헬라어 문장 검색 - Διοδορ́Βιβλιοτ

(디오도로스 시켈로스, Bibliotheca Historica, Books XVIII-XX, book 20, chapter 109)

Ἀντίγονοσ δὲ πυθόμενοσ τὴν τῶν πολεμίων ἀποχώρησιν εὐθὺσ ἐπεδίωκεν αὐτοὺσ καὶ πλησίον γενόμενοσ τῆσ παρεμβολῆσ, ἐπεὶ πρὸσ παράταξιν οὐ συγκατέβαινον, ἤρξατο περιταφρεύειν τὴν στρατοπεδείαν καὶ καταπέλτασ καὶ βέλη μετεπέμψατο, βουλόμενοσ αὐτὴν πολιορκῆσαι. συντελουμένων δ’ ἀκροβολισμῶν περὶ τὴν ταφρείαν καὶ τῶν περὶ τὸν Λυσίμαχον πειρωμένων ἀνείργειν τοῖσ βέλεσι τοὺσ ἐργαζομένουσ ἐν πᾶσιν προετέρουν οἱ περὶ τὸν Ἀντίγονον. ἔπειτα χρόνου γενομένου καὶ τῶν ἔργων ἤδη συντέλειαν λαμβανόντων, τῆσ δὲ τροφῆσ ὑπολιπούσησ τοὺσ πολιορκουμένουσ οἱ περὶ Λυσίμαχον, τηρήσαντεσ νύκτα χειμέριον, ἀναζεύξαντεσ ἐκ τῆσ παρεμβολῆσ διὰ τῶν ὑπερδεξίων τόπων ἀπεχώρησαν εἰσ παραχειμασίαν.

ὁ δ’ Ἀντίγονοσ ἡμέρασ γενομένησ ὡσ εἶδε τὴν τῶν πολεμίων ἀπαλλαγήν, ἀντιπαρῆγεν αὐτὸσ διὰ τῶν πεδίων. ἐπιγενομένων δὲ ὄμβρων μεγάλων καὶ τῆσ χώρασ οὔσησ βαθυγείου καὶ πηλώδουσ τῶν τε ὑποζυγίων οὐκ ὀλίγα συνέβη καὶ τῶν σωμάτων τινὰ διαφθαρῆναι καὶ τὸ σύνολον ἐπιπόνωσ ἅπασαν τὴν δύναμιν διατεθῆναι.

διόπερ ὁ βασιλεὺσ ἅμα μὲν ἀναλαβεῖν βουλόμενοσ ἐκ τῆσ κακοπαθίασ τοὺσ στρατιώτασ, ἅμα δὲ τὴν χειμερινὴν ὡρ́αν ὁρῶν περιλαμβάνουσαν τοῦ μὲν καταδιώκειν ἀπέστη, πρὸσ δὲ τὴν χειμασίαν ἐπιλεξάμενοσ τοὺσ εὐθετωτάτουσ τόπουσ διεῖλε κατὰ μέρη τὴν δύναμιν.

πυνθανόμενοσ δὲ Σέλευκον καταβαίνειν ἐκ τῶν ἄνω σατραπειῶν μετὰ μεγάλησ δυνάμεωσ, ἔπεμψέ τινασ τῶν φίλων εἰσ τὴν Ἑλλάδα πρὸσ Δημήτριον, παρακελευόμενοσ ἥκειν πρὸσ αὐτὸν μετὰ τῆσ δυνάμεωσ τὴν ταχίστην·

σφόδρα γὰρ εὐλαβεῖτο μὴ πάντων τῶν βασιλέων ἐπ’ αὐτὸν συνδραμόντων ἀναγκασθῇ παρατάξει κρῖναι τὸν ὅλον πόλεμον πρὶν ἢ συνελθεῖν εἰσ ταὐτὸν τὴν ἐκ τῆσ Εὐρώπησ δύναμιν. παραπλησίωσ δὲ καὶ Λυσίμαχοσ διεῖλε τὴν δύναμιν εἰσ χειμασίαν ἐν τῷ καλουμένῳ Σαλωνίασ πεδίῳ.

ἀγορὰν δὲ πολλὴν ἐξ Ἡρακλείασ μετεπέμπετο, ποιησάμενοσ ἐπιγαμίαν πρὸσ τοὺσ Ἡρακλεώτασ· ἔγημε γὰρ Ἄμηστριν τὴν Ὀξυάρτου μὲν θυγατέρα, Δαρείου δὲ τοῦ βασιλέωσ ἀδελφιδῆν, Κρατεροῦ δὲ γυναῖκα γενομένην ὑπ’ Ἀλεξάνδρου δοθεῖσαν, τότε δυναστεύουσαν τῆσ πόλεωσ.

καὶ τὰ μὲν περὶ τὴν Ἀσίαν ἐν τούτοισ ἦν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, Books XVIII-XX, book 20, chapter 109

(디오도로스 시켈로스, Bibliotheca Historica, Books XVIII-XX, book 20, chapter 109)

상위

목록

SEARCH

MENU NAVIGATION