ξηρᾶσ ὕλησ καὶ δᾳδὸσ ἀκάτια πληρώσαντεσ καὶ πῦρ ἐνθέμενοι τὸ μὲν πρῶτον ἐπιδιώξαντεσ προσέπλεον ταῖσ μηχαναῖσ ταῖσ τῶν πολεμίων καὶ τὴν ὕλην ὑφῆψαν, μετὰ δὲ ταῦτα τῷ πλωτῷ χάρακι καὶ τοῖσ βέλεσιν ἀνειρχθέντεσ συνηναγκάσθησαν χωρεῖν εἰσ τοὐπίσω. τῆσ δὲ φλογὸσ ἐπισχυούσησ ὀλίγοι μὲν κατασβέσαντεσ ἐπανῆλθον σὺν τοῖσ σκάφεσιν, οἱ πλεῖστοι δὲ καιομένων τῶν ἀκατίων ἐξεκολύμβησαν.

τῇ δ’ ὑστεραίᾳ κατὰ μὲν θάλατταν ὁ Δημήτριοσ παραπλησίαν ἐποιήσατο τὴν ἐπίθεσιν, κατὰ δὲ τὴν γῆν προσέταξεν ἅμα πανταχόθεν προσβάλλειν μετ’ ἀλαλαγμοῦ καὶ σάλπιγγοσ, ὅπωσ εἰσ ἀγωνίαν καὶ φόβον ἀγάγῃ τοὺσ Ῥοδίουσ, πολλῶν τῶν ἀντισπασμάτων ὄντων.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, Books XVIII-XX, book 20, chapter 86

(디오도로스 시켈로스, Bibliotheca Historica, Books XVIII-XX, book 20, chapter 86)

상위

목록

SEARCH

MENU NAVIGATION