Diodorus Siculus, Bibliotheca Historica, Books XVIII-XX, book 20, chapter 52

(디오도로스 시켈로스, Bibliotheca Historica, Books XVIII-XX, book 20, chapter 52)

λαμπρότατα δὲ πάντων Δημήτριοσ ἠγωνίσατο τῆσ ἑπτήρουσ ἐπιβεβηκὼσ ἐπὶ τῇ πρύμνῃ. ἀθρόων γὰρ αὐτῷ περιχυθέντων οὓσ μὲν ταῖσ λόγχαισ ἀκοντίζων, οὓσ δὲ ἐκ χειρὸσ τῷ δόρατι τύπτων ἀνῄρει· πολλῶν δὲ καὶ παντοίων βελῶν ἐπ’ αὐτὸν φερομένων ἃ μὲν προορώμενοσ ἐξέκλινεν, ἃ δὲ τοῖσ σκεπαστηρίοισ ὅπλοισ ἐδέχετο. τριῶν δ’ ὑπερασπιζόντων αὐτὸν εἷσ μὲν λόγχῃ πληγεὶσ ἔπεσεν, οἱ δὲ δύο κατετραυματίσθησαν.

τέλοσ δὲ τοὺσ ἀντιστάντασ ὁ Δημήτριοσ ἐκβιασάμενοσ καὶ τροπὴν τοῦ δεξιοῦ κέρατοσ ποιήσασ εὐθὺ καὶ τὰσ συνεχεῖσ φυγεῖν ἠνάγκασεν. Πτολεμαῖοσ δὲ τὰ μέγιστα τῶν σκαφῶν καὶ τοὺσ κρατίστουσ ἄνδρασ ἔχων μεθ’ αὑτοῦ ῥᾳδίωσ ἐτρέψατο τοὺσ καθ’ αὑτὸν τεταγμένουσ καὶ τῶν νεῶν ἃσ μὲν κατέδυσεν, ἃσ δὲ αὐτάνδρουσ εἷλεν.

ὑποστρέφων δ’ ἀπὸ τοῦ νικήματοσ ἤλπιζε καὶ τὰσ ἄλλασ ῥᾳδίωσ χειρώσασθαι· θεωρήσασ δὲ τό τε εὐώνυμον κέρασ τῶν ἰδίων συντετριμμένον καὶ τὰσ συνεχεῖσ ἁπάσασ πρὸσ φυγὴν ὡρμημένασ, ἔτι δὲ τοὺσ περὶ τὸν Δημήτριον μετὰ βάρουσ ἐπιφερομένουσ ἀπέπλευσεν εἰσ Κίτιον. Δημήτριοσ δὲ νικήσασ τῇ ναυμαχίᾳ τῷ μὲν Νέωνι καὶ Βουρίχῳ παρέδωκε τὰ στρατιωτικὰ τῶν πλοίων, προστάξασ διώκειν καὶ τοὺσ ἐν τῇ θαλάττῃ διανηχομένουσ ἀναλαμβάνειν·

αὐτὸσ δὲ τὰσ ἰδίασ ναῦσ κοσμήσασ τοῖσ ἀκροστολίοισ καὶ τὰσ ἁλούσασ ἐφελκόμενοσ τὸν πλοῦν ἐποιεῖτο πρὸσ τὸ στρατόπεδον καὶ τὸν οἰκεῖον λιμένα. κατὰ δὲ τὸν τῆσ ναυμαχίασ καιρὸν Μενέλαοσ ὁ ἐν τῇ Σαλαμῖνι στρατηγὸσ πληρώσασ τὰσ ἑξήκοντα ναῦσ ἐξαπέστειλε πρὸσ βοήθειαν τῷ Πτολεμαίῳ, ναύαρχον ἐπιστήσασ Μενοίτιον.

γενομένου δ’ ἀγῶνοσ περὶ τὸ στόμα τοῦ λιμένοσ πρὸσ τὰσ ἐφορμούσασ ναῦσ καὶ τῶν ἐκ τῆσ πόλεωσ βιασαμένων αἱ μὲν τοῦ Δημητρίου δέκα ναῦσ ἔφυγον πρὸσ τὸ πεζὸν στρατόπεδον, οἱ δὲ περὶ τὸν Μενοίτιον ἀναπλεύσαντεσ καὶ τῶν καιρῶν μικρὸν ὑστερήσαντεσ ἀνέστρεψαν πάλιν εἰσ τὴν Σαλαμῖνα. τῆσ δὲ ναυμαχίασ τοιοῦτον τέλοσ λαβούσησ τῶν μὲν πορίων ἥλω πλείω τῶν ἑκατόν, ἐν οἷσ ἦσαν σχεδὸν στρατιῶται ὀκτακισχίλιοι·

τῶν δὲ μακρῶν αὔτανδροι μὲν ἐλήφθησαν τεσσαράκοντα, διεφθάρησαν δὲ περὶ ὀγδοήκοντα, ἃσ πλήρεισ οὔσασ θαλάττησ κατήγαγον οἱ κρατήσαντεσ εἰσ τὴν πρὸσ τῇ πόλει στρατοπεδείαν. διεφθάρη δὲ καὶ τῶν Δημητρίου σκαφῶν εἴκοσι· πάντα δὲ τῆσ προσηκούσησ ἐπιμελείασ τυχόντα παρείχετο τὰσ ἁρμοζούσασ χρείασ.

일치하는 문장이 없습니다.

SEARCH

MENU NAVIGATION