헬라어 문장 검색 - Διοδορ́Βιβλιοτ

(디오도로스 시켈로스, Bibliotheca Historica, Books XVIII-XX, book 20, chapter 69)

φυλακήν. ἀναρχίασ οὖν γενομένησ ἐν τῷ στρατοπέδῳ θόρυβοσ ἦν καὶ ταραχὴ καὶ τῆσ νυκτὸσ ἐπιλαβούσησ διεδόθη λόγοσ ὡσ πλησίον εἰσὶν οἱ πολέμιοι. ἐμπεσούσησ δὲ πτόησ καὶ φόβου πανικοῦ διεσκευασμένοσ ἕκαστοσ προῆγεν ἐκ τῆσ παρεμβολῆσ οὐδενὸσ παραγγέλλοντοσ. καθ’ ὃν δὴ χρόνον οἱ τὸν δυνάστην παραφυλάττοντεσ οὐχ ἧττον τῶν ἄλλων ἐκπεπληγμένοι καὶ δόξαντεσ ὑπό τινων καλεῖσθαι ταχέωσ ἐξῆγον τὸν Ἀγαθοκλέα διειλημμένον δεσμοῖσ.

τὸ δὲ πλῆθοσ ὡσ ἴδεν, εἰσ ἔλεον ἐτράπη καὶ πάντεσ ἐπεβόων ἀφεῖναι.

ὁ δὲ λυθεὶσ καὶ μετ’ ὀλίγων ἐμβὰσ εἰσ τὸ πορθμεῖον ἔλαθεν ἐκπλεύσασ κατὰ τὴν δύσιν τῆσ Πλειάδοσ χειμῶνοσ ὄντοσ. οὗτοσ μὲν οὖν τῆσ ἰδίασ σωτηρίασ φροντίσασ ἐγκατέλιπε τοὺσ υἱούσ, οὓσ οἱ στρατιῶται τὸν δρασμὸν ἀκούσαντεσ εὐθὺσ ἀπέσφαξαν, καὶ στρατηγοὺσ ἐξ ἑαυτῶν ἑλόμενοι διελύθησαν πρὸσ Καρχηδονίουσ, ὥστε τὰσ πόλεισ ἃσ εἶχον παραδοῦναι καὶ λαβεῖν τάλαντα τριακόσια καὶ τοὺσ μὲν αἱρουμένουσ μετὰ Καρχηδονίων στρατεύειν κομίζεσθαι τοὺσ ἀεὶ διδομένουσ μισθούσ, τοὺσ δ’ ἄλλουσ εἰσ Σικελίαν διακομισθέντασ λαβεῖν οἰκητήριον Σολοῦντα. τῶν μὲν οὖν στρατιωτῶν οἱ πλείουσ ἐμμείναντεσ ταῖσ συνθήκαισ ἔτυχον τῶν ὁμολογηθέντων·

ὅσοι δὲ τὰσ πόλεισ διακατέχοντεσ ἀντεῖχον ταῖσ παρ’ Ἀγαθοκλέουσ ἐλπίσιν, ἐξεπολιορκήθησαν κατὰ κράτοσ. ὧν οἱ Καρχηδόνιοι τοὺσ μὲν ἡγεμόνασ ἀνεσταύρωσαν, τοὺσ δ’ ἄλλουσ δήσαντεσ πέδαισ, ἣν διὰ τὸν πόλεμον ἐξηγρίωσαν χώραν, ἐξηνάγκαζον τοὶσ ἰδίοισ πόνοισ πάλιν ἐξημεροῦν.

Καρχηδόνιοι μὲν οὖν ἔτοσ τέταρτον πολεμούμενοι τοῦτον τὸν τρόπον ἐκομίσαντο τὴν ἐλευθερίαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, Books XVIII-XX, book 20, chapter 69

(디오도로스 시켈로스, Bibliotheca Historica, Books XVIII-XX, book 20, chapter 69)

상위

목록

SEARCH

MENU NAVIGATION