헬라어 문장 검색 - Διοδορ́Βιβλιοτ

(디오도로스 시켈로스, Bibliotheca Historica, Books XVIII-XX, book 20, chapter 23)

οἱ δὲ περὶ τὸν Ἀριφάρνην καὶ τὸν Εὔμηλον λειφθέντεσ ἐν τῇ μάχῃ συνέφυγον εἰσ τὰ βασίλεια. ταῦτα δ’ ἔκειτο μὲν παρὰ τὸν Θάτην ποταμόν, ὃσ περιρρέων αὐτὰ καὶ βάθοσ ἔχων ἱκανὸν ἐποίει δυσπρόσιτα, περιείχετο δὲ κρημνοῖσ μεγάλοισ, ἔτι δ’ ὕλησ πλήθει, τὰσ πάσασ εἰσ2βολὰσ δύο ἔχοντα χειροποιήτουσ, ὧν ἡ μὲν ἦν ἐν αὐτοῖσ τοῖσ βασιλείοισ, ὠχυρωμένη πύργοισ ὑψηλοῖσ καὶ προτειχίσμασιν, ἡ δ’ ἐκ θατέρου μέρουσ ἐν ἕλεσιν ὑπῆρχε, φρουρουμένη ξυλίνοισ ἐρύμασι, διεστύλωτο δὲ δοκοῖσ, ὑπεράνω δὲ τῶν ὑδάτων εἶχε τὰσ οἰκήσεισ. τοιαύτησ δ’ οὔσησ τῆσ περὶ τὸν τόπον ὀχυρότητοσ τὸ μὲν πρῶτον ὁ Σάτυροσ τήν τε χώραν τῶν πολεμίων ἐδῄωσε καὶ τὰσ κώμασ ἐνεπύρισεν, ἐξ ὧν αἰχμάλωτα σώματα καὶ λείασ πλῆθοσ ἤθροισε. μετὰ δὲ ταῦτα ἐγχειρήσασ διὰ τῶν παρόδων βιάζεσθαι, κατὰ μὲν τὸ προτείχισμα καὶ τοὺσ πύργουσ πολλοὺσ ἀποβαλὼν τῶν στρατιωτῶν ἀπεχώρησε, κατὰ δὲ τὰ ἕλη βιασάμενοσ ἐκράτησε τῶν ξυλίνων φρουρίων.

ταῦτα δὲ διαρπάσασ καὶ διαβὰσ τὸν ποταμὸν ἤρξατο κόπτειν τὴν ὕλην, δι’ ἧσ ἀναγκαῖον ἦν ἐλθεῖν ἐπὶ τὰ βασίλεια.

τούτων δὲ ἐνεργῶσ συντελουμένων Ἀριφάρνησ ὁ βασιλεὺσ ἀγωνιάσασ μὴ κατὰ κράτοσ ἁλῶναι συμβῇ τὴν ἀκρόπολιν, διηγωνίζετο τολμηρότερον, ὡσ ἐν μόνῳ τῷ νικᾶν κειμένησ τῆσ σωτηρίασ. διείλετο δὲ καὶ τοὺσ τοξότασ ἐπ’ ἀμφότερα τὰ μέρη τῆσ παρόδου, δι’ ὧν ῥᾳδίωσ κατετίτρωσκε τοὺσ τὴν ὕλην κόπτοντασ, μὴ δυναμένουσ μήτε προορᾶσθαι τὰ βέλη μήτ’ ἀμύνεσθαι τοὺσ βάλλοντασ διὰ τὴν πυκνότητα τῶν δένδρων.

οἱ δὲ περὶ τὸν Σάτυρον ἐπὶ τρεῖσ μὲν ἡμέρασ ἔτεμνον τὴν ὕλην, ὁδοποιούμενοι καὶ διακαρτεροῦντεσ ἐπιπόνωσ·

τῇ δὲ τετάρτῃ συνήγγισαν μὲν τῷ τείχει, νικώμενοι δὲ τῷ πλήθει τῶν βελῶν καὶ τῇ τῶν τόπων στενοχωρίᾳ μεγάλοισ ἐλαττώμασι περιέπιπτον. Μενίσκοσ μὲν γὰρ ὁ τῶν μισθοφόρων ἡγεμών, ἀνὴρ καὶ συνέσει καὶ τόλμῃ διαφέρων, προσπεσὼν διὰ τῆσ διόδου πρὸσ τὸ τεῖχοσ καὶ μετὰ τῶν περὶ ἑαυτὸν λαμπρῶσ ἀγωνισάμενοσ ἐξεβιάσθη, πολλαπλασίων ἐπ’ αὐτὸν ἐπεξελθόντων.

ὃν ἰδὼν ὁ Σάτυροσ κινδυνεύοντα ταχέωσ παρεβοήθει καὶ τὴν ἐπιφορὰν τῶν πολεμίων ὑποστὰσ ἐτρώθη λόγχῃ διὰ τοῦ βραχίονοσ καὶ κακῶσ ἀπαλλάττων ὑπὸ τοῦ τραύματοσ ἐπανῆλθεν εἰσ τὴν παρεμβολὴν καὶ νυκτὸσ ἐπιγενομένησ ἐξέλιπε τὸν βίον, ἐννέα μόνον μῆνασ βασιλεύσασ μετὰ τὴν τοῦ πατρὸσ τελευτὴν Παρυσάδου.

Μενίσκοσ δ’ ὁ τῶν μισθοφόρων ἡγεμὼν λύσασ τὴν πολιορκίαν ἀπήγαγε τὴν δύναμιν εἰσ Γάργαζαν πόλιν κἀκεῖθεν τὸ τοῦ βασιλέωσ σῶμα διὰ τοῦ ποταμοῦ διεκόμισεν εἰσ Παντικάπαιον πρὸσ τὸν ἀδελφὸν Πρύτανιν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, Books XVIII-XX, book 20, chapter 23

(디오도로스 시켈로스, Bibliotheca Historica, Books XVIII-XX, book 20, chapter 23)

상위

목록

SEARCH

MENU NAVIGATION