헬라어 문장 검색 - Διοδορ́Βιβλιοτ

(디오도로스 시켈로스, Bibliotheca Historica, Books XVIII-XX, book 20, chapter 108)

Ἀντίγονοσ δὲ προκεχειρισμένοσ ἀγῶνα μέγαν καὶ πανήγυριν ἐν Ἀντιγονίᾳ συντελεῖν πάντοθεν ἀθλητάσ τε καὶ τεχνίτασ τοὺσ ἐπιφανεστάτουσ ἐπὶ μεγάλοισ ἄθλοισ καὶ μισθοῖσ ἠθροίκει. ὡσ δ’ ἤκουσε τὴν Λυσιμάχου διάβασιν καὶ τῶν στρατηγῶν τὴν ἀπόστασιν, τὸν μὲν ἀγῶνα διέλυσε, τοῖσ δ’ ἀθληταῖσ καὶ τοῖσ τεχνίταισ ἀπέδωκε μισθοὺσ οὐκ ἐλάττουσ διακοσίων ταλάντων. αὐτὸσ δὲ τὴν δύναμιν ἀναλαβὼν ὡρ́μησεν ἐκ τῆσ Συρίασ σύντομον τὴν πορείαν ποιούμενοσ ἐπὶ τοὺσ πολεμίουσ.

εἰσ δὲ Ταρσὸν τῆσ Κιλικίασ ἀφικόμενοσ ἐξ ὧν κατεκόμισε χρημάτων ἐκ τῶν Κουΐνδων τὸ στρατόπεδον εἰσ τρεῖσ μῆνασ ἐμισθοδότησεν. χωρὶσ δὲ τούτων τρισχίλια τάλαντα μετὰ τῆσ δυνάμεωσ ἐκόμιζεν, ὅπωσ τοιαύτην ἔχῃ τὴν χορηγίαν, ὅταν αὐτῷ χρεία γένηται χρημάτων.

ἔπειτα τὸν Ταῦρον ὑπερβαλὼν προῆγεν ἐπὶ Καππαδοκίασ καὶ τοὺσ ἀφεστηκότασ περὶ τὴν ἄνω Φρυγίαν καὶ Λυκαονίαν ἐπιπορευόμενοσ πάλιν εἰσ τὴν προϋπάρχουσαν συμμαχίαν ἀποκατέστησεν. καθ’ ὃν δὴ χρόνον οἱ περὶ τὸν Λυσίμαχον πυθόμενοι τὴν τῶν πολεμίων παρουσίαν συνήδρευον, βουλευόμενοι πῶσ χρηστέον εἰή τοῖσ ἐπιφερομένοισ κινδύνοισ.

ἔδοξεν οὖν αὐτοῖσ εἰσ μὲν μάχην μὴ συγκαταβαίνειν, ἑώσ ἂν οἱ περὶ Σέλευκον ἐκ τῶν ἄνω σατραπειῶν καταβῶσι, τόπουσ δὲ ὀχυροὺσ καταλαβέσθαι καὶ χάρακι καὶ τάφρῳ τὴν στρατοπεδείαν ἀσφαλισαμένουσ ὑπομένειν τῶν πολεμίων τὴν ἔφοδον.

οὗτοι μὲν οὖν τὸ δοχθὲν αὐτοῖσ ἐπετέλουν κατὰ σπουδήν. ὁ δ’ Ἀντίγονοσ ἐπεὶ πλησίον ἐγένετο τῶν πολεμίων, ἐκτάξασ τὴν δύναμιν προεκαλεῖτο εἰσ μάχην. οὐδενὸσ δ’ ἐπεξιέναι τολμῶντοσ αὐτὸσ μὲν κατελάβετο τόπουσ τινάσ, δι’ ὧν ἀναγκαῖον ἦν τὰσ τροφὰσ τοῖσ ἐναντίοισ παρακομίζεσθαι·

οἱ δὲ περὶ τὸν Λυσίμαχον φοβηθέντεσ μήποτε τῆσ ἀγορᾶσ ἀποκοπείσησ ὑποχείριοι γένωνται τοῖσ πολεμίοισ, νυκτὸσ ἀνέζευξαν καὶ διατείναντεσ σταδίουσ τετρακοσίουσ κατεστρατοπέδευσαν περὶ Δορύλαιον· εἶχε γὰρ τὸ χωρίον σίτου τε καὶ τῆσ ἄλλησ χορηγίασ πλῆθοσ καὶ ποταμὸν παραρρέοντα δυνάμενον ἀσφάλειαν παρέχεσθαι τοῖσ παρ’ αὐτὸν στρατοπεδεύουσι.

βαλόμενοι δὲ στρατοπεδείαν ὠχύρωσαν τὴν παρεμβολὴν βαθείᾳ τάφρῳ καὶ τριπλῷ χάρακι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, Books XVIII-XX, book 20, chapter 108

(디오도로스 시켈로스, Bibliotheca Historica, Books XVIII-XX, book 20, chapter 108)

상위

목록

SEARCH

MENU NAVIGATION