헬라어 문장 검색 - Διοδορ́Βιβλιοτ

(디오도로스 시켈로스, Bibliotheca Historica, Books XVIII-XX, book 20, chapter 79)

Ἀγαθοκλῆσ δ’ ἐπ’ οὐδενὶ τούτων μετεωρισθεὶσ οὐδὲ τὰσ ἀνθρωπίνασ ἐλπίδασ ἐξελέγξασ τῇ πείρᾳ τηλικαύτην ἀρχὴν ἔκδοτον πεποίηται ταῖσ ὁμολογίαισ. ταύτασ δ’ ἀσυντελέστουσ συνέβη γενέσθαι τῇ μὲν Ἀγαθοκλέουσ προαιρέσει κυρωθείσασ, διὰ δὲ τὴν Δεινοκράτουσ πλεονεξίαν μὴ προσδεχθείσασ. οὗτοσ γὰρ μοναρχίασ ὢν ἐπιθυμητὴσ τῆσ μὲν ἐν ταῖσ Συρακούσσαισ δημοκρατίασ ἀλλότριοσ ἦν, τῇ δὲ ἡγεμονίᾳ τῇ τότε οὔσῃ περὶ αὐτὸν εὐαρεστεῖτο·

ἀφηγεῖτο γὰρ πεζῶν μὲν πλειόνων ἢ δισμυρίων, ἱππέων δὲ τρισχιλίων, πόλεων δὲ πολλῶν καὶ μεγάλων, ὥστε αὐτὸν μὲν καλεῖσθαι τῶν φυγάδων στρατηγόν, τῇ δ’ ἀληθείᾳ βασιλικὴν ἔχειν ὑπεροχήν, τῆσ ἐξουσίασ οὔσησ περὶ αὐτὸν αὐτοκράτοροσ. εἰ κατέλθοι δ’ εἰσ τὰσ Συρακούσσασ, πάντωσ ἀναγκαῖον ἂν ἦν ἰδιώτην ὑπάρχειν καὶ ἕνα τῶν πολλῶν ἀριθμεῖσθαι, τῆσ αὐτονομίασ ἀγαπώσησ τὴν ἰσότητα, ἔν τε ταῖσ χειροτονίαισ ὑπὸ τοῦ τυχόντοσ δημαγωγοῦ παρευημερεῖσθαι, τοῦ πλήθουσ ἀντικειμένου ταῖσ ὑπεροχαῖσ τῶν ἀνδρῶν τῶν ἀγόντων παρρησίαν.

διόπερ Ἀγαθοκλῆσ μὲν δικαίωσ ἂν λέγοιτο λελοιπέναι τὴν τῆσ τυραννίδοσ τάξιν, Δεινοκράτησ δ’ αἴτιοσ εἶναι νομίζοιτο τῶν ὕστερον τῷ δυνάστῃ κατορθωθέντων. οὗτοσ γάρ, συνεχῶσ Ἀγαθοκλέουσ διαπρεσβευομένου περὶ τῶν ὁμολογιῶν καὶ δεομένου συγχωρῆσαι τὰ δύο φρούρια πρὸσ καταβίωσιν, ἀεὶ προφάσεισ εὐλόγουσ κατεσκεύαζε, δι’ ὧν διέκοπτε τὰσ ἐλπίδασ τῶν ὁμολογιῶν, ποτὲ μὲν ἀποφαινόμενοσ ἐκ Σικελίασ αὐτὸν ἀπαλλάττεσθαι, ποτὲ δὲ τὰ τέκνα πρὸσ ὁμηρίαν αἰτῶν.

ὁ δ’ Ἀγαθοκλῆσ γνοὺσ αὐτοῦ τὴν ἐπίνοιαν πρὸσ μὲν τοὺσ φυγάδασ διεπέμπετο κατηγορῶν τοῦ Δεινοκράτουσ ὡσ διακωλύοντοσ αὐτοῦ τυχεῖν αὐτοὺσ τῆσ αὐτονομίασ, πρὸσ δὲ Καρχηδονίουσ πρεσβευτὰσ ἀποστείλασ συνέθετο τὴν εἰρήνην ἐφ’ οἷσ τὰσ πόλεισ κομίσασθαι τοὺσ Φοίνικασ πάσασ τὰσ πρότερον ὑπ’ αὐτοὺσ γεγενημένασ·

ἀντὶ δὲ τούτων ἔλαβε παρὰ Καρχηδονίων χρυσίον μὲν εἰσ ἀργυρίου λόγον ἀναγόμενον τριακοσίων ταλάντων, ὡσ δὲ Τίμαιόσ φησιν, ἑκατὸν πεντήκοντα, σίτου δὲ μεδίμνων εἴκοσι μυριάδασ. καὶ τὰ μὲν περὶ Σικελίαν ἐν τούτοισ ἦν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, Books XVIII-XX, book 20, chapter 79

(디오도로스 시켈로스, Bibliotheca Historica, Books XVIII-XX, book 20, chapter 79)

상위

목록

SEARCH

MENU NAVIGATION