헬라어 문장 검색 - Διοδορ́Βιβλιοτ

(디오도로스 시켈로스, Bibliotheca Historica, Books XVIII-XX, book 20, chapter 102)

τοῦ δ’ ἐνιαυσίου χρόνου διεληλυθότοσ Ἀθήνησι μὲν ἦρχε Λεώστρατοσ, ἐν Ῥώμῃ δ’ ὑπῆρχον ὕπατοι Σερούιοσ Κορνήλιοσ καὶ Λεύκιοσ Γενούκιοσ. ἐπὶ δὲ τούτων Δημήτριοσ εἶχε πρόθεσιν πρὸσ μὲν τοὺσ περὶ Κάσανδρον διαπολεμεῖν, τοὺσ δ’ Ἕλληνασ ἐλευθεροῦν καὶ πρῶτον τὰ κατὰ τὴν Ἑλλάδα διοικεῖν, ἅμα μὲν νομίζων δόξαν οἴσειν αὐτῷ μεγάλην τὴν τῶν Ἑλλήνων αὐτονομίαν, ἅμα δὲ καὶ τοὺσ περὶ Πρεπέλαον ἡγεμόνασ τοῦ Κασάνδρου πρότερον συντρῖψαι καὶ τότε προσάγειν ἐπ’ αὐτὴν τὴν ἡγεμονίαν, ἢ ἐπ’ αὐτὸν πορεύοιτο τὸν Κάσανδρον. τῆσ δὲ τῶν Σικυωνίων πόλεωσ φρουρουμένησ ὑπὸ τῶν Πτολεμαίου τοῦ βασιλέωσ στρατιωτῶν, ὧν ἦν ἐπιφανέστατοσ στρατηγὸσ Φίλιπποσ, νυκτὸσ ἐπιθέμενοσ ἀπροσδοκήτωσ παρεισέπεσεν ἐντὸσ τοῦ τείχουσ.

εἶτα οἱ μὲν φρουροὶ συνέφυγον εἰσ τὴν ἀκρόπολιν, ὁ δὲ Δημήτριοσ τῆσ πόλεωσ κυριεύσασ τὸν μεταξὺ τόπον τῶν οἰκιῶν καὶ τῆσ ἄκρασ κατεῖχε. μέλλοντοσ δ’ αὐτοῦ μηχανὰσ προσάγειν καταπλαγέντεσ τὴν μὲν ἀκρόπολιν δι’ ὁμολογίασ παρέδοσαν, αὐτοὶ δ’ ἀπέπλευσαν εἰσ Αἴγυπτον. ὁ δὲ Δημήτριοσ τοὺσ Σικυωνίουσ εἰσ τὴν ἀκρόπολιν μετοικίσασ τὸ μὲν τῷ λιμένι συνάπτον μέροσ τῆσ πόλεωσ κατέσκαψεν, ἀνοχύρου παντελῶσ ὄντοσ τοῦ τόπου, τῷ δὲ πολιτικῷ πλήθει συνεπιλαβόμενοσ τῆσ οἰκοδομίασ καὶ τὴν ἐλευθερίαν ἀποκαταστήσασ τιμῶν ἰσοθέων ἔτυχε παρὰ τοῖσ εὖ παθοῦσι· Δημητριάδα μὲν γὰρ τὴν πόλιν ὠνόμασαν, θυσίασ δὲ καὶ πανηγύρεισ, ἔτι δ’ ἀγῶνασ ἐψηφίσαντο συντελεῖν αὐτῷ κατ’ ἐνιαυτὸν καὶ τὰσ ἄλλασ ἀπονέμειν τιμὰσ ὡσ κτίστῃ.

ἀλλὰ ταῦτα μὲν ὁ χρόνοσ διαληφθεὶσ πραγμάτων μεταβολαῖσ ἠκύρωσεν, οἱ δὲ Σικυώνιοι πολλῷ κρείττονα μεταλαβόντεσ τόπον διετέλεσαν ἐν αὐτῷ μέχρι τῶν καθ’ ἡμᾶσ χρόνων ἐνοικοῦντεσ. ὁ γὰρ τῆσ ἀκροπόλεωσ περίβολοσ ἐπίπεδοσ ὢν καὶ μέγασ κρημνοῖσ δυσπροσίτοισ περιέχεται πανταχόθεν, ὥστε μηδαμῇ δύνασθαι μηχανὰσ προσάγειν·

ἔχει δὲ καὶ πλῆθοσ ὑδάτων, ἐξ οὗ κηπείασ δαψιλεῖσ κατεσκεύασαν, ὥστε τὴν ἐπίνοιαν τοῦ βασιλέωσ καὶ πρὸσ ἀπόλαυσιν εἰρηνικὴν καὶ πρὸσ ἀσφάλειαν πολέμου δόξαι καλῶσ προεωρᾶσθαι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, Books XVIII-XX, book 20, chapter 102

(디오도로스 시켈로스, Bibliotheca Historica, Books XVIII-XX, book 20, chapter 102)

상위

목록

SEARCH

MENU NAVIGATION