헬라어 문장 검색 - Διοδορ́Βιβλιοτ

(디오도로스 시켈로스, Bibliotheca Historica, Books XVIII-XX, book 20, chapter 46)

οἱ δὲ Ἀθηναῖοι γράψαντοσ ψήφισμα Στρατοκλέουσ ἐψηφίσαντο χρυσᾶσ μὲν εἰκόνασ ἐφ’ ἁρ́ματοσ στῆσαι τοῦ τε Ἀντιγόνου καὶ Δημητρίου πλησίον Ἁρμοδίου καὶ Ἀριστογείτονοσ, στεφανῶσαι δὲ ἀμφοτέρουσ ἀπὸ ταλάντων διακοσίων καὶ βωμὸν ἱδρυσαμένουσ προσαγορεῦσαι Σωτήρων, πρὸσ δὲ τὰσ δέκα φυλὰσ προσθεῖναι δύο, Δημητριάδα καὶ Ἀντιγονίδα, καὶ συντελεῖν αὐτοῖσ κατ’ ἐνιαυτὸν ἀγῶνασ καὶ πομπὴν καὶ θυσίαν, ἐνυφαινόντων αὐτοὺσ εἰσ τὸν τῆσ Ἀθηνᾶσ πέπλον . ὁ μὲν οὖν δῆμοσ ἐν τῷ Λαμιακῷ πολέμῳ καταλυθεὶσ ὑπ’ Ἀντιπάτρου μετ’ ἔτη πεντεκαίδεκα παραδόξωσ ἐκομίσατο τὴν πάτριον πολιτείαν·

ὁ δὲ Δημήτριοσ, φρουρουμένησ τῆσ Μεγαρέων πόλεωσ, ἐκπολιορκήσασ αὐτὴν ἀπέδωκεν τὴν αὐτονομίαν τῷ δήμῳ καὶ τιμῶν ἀξιολόγων ἔτυχεν ὑπὸ τῶν εὖ παθόντων. Ἀντίγονοσ δέ, παραγενομένων πρὸσ αὐτὸν Ἀθήνηθεν πρεσβευτῶν καὶ τό τε περὶ τῶν τιμῶν ἀναδόντων ψήφισμα καὶ περὶ σίτου καὶ ξύλων εἰσ ναυπηγίαν διαλεχθέντων, ἔδωκεν αὐτοῖσ πυροῦ μὲν μεδίμνων πεντεκαίδεκα μυριάδασ, ὕλην δὲ τὴν ἱκανὴν ναυσὶν ἑκατόν·

ἐξ Ἴμβρου δὲ τὴν φρουρὰν ἐξαγαγὼν ἀπέδωκεν αὐτοῖσ τὴν πόλιν. πρὸσ δὲ τὸν υἱὸν Δημήτριον ἔγραψε κελεύων τῶν μὲν συμμαχίδων πόλεων συνέδρουσ συστήσασθαι τοὺσ βουλευσομένουσ κοινῇ περὶ τῶν τῇ Ἑλλάδι συμφερόντων, αὐτὸν δὲ μετὰ τῆσ δυνάμεωσ εἰσ Κύπρον πλεῦσαι καὶ διαπολεμῆσαι τὴν ταχίστην πρὸσ τοὺσ Πτολεμαίου στρατηγούσ.

οὗτοσ μὲν οὖν συντόμωσ πάντα πράξασ κατὰ τὰσ ἐντολὰσ τοῦ πατρὸσ καὶ κομισθεὶσ ἐπὶ Καρίασ παρεκάλει τοὺσ Ῥοδίουσ πρὸσ τὸν κατὰ Πτολεμαίου πόλεμον.

οὐ προσεχόντων δ’ αὐτῶν, ἀλλὰ κοινὴν εἰρήνην αἱρουμένων ἄγειν πρὸσ ἅπαντασ ταύτην ἀρχὴν συνέβη γενέσθαι τῷ δήμῳ τῆσ πρὸσ Ἀντίγονον ἀλλοτριότητοσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, Books XVIII-XX, book 20, chapter 46

(디오도로스 시켈로스, Bibliotheca Historica, Books XVIII-XX, book 20, chapter 46)

상위

목록

SEARCH

MENU NAVIGATION