헬라어 문장 검색 - Διοδορ́Βιβλιοτ

(디오도로스 시켈로스, Bibliotheca Historica, Books XVIII-XX, book 20, chapter 107)

βοηθεῖν ἁδραῖσ δυνάμεσι· τοῖσ δὲ περὶ Κάσανδρον ἔδοξε μὴ περιμένειν τὴν τῶν πολεμίων ἔφοδον, ἀλλὰ καὶ αὐτοὺσ φθάσαντασ ἐπιστρατεύειν καὶ προλαμβάνειν τὸ χρήσιμον. διόπερ ὁ Κάσανδροσ Λυσιμάχῳ μὲν παρέδωκε μέροσ τοῦ στρατοπέδου καὶ στρατηγὸν συνεξέπεμψεν, αὐτὸσ δὲ ἀνέζευξε μετὰ τῆσ λοιπῆσ δυνάμεωσ εἰσ Θετταλίαν, διαπολεμήσων Δημητρίῳ καὶ τοῖσ Ἕλλησι. Λυσίμαχοσ δὲ μετὰ στρατοπέδου διαβὰσ ἐκ τῆσ Εὐρώπησ εἰσ τὴν Ἀσίαν Λαμψακηνοὺσ μὲν καὶ Παριανοὺσ ἑκουσίωσ προσθεμένουσ ἀφῆκεν ἐλευθέρουσ, Σίγειον δὲ ἐκπολιορκήσασ φρουρὰν παρεισήγαγε.

μετὰ δὲ ταῦτα Πρεπελάῳ μὲν τῷ στρατηγῷ δοὺσ πεζοὺσ ἑξακισχιλίουσ, ἱππεῖσ δὲ χιλίουσ ἐξέπεμψε προσαξόμενον τὰσ πόλεισ τάσ τε κατὰ τὴν Αἰολίδα καὶ τὴν Ιὠνίαν, αὐτὸσ δὲ τὸ μὲν πρῶτον ἐπεχείρησε πολιορκεῖν τὴν Ἄβυδον καὶ βέλη καὶ μηχανὰσ καὶ τἄλλα παρεσκευάζετο· ἐπεὶ δὲ κατὰ θάλατταν ἦλθε τοῖσ πολιορκουμένοισ στρατιωτῶν πλῆθοσ παρὰ Δημητρίου τὸ δυνάμενον τὴν ἀσφάλειαν παρέχεσθαι τῇ πόλει, ταύτησ μὲν τῆσ ἐπιβολῆσ ἀπέστη, τὴν δ’ ἐφ’ Ἑλλησπόντῳ Φρυγίαν προσαγαγόμενοσ καὶ Σύνναδα πόλιν ἔχουσαν ἀποσκευὰσ μεγάλασ βασιλικὰσ ἐπολιόρκησεν.

ὅτε δὴ καὶ Δόκιμον τὸν Ἀντιγόνου στρατηγὸν πείσασ κοινοπραγεῖν τά τε Σύνναδα παρέλαβε διὰ τούτου καὶ τῶν ὀχυρωμάτων ἔνια τῶν ἐχόντων τὰ βασιλικὰ χρήματα.

ὁ δ’ ἐπὶ τῆσ Αἰολίδοσ καὶ τῆσ Ιὠνίασ πεμφθεὶσ ὑπὸ Λυσιμάχου στρατηγὸσ Πρεπέλαοσ Ἀδραμυττίου μὲν ἐκυρίευσεν ἐν παρόδῳ, τὴν δ’ Ἔφεσον πολιορκήσασ καὶ καταπληξάμενοσ τοὺσ ἔνδον παρέλαβε τὴν πόλιν. καὶ τοὺσ μὲν ἐγκαταληφθέντασ τῶν Ῥοδίων ἑκατὸν ὁμήρουσ ἀπέστειλεν εἰσ τὴν πατρίδα, τοὺσ δ’ Ἐφεσίουσ ὑποσπόνδουσ ἀφῆκε, τὰσ δὲ ναῦσ τὰσ ἐν τῷ λιμένι πάσασ ἐνέπρησε διὰ τὸ θαλασσοκρατεῖν τοὺσ πολεμίουσ καὶ τὴν ὅλην κρίσιν τοῦ πολέμου ἄδηλον ὑπάρχειν. μετὰ δὲ ταῦτα Τηίουσ μὲν καὶ Κολοφωνίουσ προσηγάγετο, Ἐρυθραίοισ δὲ καὶ Κλαζομενίοισ ἐλθούσησ κατὰ θάλατταν βοηθείασ τὰσ μὲν πόλεισ ἑλεῖν οὐκ ἠδυνήθη, τὴν δὲ χώραν αὐτῶν πορθήσασ ἀνέζευξεν ἐπὶ Σάρδεισ.

ἐνταῦθα δὴ τὸν Ἀντιγόνου στρατηγὸν Φοίνικα πείσασ ἀποστῆναι τοῦ βασιλέωσ παρέλαβε τὴν πόλιν πλὴν τῆσ ἄκρασ· ταύτην γὰρ φυλάττων Φίλιπποσ εἷσ τῶν Ἀντιγόνου φίλων βεβαίαν ἐτήρει τὴν εὔνοιαν τὴν πρὸσ τὸν πεπιστευκότα. τὰ μὲν οὖν περὶ Λυσίμαχον ἐν τούτοισ ἦν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, Books XVIII-XX, book 20, chapter 107

(디오도로스 시켈로스, Bibliotheca Historica, Books XVIII-XX, book 20, chapter 107)

상위

목록

SEARCH

MENU NAVIGATION