헬라어 문장 검색 - Διοδορ́Βιβλιοτ

(디오도로스 시켈로스, Bibliotheca Historica, Books XVIII-XX, book 20, chapter 51)

οἱ δὲ δυνάσται, ὡσ ἂν περὶ τοῦ βίου καὶ τῶν ὅλων μέλλοντεσ διακινδυνεύειν, ἐν ἀγωνίᾳ πολλῇ καθειστήκεισαν. Δημήτριοσ μὲν οὖν τῶν ἐναντίων ἀποσχὼν ὡσ ἂν τρεῖσ σταδίουσ ἦρεν τὸ συγκείμενον πρὸσ μάχην σύσσημον, ἀσπίδα κεχρυσωμένην, φανερὰν πᾶσιν ἐκ διαδοχῆσ· τὸ παραπλήσιον δὲ καὶ τῶν περὶ Πτολεμαῖον ποιησάντων ταχὺ τὸ διεῖργον διάστημα συνῃρέθη.

ὡσ δ’ αἵ τε σάλπιγγεσ τὸ πολεμικὸν ἐσήμαινον καὶ συνηλάλαξαν αἱ δυνάμεισ ἀμφότεραι, φερομένων ἁπασῶν τῶν νεῶν εἰσ ἐμβολὴν καταπληκτικῶσ τὸ μὲν πρῶτον τοῖσ τόξοισ καὶ τοῖσ πετροβόλοισ, ἔτι δὲ τοῖσ ἀκοντίσμασι πυκνοῖσ χρώμενοι κατετραυμάτιζον τοὺσ ὑποπίπτοντασ· εἶτα συνεγγισάντων τῶν σκαφῶν καὶ μελλούσησ γίνεσθαι τῆσ ἐμβολῆσ βιαίου οἱ μὲν ἐπὶ τῶν καταστρωμάτων συγκαθῆκαν, οἱ δ’ ἐρέται παρακληθέντεσ ὑπὸ τῶν κελευστῶν ἐκθυμότερον ἐνέκειντο. ἀπὸ κράτουσ δὲ καὶ βίασ ἐλαθεισῶν τῶν νεῶν αἱ μὲν παρέσυρον ἀλλήλων τοὺσ ταρσούσ, ὥστε πρὸσ φυγὴν καὶ διωγμὸν ἀχρήστουσ γίνεσθαι καὶ τοὺσ ἐπιβεβηκότασ ἄνδρασ ὡρμηκότασ πρὸσ ἀλκὴν κωλύεσθαι τῆσ πρὸσ τὸν κίνδυνον ὁρμῆσ·

αἱ δὲ κατὰ πρῷραν τοῖσ ἐμβόλοισ συρράττουσαι πρύμναν ἀνεκρούοντο πρὸσ ἄλλην ἐμβολὴν καὶ κατετραυμάτιζον ἀλλήλουσ οἱ ταύταισ ἐφεστῶτεσ, ἅτε τοῦ σκοποῦ σύνεγγυσ ἑκάστοισ κειμένου. τινὲσ δὲ τῶν τριηραρχῶν ἐκ πλαγίασ ἔτυπτον καὶ τῶν ἐμβόλων δυσαποσπάστωσ ἐχόντων ἐπεπήδων ἐπὶ τὰσ τῶν πολεμίων ναῦσ, πολλὰ καὶ πάσχοντεσ δεινὰ καὶ διατιθέντεσ· οἱ μὲν γὰρ τῶν ἐγγιζόντων τοίχων ἐφαψάμενοι καὶ σφαλέντεσ τῆσ βάσεωσ περιέπιπτον εἰσ θάλασσαν καὶ παραχρῆμα τοῖσ δόρασιν ὑπὸ τῶν ἐφεστώτων ἐφονεύοντο, οἱ δὲ κρατήσαντεσ τῆσ ἐπιβολῆσ τοὺσ μὲν ἀνῄρουν, τοὺσ δὲ κατὰ τὴν στενοχωρίαν ἐκβιαζόμενοι περιέτρεπον εἰσ τὸ πέλαγοσ.

ὅλωσ δὲ ποικίλαι καὶ παράλογοι συνίσταντο μάχαι, πολλάκισ τῶν μὲν ἡττόνων ἐπικρατούντων διὰ τὴν τῶν σκαφῶν ὑπεροχήν, τῶν δὲ κρειττόνων θλιβομένων διὰ τὸ περὶ τὴν στάσιν ἐλάττωμα καὶ τὴν ἀνωμαλίαν τῶν συμβαινόντων ἐν τοῖσ τοιούτοισ κινδύνοισ. ἐπὶ μὲν γὰρ τῶν ἐπὶ τῆσ γῆσ ἀγώνων διάδηλοσ ἡ ἀρετὴ γίνεται, δυναμένη τυγχάνειν τῶν πρωτείων μηδενὸσ ἔξωθεν αὐτομάτου παρενοχλοῦντοσ·

κατὰ δὲ τὰσ ναυμαχίασ πολλὰσ καὶ ποικίλασ αἰτίασ συμβαίνει παραλόγωσ ἐλαττοῦν τοὺσ δι’ ἀνδρείαν δικαίωσ ἂν τυχόντασ τῆσ νίκησ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, Books XVIII-XX, book 20, chapter 51

(디오도로스 시켈로스, Bibliotheca Historica, Books XVIII-XX, book 20, chapter 51)

상위

목록

SEARCH

MENU NAVIGATION