헬라어 문장 검색 - Διοδορ́Βιβλιοτ

(디오도로스 시켈로스, Bibliotheca Historica, Books XVIII-XX, book 20, chapter 74)

οἱ δὲ περὶ τὸν Δημήτριον ἐκ τῆσ Γάζησ ἐκπλεύσαντεσ περὶ μέσασ νύκτασ τὸ μὲν πρῶτον εὐδίασ οὔσησ ἐφ’ ἡμέρασ τινὰσ ταῖσ ταχυναυτούσαισ ναυσὶν ἐρυμούλκουν τὰ στρατιωτικὰ πόρια· ἔπειτα τῆσ Πλειάδοσ περικαταλαμβανούσησ αὐτοὺσ καὶ πνεύματοσ ἐπιγενομένου βορίου συνέβη πολλὰ τῶν τετρηρικῶν σκαφῶν ὑπὸ τοῦ χειμῶνοσ κατενεχθῆναι παραβόλωσ ἐπὶ πόλιν Ῥαφίαν, οὖσαν δυσπροσόρμιστον καὶ τεναγώδη. τῶν δὲ πλοίων τῶν κομιζόντων τὰ βέλη τὰ μὲν ὑπὸ τοῦ χειμῶνοσ συγκλυσθέντα διεφθάρη, τὰ δ’ ἐπαλινδρόμησεν εἰσ τὴν Γάζαν·

τοῖσ δὲ κρατίστοισ τῶν σκαφῶν βιασάμενοι διέτειναν μέχρι τοῦ Κασίου. τοῦτο δὲ τοῦ μὲν Νείλου διέστηκεν οὐ μακράν, ἀλίμενον δέ ἐστι καὶ κατὰ τὰσ χειμερίουσ περιστάσεισ ἀπροσόρμιστον.

διόπερ ἠναγκάζοντο τὰσ ἀγκύρασ ἀφέντεσ ὡσ ἂν ἐν δυσὶ σταδίοισ ἀπὸ τῆσ γῆσ ἀποσαλεύειν, ἅμα πολλοῖσ περιεχόμενοι δεινοῖσ· τοῦ μὲν γὰρ κλύδωνοσ ῥηγνυμένου τραχύτερον ἐκινδύνευον αὔτανδρα τὰ σκάφη συγκλυσθῆναι, τῆσ δὲ γῆσ οὔσησ ἀπροσορμίστου καὶ πολεμίασ οὔτε ναῦσ ἀκινδύνωσ ἦν προσπλεῖν οὔτε τοὺσ ἄνδρασ προσνήξασθαι, τὸ δὲ μέγιστον, ἐλελοίπει τὸ εἰσ πότον αὐτοῖσ ὕδωρ, εἰσ τοιαύτην τε σπάνιν κατεκλείσθησαν ὥστε εἰ μίαν ἡμέραν ὁ χειμὼν ἐπέμεινεν, πάντεσ ἂν τῷ δίψει διεφθάρησαν. ἐν ἀθυμίᾳ δ’ ὄντων ἁπάντων καὶ προσδοκωμένησ ἤδη τῆσ ἀπωλείασ τὸ μὲν πνεῦμα κατέπαυσεν, ἡ δὲ μετ’ Ἀντιγόνου δύναμισ καταντήσασα πλησίον τοῦ στόλου κατεστρατοπέδευσεν.

ἐκβάντεσ οὖν ἐκ τῶν σκαφῶν καὶ προσαναλαβόντεσ ἑαυτοὺσ ἐν τῇ στρατοπεδείᾳ προσέμενον τῶν νεῶν τὰσ ἀποσπασθείσασ.

διεφθάρη δ’ ἐν τούτῳ τῷ σάλῳ τρία σκάφη τῶν πεντηρικῶν, ἐξ ὧν ἔνιοι τῶν ἀνδρῶν διενήξαντο πρὸσ τὴν γῆν. ἔπειτα Ἀντίγονοσ μὲν προαγαγὼν τὴν δύναμιν πλησίον τοῦ Νείλου κατεστρατοπέδευσεν, ἀπέχων δύο σταδίουσ τοῦ ποταμοῦ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, Books XVIII-XX, book 20, chapter 74

(디오도로스 시켈로스, Bibliotheca Historica, Books XVIII-XX, book 20, chapter 74)

상위

목록

SEARCH

MENU NAVIGATION