헬라어 문장 검색 - Διοδορ́Βιβλιοτ

(디오도로스 시켈로스, Bibliotheca Historica, Books XVIII-XX, book 20, chapter 38)

κατὰ γὰρ τὴν Λιβύην Καρχηδονίων ἐκπεμψάντων δύναμιν τὴν προσαξομένην τοὺσ ἀφεστηκότασ Νομάδασ Ἀγαθοκλῆσ ἐπὶ μὲν τοῦ Τύνητοσ ἀπέλιπεν Ἀρχάγαθον τὸν υἱὸν μετὰ μέρουσ τῆσ στρατιᾶσ, αὐτὸσ δ’ ἀναλαβὼν τοὺσ κρατίστουσ, πεζοὺσ μὲν ὀκτακισχιλίουσ, ἱππεῖσ δὲ ὀκτακοσίουσ, ζεύγη δὲ Λιβύων πεντήκοντα, κατὰ σπουδὴν ἐπηκολούθει τοῖσ πολεμίοισ. οἱ δὲ Καρχηδόνιοι παραγενηθέντεσ εἰσ τοὺσ Νομάδασ τοὺσ καλουμένουσ Ζούφωνασ, πολλοὺσ τῶν ἐγχωρίων προσηγάγοντο καὶ τῶν ἀφεστηκότων ἐνίουσ εἰσ τὴν προϋπάρχουσαν ἀποκατέστησαν συμμαχίαν·

ἐπεὶ δ’ ἤκουσαν πλησίον εἶναι τοὺσ πολεμίουσ, κατεστρατοπέδευσαν ἐπί τινοσ γεωλόφου περιεχομένου ῥείθροισ βαθέσι καὶ δυσπεράτοισ. καὶ πρὸσ μὲν τὰσ ἀπροσδοκήτουσ ἐπιθέσεισ τῶν ἐναντίων ταῦτα προεβάλοντο, τῶν δὲ Νομάδων τοὺσ μάλιστ’ εὐθέτουσ προσέταξαν ἐπακολουθεῖν τοῖσ Ἕλλησιν καὶ παρενοχλοῦντασ κωλύειν αὐτῶν τὴν εἰσ τοὔμπροσθεν πορείαν.

ὧν ποιησάντων τὸ προσταχθὲν Ἀγαθοκλῆσ ἐπὶ μὲν τούτουσ ἀπέστειλε τούσ τε σφενδονήτασ καὶ τοξότασ, αὐτὸσ δὲ μετὰ τῆσ ἄλλησ δυνάμεωσ ὡρ́μησεν ἐπὶ τὴν στρατοπεδείαν τῶν πολεμίων. οἱ δὲ Καρχηδόνιοι τὴν ἐπίνοιαν αὐτοῦ κατανοήσαντεσ ἐξήγαγον τὴν στρατιὰν ἐκ τῆσ παρεμβολῆσ καὶ παρατάξαντεσ ἕτοιμοι πρὸσ μάχην καθειστήκεισαν.

ἐπεὶ δ’ ἑώρων τοὺσ περὶ τὸν Ἀγαθοκλέα διαβαίνοντασ ἤδη τὸν ποταμόν, συντεταγμένοι ἐνέβαλον καὶ περὶ τὸ ῥεῖθρον δυσπέρατον ὑπάρχον πολλοὺσ τῶν ἐναντίων ἀνῄρουν. προσβιαζομένων δὲ τῶν μετ’ Ἀγαθοκλέουσ οἱ μὲν Ἕλληνεσ ταῖσ ἀρεταῖσ ὑπερεῖχον, οἱ δὲ βάρβαροι τοῖσ πλήθεσι περιεγίνοντο.

ἔνθα δὴ τῶν στρατοπέδων ἐπὶ πολὺν χρόνον φιλοτίμωσ ἀγωνιζομένων οἱ παρ’ ἀμφοτέροισ Νομάδεσ τῆσ μὲν μάχησ ἀφειστήκεισαν, ἐπετήρουν δὲ τὸ τέλοσ τοῦ κινδύνου, διεγνωκότεσ τῶν ἡττημένων τὰσ ἀποσκευὰσ διαρπάσαι. Ἀγαθοκλῆσ δὲ τοὺσ ἀρίστουσ ἔχων περὶ αὑτὸν πρῶτοσ ἐβιάσατο τοὺσ ἀνθεστηκότασ καὶ τῇ τούτων τροπῇ τοὺσ λοιποὺσ βαρβάρουσ φυγεῖν ἐποίησεν·

μόνοι δὲ τῶν ἱππέων οἱ συναγωνιζόμενοι τοῖσ Καρχηδονίοισ Ἕλληνεσ, ὧν Κλίνων ἡγεῖτο, τοὺσ περὶ τὸν Ἀγαθοκλέα βαρεῖσ ἐπικειμένουσ ὑπέστησαν. ἀγωνισαμένων δ’ αὐτῶν λαμπρῶσ οἱ πλεῖστοι μὲν ἀνῃρέθησαν μαχόμενοι γενναίωσ, οἱ δὲ περιλειφθέντεσ τύχῃ τινὶ διεσώθησαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, Books XVIII-XX, book 20, chapter 38

(디오도로스 시켈로스, Bibliotheca Historica, Books XVIII-XX, book 20, chapter 38)

상위

목록

SEARCH

MENU NAVIGATION