헬라어 문장 검색 - Διοδορ́Βιβλιοτ

(디오도로스 시켈로스, Bibliotheca Historica, Books XVIII-XX, book 20, chapter 60)

ἀνέτρεχον εἰσ τὴν προϋπάρχουσαν φιλίαν. ὁ δ’ Ἀρχάγαθοσ ὁρῶν διειλημμένην ἅπασαν τὴν Λιβύην πολεμίοισ στρατοπέδοισ καὶ αὐτὸσ διεῖλε τὴν δύναμιν καὶ μέροσ μὲν ἐξέπεμψεν εἰσ τὴν παραθαλάττιον, τῆσ δ’ ἄλλησ στρατιᾶσ ἣν μὲν Αἰσχρίωνι παραδοὺσ ἐξέπεμψεν, ἧσ δ’ αὐτὸσ ἡγεῖτο, καταλιπὼν τὴν ἱκανὴν φυλακὴν ἐπὶ τοῦ Τύνητοσ. τοσούτων δὲ στρατοπέδων ἐπὶ τῆσ χώρασ πανταχῇ πλαζομένων καὶ προσδοκωμένησ ἔσεσθαι πραγμάτων ὁλοσχεροῦσ μεταβολῆσ ἅπαντεσ ἠγωνίων, καραδοκοῦντεσ τὸ τέλοσ τῶν ἀποβησομένων.

Ἄννων μὲν οὖν ἡγούμενοσ τοῦ κατὰ τὴν μεσόγειον στρατοπέδου θεὶσ ἐνέδραν τοῖσ περὶ τὸν Αἰσχρίωνα καὶ παραδόξωσ ἐπιθέμενοσ ἀνεῖλε πεζοὺσ μὲν πλείουσ τῶν τετρακισχιλίων, ἱππεῖσ δὲ περὶ διακοσίουσ, ἐν οἷσ ἦν καὶ αὐτὸσ ὁ στρατηγόσ·

τῶν δ’ ἄλλων οἱ μὲν ἥλωσαν, οἱ δὲ διεσώθησαν πρὸσ Ἀρχάγαθον, ἀπέχοντα σταδίουσ πεντακοσίουσ. Ἰμίλκων δ’ ἐπὶ τοὺσ ἄνω τόπουσ στρατεύειν ἀποδειχθεὶσ τὸ μὲν πρῶτον ἐφήδρευε τῇ πόλει πρὸσ τὸν Εὔμαχον, ἐφελκόμενον βαρὺ τὸ στρατόπεδον διὰ τὰσ ἐκ τῶν ἁλουσῶν πόλεων ὠφελείασ.

μετὰ δὲ ταῦτα τῶν Ἑλλήνων ἐκταξάντων τὴν δύναμιν καὶ προκαλουμένων εἰσ μάχην Ἰμίλκων μέροσ μὲν τῆσ στρατιᾶσ κατέλιπε διεσκευασμένον ἐν τῇ πόλει, διακελευσάμενοσ, ὅταν αὐτὸσ ἀναχωρῇ προσποιούμενοσ φεύγειν, ἐπεξελθεῖν τοῖσ ἐπιδιώκουσιν·

αὐτὸσ δὲ προαγαγὼν τοὺσ ἡμίσεισ τῶν στρατιωτῶν καὶ μικρὸν πρὸ τῆσ παρεμβολῆσ συνάψασ μάχην εὐθὺσ ἔφευγεν ὡσ καταπεπληγμένοσ. οἱ δὲ περὶ τὸν Εὔμαχον ἐπαρθέντεσ τῇ νίκῃ καὶ τῆσ τάξεωσ οὐδὲν φροντίσαντεσ ἐδίωκον καὶ τεθορυβημένωσ τῶν ὑποχωρούντων ἐξήπτοντο·

ἄφνω δὲ καθ’ ἕτερον μέροσ τῆσ πόλεωσ ἐκχυθείσησ τῆσ δυνάμεωσ κατεσκευασμένησ καὶ πλήθουσ ἱκανοῦ πρὸσ ἓν παρακέλευσμα συναλαλάξαντοσ κατεπλάγησαν. ἐμβαλόντων οὖν τῶν βαρβάρων εἰσ ἀσυντάκτουσ καὶ πεφοβημένουσ διὰ τὸ παράδοξον, ταχὺ τροπὴν συνέβη γενέσθαι τῶν Ἑλλήνων.

ὑποτεμομένων δὲ τῶν Καρχηδονίων τὴν εἰσ τὴν στρατοπεδείαν ἀποχώρησιν τῶν πολεμίων ἠναγκάσθησαν οἱ περὶ τὸν Εὔμαχον καταφυγεῖν ἐπὶ τὸν πλησίον λόφον ὕδατοσ σπανίζοντα. περιστρατοπεδευσάντων δὲ τὸν τόπον τῶν Φοινίκων ἅμα μὲν ὑπὸ τοῦ δίψουσ καταπονηθέντεσ, ἅμα δ’ ὑπὸ τῶν πολεμίων κρατούμενοι σχεδὸν ἅπαντεσ ἀνῃρέθησαν·

ἀπὸ μὲν γὰρ πεζῶν ὀκτακισχιλίων τριάκοντα μόνον διεσώθησαν, ἀπὸ δ’ ἱππέων ὀκτακοσίων τετταράκοντα διέφυγον τὸν κίνδυνον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, Books XVIII-XX, book 20, chapter 60

(디오도로스 시켈로스, Bibliotheca Historica, Books XVIII-XX, book 20, chapter 60)

상위

목록

SEARCH

MENU NAVIGATION