헬라어 문장 검색 - Διοδορ́Βιβλιοτ

(디오도로스 시켈로스, Bibliotheca Historica, Books XVIII-XX, book 20, chapter 100)

οἱ μὲν οὖν Ῥόδιοι πολιορκηθέντεσ ἐνιαύσιον χρόνον τούτῳ τῷ τρόπῳ κατελύσαντο τὸν πόλεμον. τοὺσ δ’ ἐν τοῖσ κινδύνοισ ἄνδρασ ἀγαθοὺσ γενομένουσ ἐτίμησαν ταῖσ ἀξίαισ δωρεαῖσ καὶ τῶν δούλων τοὺσ ἀνδραγαθήσαντασ ἐλευθερίασ καὶ πολιτείασ ἠξίωσαν. ἔστησαν δὲ καὶ τῶν βασιλέων εἰκόνασ Κασάνδρου καὶ Λυσιμάχου τῶν δευτερευόντων μὲν ταῖσ δόξαισ, συμβεβλημένων δὲ μεγάλα πρὸσ τὴν τῆσ πόλεωσ σωτηρίαν.

τὸν δὲ Πτολεμαῖον ἐν ἀνταποδόσει μείζονοσ χάριτοσ ὑπερβάλλεσθαι βουλόμενοι θεωροὺσ ἀπέστειλαν εἰσ Λιβύην τοὺσ ἐπερωτήσοντασ τὸ παρ’ Ἄμμωνι μαντεῖον εἰ συμβουλεύει Ῥοδίοισ Πτολεμαῖον ὡσ θεὸν τιμῆσαι.

συγκατατιθεμένου δὲ τοῦ χρηστηρίου τέμενοσ ἀνῆκαν ἐν τῇ πόλει τετράγωνον, οἰκοδομήσαντεσ παρ’ ἑκάστην πλευρὰν στοὰν σταδιαίαν, ὃ προσηγόρευσαν Πτολεμαῖον.

ἀνῳκοδόμησαν δὲ καὶ τὸ θέατρον καὶ τὰ πεπτωκότα τῶν τειχῶν καὶ τῶν ἄλλων τόπων τοὺσ καθῃρημένουσ πολλῷ κάλλιον ἢ προϋπῆρχον. Δημήτριοσ δὲ κατὰ τὰσ ἐντολὰσ τοῦ πατρὸσ διαλυσάμενοσ πρὸσ Ῥοδίουσ ἐξέπλευσε μετὰ πάσησ τῆσ δυνάμεωσ καὶ κομισθεὶσ διὰ νήσων κατέπλευσε τῆσ Βοιωτίασ εἰσ Αὖλιν.

σπεύδων δ’ ἐλευθερῶσαι τοὺσ Ἕλληνασ οἱ̔ γὰρ περὶ Κάσανδρον καὶ Πολυπέρχοντα τὸν ἔμπροσθεν χρόνον ἄδειαν ἐσχηκότεσ ἐπόρθουν τὰ πλεῖστα μέρη τῆσ Ἑλλάδοσ’ πρῶτον μὲν τὴν Χαλκιδέων πόλιν ἠλευθέρωσε, φρουρουμένην ὑπὸ Βοιωτῶν, καὶ τοὺσ κατὰ τὴν Βοιωτίαν καταπληξάμενοσ ἠνάγκασεν ἀποστῆναι τῆσ Κασάνδρου φιλίασ, μετὰ δὲ ταῦτα πρὸσ μὲν Αἰτωλοὺσ συμμαχίαν ἐποιήσατο, πρὸσ δὲ τοὺσ περὶ Πολυπέρχοντα καὶ Κάσανδρον διαπολεμεῖν παρεσκευάζετο.

ἅμα δὲ τούτοισ πραττομένοισ Εὔμηλοσ μὲν ὁ Βοσπόρου βασιλεὺσ βασιλεύων ἕκτον ἔτοσ ἐτελεύτησε, τὴν δὲ βασιλείαν διαδεξάμενοσ Σπάρτακοσ ὁ υἱὸσ ἦρξεν ἔτη εἴκοσιν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, Books XVIII-XX, book 20, chapter 100

(디오도로스 시켈로스, Bibliotheca Historica, Books XVIII-XX, book 20, chapter 100)

상위

목록

SEARCH

MENU NAVIGATION