헬라어 문장 검색 - Διοδορ́Βιβλιοτ

(디오도로스 시켈로스, Bibliotheca Historica, Books XVIII-XX, book 20, chapter 47)

ὁ δὲ Δημήτριοσ παραπλεύσασ εἰσ Κιλικίαν κἀκεῖθεν ναῦσ καὶ στρατιώτασ προσλαβόμενοσ διέπλευσεν εἰσ τὴν Κύπρον ἔχων πεζοὺσ μὲν μυρίουσ πεντακισχιλίουσ, ἱππεῖσ δὲ τετρακοσίουσ, ναῦσ δὲ ταχυναυτούσασ μὲν τριήρεισ πλείουσ τῶν ἑκατὸν δέκα, τῶν δὲ βαρυτέρων στρατιωτίδων πεντήκοντα καὶ τρεῖσ καὶ πόρια τῶν παντοδαπῶν ἱκανὰ τῷ πλήθει τῶν ἱππέων τε καὶ πεζῶν. καὶ τὸ μὲν πρῶτον κατεστρατοπέδευσεν ἐν τῇ παραλίᾳ τῆσ Καρπασίασ καὶ νεωλκήσασ τὰ σκάφη χάρακι καὶ τάφρῳ βαθείᾳ τὴν παρεμβολὴν ὠχύρωσεν·

ἔπειτα τοῖσ πλησιοχώροισ προσβολὰσ ποιησάμενοσ εἷλε κατὰ κράτοσ Οὐρανίαν καὶ Καρπασίαν, τῶν δὲ νεῶν τὴν ἱκανὴν φυλακὴν ἀπολιπὼν ἀνέζευξε μετὰ τῆσ δυνάμεωσ ἐπὶ τὴν Σαλαμῖνα. ὁ δὲ τεταγμένοσ ὑπὸ Πτολεμαίου τῆσ νήσου στρατηγὸσ Μενέλαοσ συναγαγὼν τοὺσ στρατιώτασ ἐκ τῶν φρουρίων διέτριβεν ἐν Σαλαμῖνι, ἀπεχόντων δὲ τεσσαράκοντα σταδίουσ τῶν πολεμίων ἐξῆλθεν ἔχων πεζοὺσ μὲν μυρίουσ καὶ δισχιλίουσ, ἱππεῖσ δὲ περὶ ὀκτακοσίουσ.

γενομένησ δὲ μάχησ ἐπ’ ὀλίγον χρόνον οἱ μὲν περὶ τὸν Μενέλαον ἐκβιασθέντεσ ἐτράπησαν, ὁ δὲ Δημήτριοσ συνδιώξασ τοὺσ πολεμίουσ εἰσ τὴν πόλιν αἰχμαλώτουσ μὲν ἔλαβεν οὐ πολὺ ἐλάττουσ τρισχιλίων, ἀνεῖλε δὲ περὶ χιλίουσ. τοὺσ δ’ ἁλόντασ τὸ μὲν πρῶτον ἀπολύσασ τῶν ἐγκλημάτων καταδιεῖλεν εἰσ τὰσ τῶν ἰδίων στρατιωτῶν τάξεισ·

ἀποδιδρασκόντων δ’ αὐτῶν πρὸσ τοὺσ περὶ τὸν Μενέλαον διὰ τὸ τὰσ ἀποσκευὰσ ἐν Αἰγύπτῳ καταλελοιπέναι παρὰ Πτολεμαίῳ, γνοὺσ ἀμεταθέτουσ ὄντασ ἐνεβίβασεν εἰσ τὰσ ναῦσ καὶ πρὸσ Ἀντίγονον εἰσ Συρίαν ἀπέστειλεν. οὗτοσ δὲ τοῦτον τὸν χρόνον διέτριβε περὶ τὴν ἄνω Συρίαν, πόλιν κτίζων περὶ τὸν Ὀρόντην ποταμὸν τὴν ὠνομασμένην Ἀντιγονίαν ἀφ’ ἑαυτοῦ.

κατεσκεύαζε δὲ πολυτελῶσ, τὴν περίμετρον ὑποστησάμενοσ σταδίων ἑβδομήκοντα· εὐφυὴσ γὰρ ἦν ὁ τόποσ ἐφεδρεῦσαι τῇ τε Βαβυλῶνι καὶ ταῖσ ἄνω σατραπείαισ καὶ πάλιν τῇ κάτω Συρίᾳ καὶ ταῖσ ἀπ’ Αἰγύπτου σατραπείαισ. οὐ μὴν πολύν γε χρόνον συνέβη μεῖναι τὴν πόλιν, Σελεύκου καθελόντοσ αὐτὴν καὶ μεταγαγόντοσ ἐπὶ τὴν κτισθεῖσαν μὲν ὑπ’ αὐτοῦ, ἀπ’ ἐκείνου δὲ κληθεῖσαν Σελεύκειαν.

ἀλλὰ περὶ μὲν τούτων ἀκριβῶσ ἕκαστα δηλώσομεν ἐπὶ τοὺσ οἰκείουσ χρόνουσ παραγενηθέντεσ· πρὸσ δὲ Πτολεμαῖον ἀπέστειλαν εἰσ Αἴγυπτον τοὺσ δηλώσοντασ περὶ τῶν ἐλαττωμάτων καὶ ἀξιώσοντασ βοηθεῖν, ὡσ κινδυνευόντων αὐτῷ τῶν ἐν τῇ νήσῳ πραγμάτων.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, Books XVIII-XX, book 20, chapter 47

(디오도로스 시켈로스, Bibliotheca Historica, Books XVIII-XX, book 20, chapter 47)

상위

목록

SEARCH

MENU NAVIGATION