Diodorus Siculus, Bibliotheca Historica, Books XVIII-XX, book 20, chapter 71

(디오도로스 시켈로스, Bibliotheca Historica, Books XVIII-XX, book 20, chapter 71)

ὁ δ’ Ἀγαθοκλῆσ ἐπειδὴ διεκομίσθη ταχέωσ ἐκ τῆσ Λιβύησ εἰσ τὴν Σικελίαν, μεταπεμψάμενοσ μέροσ τῆσ δυνάμεωσ παρῆλθεν εἰσ τὴν τῶν Αἰγεσταίων πόλιν οὖσαν σύμμαχον. ἀπορούμενοσ δὲ χρημάτων εἰσφέρειν ἠνάγκαζε τοὺσ εὐπόρουσ τὸ πλεῖον μέροσ τῆσ ὑπάρξεωσ, οὔσησ τῆσ πόλεωσ τότε μυριάνδρου. πολλῶν δ’ ἐπὶ τούτοισ ἀγανακτούντων καὶ συντρεχόντων αἰτιασάμενοσ τοὺσ Αἰγεσταίουσ ἐπιβουλεύειν αὐτῷ δειναῖσ περιέβαλε συμφοραῖσ τὴν πόλιν·

τοὺσ μὲν γὰρ ἀπορωτάτουσ προαγαγὼν ἐκτὸσ τῆσ πόλεωσ παρὰ τὸν Σκάμανδρον ποταμὸν ἀπέσφαξεν, τοὺσ δὲ δοκοῦντασ οὐσίαν κεκτῆσθαι μείζονα βασανίζων ἠνάγκαζε λέγειν ὁπόσα ἔχων τισ τυγχάνει χρήματα καὶ τοὺσ μὲν αὐτῶν ἐτρόχιζε, τοὺσ δὲ εἰσ τοὺσ καταπέλτασ ἐνδεσμεύων κατετόξευεν, ἐνίοισ δ’ ἀστραγάλουσ προστιθεὶσ βιαιότερον δειναῖσ ἀλγηδόσι περιέβαλλεν. ἐξεῦρε δὲ καὶ ἑτέραν τιμωρίαν ἐμφερῆ τῷ Φαλάριδοσ ταύρῳ·

κατεσκεύασε γὰρ κλίνην χαλκῆν ἀνθρωπίνου σώματοσ τύπου ἔχουσαν καὶ καθ’ ἕκαστον μέροσ κλεισὶ διειλημμένην, εἰσ ταύτην δ’ ἐναρμόζων τοὺσ βασανιζομένουσ ὑπέκαιε ζῶντασ, τούτῳ διαφερούσησ τῆσ κατασκευῆσ ταύτησ παρὰ τὸν ταῦρον, τῷ καὶ θεωρεῖσθαι τοὺσ ἐν ταῖσ ἀνάγκαισ ἀπολλυμένουσ. τῶν δὲ γυναικῶν τῶν εὐπόρων τινῶν μὲν καρκίνοισ σιδηροῖσ τὰ σφυρὰ πιέζων συνέτεινε, τινῶν δὲ τοὺσ τιτθοὺσ ἀπέτεμνεν, ταῖσ δ’ ἐγκύοισ πλίνθουσ ἐπὶ τὴν ὀσφῦν ἐπιτιθεὶσ τὸ ἔμβρυον ἀπὸ τοῦ βάρουσ ἐξέθλιβεν.

τούτῳ δὲ τῷ τρόπῳ τὰ χρήματα πάντα τοῦ τυράννου ζητοῦντοσ καὶ μεγάλου φόβου τὴν πόλιν ἐπέχοντοσ τινὲσ μὲν αὑτοὺσ συγκατέκαυσαν ταῖσ οἰκίαισ, τινὲσ δὲ ἀγχόνῃ τὸ ζῆν ἐξέλιπον. ἡ μὲν οὖν Αἴγεστα τυχοῦσα μιᾶσ ἡμέρασ ἀτυχοῦσ ἡβηδὸν ἐθανατώθη.

ὁ δ’ Ἀγαθοκλῆσ παρθένουσ μὲν καὶ παῖδασ εἰσ τὴν Ἰταλίαν διακομίσασ ἀπέδοτο τοῖσ Βρεττίοισ, τῆσ δὲ πόλεωσ οὐδὲ τὴν προσηγορίαν ἀπολιπών, ἀλλὰ Δικαιόπολιν μετονομάσασ ἔδωκεν οἰκητήριον τοῖσ αὐτομόλοισ.

일치하는 문장이 없습니다.

SEARCH

MENU NAVIGATION