헬라어 문장 검색 - Διοδορ́Βιβλιοτ

(디오도로스 시켈로스, Bibliotheca Historica, Books XVIII-XX, book 20, chapter 43)

ἐν δὲ τῇ Καρχηδόνι Βορμίλκασ πάλαι διανενοημένοσ ἐπιθέσθαι τυραννίδι καιρὸν ἐπεζήτει ταῖσ ἰδίαισ ἐπιβολαῖσ οἰκεῖον. πολλάκισ δὲ διδόντοσ τοῦ καιροῦ τὰσ ἀφορμὰσ τοῦ πράττειν τὸ βεβουλευμένον ἀεί τισ αἰτία μικρὰ παρεμπίπτουσα διεκώλυεν· δεισιδαίμονεσ γὰρ οἱ μέλλοντεσ ἐγχειρεῖν ταῖσ παρανόμοισ καὶ μεγάλαισ πράξεσι καὶ τὸ μέλλειν ἀεὶ τοῦ πράττειν καὶ τὴν ὑπέρθεσιν τῆσ συντελείασ προκρίνουσιν. ὃ καὶ τότε συνέβαινεν καὶ περὶ ἐκεῖνον· ἐξέπεμψε μὲν γὰρ τοὺσ ἐπιφανεστάτουσ τῶν πολιτῶν εἰσ τὴν ἐπὶ τοὺσ Νομάδασ στρατείαν, ἵνα μηδένα τῶν ἀξιολόγων ἔχῃ τὸν ἀντιστησόμενον, οὐκ ἐτόλμα δὲ ἀποκαλύψασθαι πρὸσ τὴν τυραννίδα, μετακαλούμενοσ ὑπὸ τῆσ εὐλαβείασ.

καθ’ ὃν δὲ καιρὸν Ἀγαθοκλῆσ ἐπέθετο τοῖσ περὶ τὸν Ὀφέλλαν, ὁρμῆσαι καὶ τοῦτον συνέβη πρὸσ τὴν δυναστείαν, ἀγνοούντων ἀμφοτέρων τὰ παρὰ τοῖσ πολεμίοισ πραττόμενα.

οὔτε γὰρ Ἀγαθοκλῆσ ἔγνω τὴν ἐπίθεσιν τῆσ τυραννίδοσ καὶ τὴν ἐν τῇ πόλει ταραχήν, ἐπεὶ ῥᾳδίωσ ἂν ἐκράτησε τῆσ Καρχηδόνοσ·

εἵλετο γὰρ ἂν Βορμίλκασ ἐπ’ αὐτοφώρῳ γενόμενοσ συνεργεῖν Ἀγαθοκλεῖ μᾶλλον ἢ τοῖσ πολίταισ δοῦναι τὴν ἐκ τοῦ σώματοσ τιμωρίαν· οὔτε πάλιν οἱ Καρχηδόνιοι τὴν ἐπίθεσιν τὴν Ἀγαθοκλέουσ ἐπύθοντο· ῥᾳδίωσ γὰρ ἂν αὐτὸν ἐχειρώσαντο προσλαβόμενοι τὴν μετ’ Ὀφέλλα δύναμιν. ἀλλ’, οἶμαι, παρ’ ἀμφοτέροισ οὐκ ἀλογίστωσ συνέβη γενέσθαι ταύτην τὴν ἄγνοιαν, καίπερ μεγάλων μὲν οὐσῶν τῶν πράξεων, ἐγγὺσ δ’ ἀλλήλων ἐπικεχειρηκότων τοῖσ τηλικούτοισ τολμήμασιν·

ὅ τε γὰρ Ἀγαθοκλῆσ ἄνδρα φίλον μέλλων ἀναιρεῖν πρὸσ οὐδὲν ἐπέβαλλε τὴν διάνοιαν τῶν παρὰ τοῖσ πολεμίοισ συντελουμένων, ὅ τε Βορμίλκασ τὴν τῆσ πατρίδοσ ἐλευθερίαν ἀφαιρούμενοσ οὐδὲν ὅλωσ ἐπολυπραγμόνει τῶν παρὰ τοῖσ ἀντιστρατοπεδεύουσιν, ὡσ ἂν ἔχων προκείμενον ἐν τῇ ψυχῇ τὸ μὴ τοὺσ πολεμίουσ ἐπὶ τοῦ παρόντοσ, ἀλλὰ τοὺσ πολίτασ καταπολεμῆσαι.

ταύτῃ δ’ ἄν τισ καὶ τὴν ἱστορίαν καταμέμψαιτο, θεωρῶν ἐπὶ μὲν τοῦ βίου πολλὰσ καὶ διαφόρουσ πράξεισ συντελουμένασ κατὰ τὸν αὐτὸν καιρόν, τοῖσ δ’ ἀναγράφουσιν ἀναγκαῖον ὑπάρχον τὸ μεσολαβεῖν τὴν διήγησιν καὶ τοῖσ ἅμα συντελουμένοισ μερίζειν τοὺσ χρόνουσ παρὰ φύσιν, ὥστε τὴν μὲν ἀλήθειαν τῶν πεπραγμένων τὸ πάθοσ ἔχειν, τὴν δ’ ἀναγραφὴν ἐστερημένην τῆσ ὁμοίασ ἐξουσίασ μιμεῖσθαι μὲν τὰ γεγενημένα, πολὺ δὲ λείπεσθαι τῆσ ἀληθοῦσ διαθέσεωσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, Books XVIII-XX, book 20, chapter 43

(디오도로스 시켈로스, Bibliotheca Historica, Books XVIII-XX, book 20, chapter 43)

상위

목록

SEARCH

MENU NAVIGATION