헬라어 문장 검색 - Διοδορ́Βιβλιοτ

(디오도로스 시켈로스, Bibliotheca Historica, Books XVIII-XX, book 20, chapter 4)

τὴν γὰρ ἐπίνοιαν ταύτην οὐδενὶ τῶν φίλων δηλώσασ τῆσ μὲν πόλεωσ ἐπιμελητὴν Ἄντανδρον τὸν ἀδελφὸν κατέστησε μετὰ τῆσ ἱκανῆσ φυλακῆσ, αὐτὸσ δὲ τῶν στρατιωτῶν ἐπιλέγων τοὺσ εὐθέτουσ κατέγραφε, τοῖσ μὲν πεζοῖσ παραγγέλλων ἑτοίμουσ εἶναι μετὰ τῶν ὅπλων, τοῖσ δ’ ἱππεῦσι διακελευόμενοσ ἔχειν μεθ’ ἑαυτῶν χωρὶσ τῆσ πανοπλίασ ὑπηρέσιον καὶ χαλινόν, ὅπωσ, ὅταν ἵππων κυριεύσῃ, τοὺσ ἀναβησομένουσ ἑτοίμουσ ἔχειν, τὰ πρὸσ τὴν χρείαν ἐξηρτυμένουσ· κατὰ γὰρ τὴν προγεγενημένην ἧτταν τῶν μὲν πεζῶν ἀπωλώλεισαν οἱ πλείουσ, οἱ δ’ ἱππεῖσ ὑπῆρχον διασεσωσμένοι σχεδὸν ἅπαντεσ, ὧν τοὺσ ἵππουσ οὐκ ἠδύνατο διακομίζειν εἰσ τὴν Λιβύην.

ἵνα δὲ χωρισθέντοσ αὐτοῦ μὴ νεωτερίζωσιν οἱ Συρακόσιοι, διεζεύγνυε τὰσ συγγενείασ ἀπ’ ἀλλήλων καὶ μάλιστα ἀδελφοὺσ ἀπ’ ἀδελφῶν καὶ πατέρασ ἀπὸ παίδων, τοὺσ μὲν ἐπὶ τῆσ πόλεωσ ἀπολείπων, τοὺσ δὲ μεθ’ ἑαυτοῦ διακομίζων·

πρόδηλον γὰρ ἦν ὡσ οἱ μένοντεσ ἐν ταῖσ Συρακούσσαισ, κἂν ἀλλοτριώτατα τυγχάνωσι πρὸσ τὸν δυνάστην διακείμενοι, διὰ τὴν πρὸσ τοὺσ ἀπογόνουσ εὔνοιαν οὐδὲν ἂν πράξειαν ἄτοπον κατὰ Ἀγαθοκλέουσ.

ἀπορούμενοσ δὲ χρημάτων τά τε τῶν ὀρφανῶν παρὰ τῶν ἐπιτροπευόντων εἰσεπράξατο, φάσκων πολὺ βέλτιον ἐκείνων ἐπιτροπεύσειν καὶ τοῖσ παισὶν εἰσ ἡλικίαν ἐλθοῦσι πιστότερον ἀποδώσειν, ἐδανείσατο δὲ καὶ παρὰ τῶν ἐμπόρων καί τινα τῶν ἐν τοῖσ ἱεροῖσ ἀναθημάτων ἔλαβεν καὶ τῶν γυναικῶν τὸν κόσμον περιείλετο.

ἔπειθ’ ὁρῶν τῶν εὐπορωτάτων τοὺσ πλείστουσ δυσχεραίνοντασ τοῖσ πραττομένοισ καὶ πρὸσ αὐτὸν ἀλλοτριώτατα διακειμένουσ συνήγαγεν ἐκκλησίαν, ἐν ᾗ περί τε τῆσ προγεγενημένησ συμφορᾶσ καὶ τῶν προσδοκωμένων δεινῶν κατοδυρόμενοσ αὐτὸσ μὲν ῥᾳδίωσ ὑπομένειν ἔφησε τὴν πολιορκίαν, συνήθησ ὢν πάσῃ κακοπαθείᾳ, ἐλεεῖν δὲ τοὺσ πολίτασ, εἰ συγκλεισθέντεσ ἀναγκασθήσονται πολιορκίαν ὑπομένειν.

διεκελεύετο οὖν σώζειν ἑαυτοὺσ μετὰ τῶν ἰδίων κτήσεων τοὺσ μὴ βουλομένουσ ὑπομένειν ὅ,τι ποτ’ ἂν δοκῇ τῇ τύχῃ πάσχειν.

διὰ δὲ μιᾶσ ἀνοσίου πράξεωσ χρημάτων εὐπορήσασ καὶ τῶν ἀλλοτρίωσ διακειμένων πρὸσ καθαρὰν ποιήσασ τὴν πόλιν ἠλευθέρωσε τῶν οἰκετῶν τοὺσ εὐθέτουσ εἰσ στρατείαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, Books XVIII-XX, book 20, chapter 4

(디오도로스 시켈로스, Bibliotheca Historica, Books XVIII-XX, book 20, chapter 4)

상위

목록

SEARCH

MENU NAVIGATION