헬라어 문장 검색 - Διοδορ́Βιβλιοτ

(디오도로스 시켈로스, Bibliotheca Historica, Books XVIII-XX, book 20, chapter 112)

ἐν δὲ ταῖσ αὐταῖσ ἡμέραισ Κάσανδροσ μετὰ τὴν ἀπαλλαγὴν τὴν Δημητρίου τὰσ μὲν κατὰ τὴν Θετταλίαν πόλεισ ἀνεκτήσατο, Πλείσταρχον δὲ μετὰ δυνάμεωσ ἐξέπεμψεν εἰσ τὴν Ἀσίαν βοηθήσοντα τοῖσ περὶ Λυσίμαχον. οἱ δὲ συναποσταλέντεσ ἦσαν πεζοὶ μὲν μύριοι δισχίλιοι, ἱππεῖσ δὲ πεντακόσιοι. ὁ δὲ Πλείσταρχοσ ἐπειδὴ παραγενόμενοσ ἐπὶ τὸ στόμα τοῦ Πόντου κατέλαβε τοὺσ τόπουσ προκατεχομένουσ ὑπὸ τῶν πολεμίων, ἀπογνοὺσ τὴν διάβασιν παρῆλθεν εἰσ Ὀδησσόν, ἣ κεῖται μεταξὺ μὲν τῆσ τε Ἀπολλωνίασ καὶ Καλλαντίασ, κατ’ ἀντικρὺ δὲ τῆσ ἐν τῷ πέραν Ἡρακλείασ, ἐχούσησ τι μέροσ τῆσ Λυσιμάχου δυνάμεωσ.

οὐκ ἔχων δ’ ἱκανὰ πόρια πρὸσ τὴν τῶν στρατιωτῶν διάβασιν τριχῇ διεμέρισε τὴν δύναμιν.

τὴν μὲν οὖν πρώτην ἀποστολὴν συνέβη διασωθῆναι πρὸσ τὴν Ἡράκλειαν, τὴν δὲ δευτέραν ὑπὸ τῶν περὶ τὸ στόμα τοῦ Πόντου φυλακίδων νεῶν ἁλῶναι. κατὰ τὴν τρίτην δὲ αὐτοῦ συνδιαβαίνοντοσ τοῦ Πλειστάρχου χειμὼν ἐπεγενήθη τηλικοῦτοσ ὥστε τὰ πλεῖστα τῶν σκαφῶν καὶ τῶν σωμάτων διαφθαρῆναι· καὶ γὰρ ἡ κομίζουσα ναῦσ ἑξήρησ τὸν στρατηγὸν συνεκλύσθη καὶ τῶν ἐν αὐτῇ πλεόντων οὐκ ἐλαττόνων ἢ πεντακοσίων τρεῖσ πρὸσ τοῖσ τριάκοντα μόνον διεσώθησαν.

ἐν δὲ τούτοισ ἦν καὶ ὁ Πλείσταρχοσ, ναυαγίου μὲν ἐπειλημμένοσ, εἰσ δὲ τὴν γῆν ἡμιθανὴσ ἐκβεβρασμένοσ. οὗτοσ μὲν οὖν ἀποκομισθεὶσ εἰσ Ἡράκλειαν καὶ προσαναλαβὼν ἐκ τῆσ ἀτυχίασ τὸ σῶμα πρὸσ Λυσίμαχον εἰσ τὴν χειμασίαν ἀνέζευξε, ἀποβεβληκὼσ τὸ πλεῖον τῆσ δυνάμεωσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, Books XVIII-XX, book 20, chapter 112

(디오도로스 시켈로스, Bibliotheca Historica, Books XVIII-XX, book 20, chapter 112)

상위

목록

SEARCH

MENU NAVIGATION