헬라어 문장 검색 - Διοδορ́Βιβλιοτ

(디오도로스 시켈로스, Bibliotheca Historica, Books XVIII-XX, book 20, chapter 106)

τοῦ δ’ ἐνιαυσίου χρόνου διεληλυθότοσ Ἀθήνησι μὲν ἦν ἄρχων Νικοκλῆσ, ἐν Ῥώμῃ δὲ τὴν ὕπατον ἀρχὴν διεδέξαντο Μάρκοσ Λίβιοσ καὶ Μάρκοσ Αἰμίλιοσ. ἐπὶ δὲ τούτων Κάσανδροσ ὁ Μακεδόνων βασιλεὺσ ὁρῶν τὴν δύναμιν τῶν Ἑλλήνων αὐξομένην καὶ πάντα τὸν πόλεμον ἐπὶ τὴν Μακεδονίαν συνιστάμενον περίφοβοσ ἦν ὑπὲρ τοῦ μέλλοντοσ. διόπερ ἐξέπεμψε πρεσβευτὰσ πρὸσ Ἀντίγονον εἰσ τὴν Ἀσίαν, ἀξιῶν διαλύσασθαι πρὸσ αὐτόν.

ἀποκριναμένου δ’ ἐκείνου διότι μίαν γινώσκει διάλυσιν, ἐὰν ὁ Κάσανδροσ ἐπιτρέπῃ τὰ καθ’ αὑτόν, καταπλαγεὶσ Λυσίμαχον ἐκ τῆσ Θρᾴκησ μετεπέμψατο πρὸσ τὴν τῶν ὅλων κοινοπραγίαν· ἀεὶ γὰρ εἰώθει τοῦτον κατὰ τοὺσ μεγίστουσ φόβουσ εἰσ τὴν βοήθειαν προσλαμβάνεσθαι διά τε τὴν τἀνδρὸσ ἀρετὴν καὶ διὰ τὸ τὴν βασιλείαν αὐτοῦ ὅμορον εἶναι τῇ Μακεδονίᾳ.

συνεδρεύσαντεσ οὖν οἱ βασιλεῖσ οὗτοι περὶ τοῦ κοινοῦ συμφέροντοσ ἐξέπεμψαν πρεσβευτὰσ πρόσ τε Πτολεμαῖον τὸν Αἰγύπτου βασιλέα καὶ πρὸσ Σέλευκον τὸν τῶν ἄνω σατραπειῶν κυριεύοντα, περί τε τῆσ ὑπερηφανίασ τῆσ ἐν ταῖσ ἀποκρίσεσιν ἐμφανίζοντεσ καὶ τὸν ἐκ τοῦ πολέμου κίνδυνον κοινὸν εἶναι πάντων διδάσκοντεσ. τῆσ γὰρ Μακεδονίασ κρατήσαντα τὸν Ἀντίγονον εὐθὺσ ἀφελεῖσθαι καὶ τῶν ἄλλων τὰσ βασιλείασ·

δεδωκέναι γὰρ αὐτὸν πεῖραν πλεονάκισ ὅτι πλεονέκτησ ἐστὶ καὶ πᾶσαν ἀρχὴν ἀκοινώνητον ποιεῖ. συμφέρειν οὖν ἅπαντασ συμφρονῆσαι καὶ κοινῇ πρὸσ Ἀντίγονον ἐπανελέσθαι πόλεμον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Diodorus Siculus, Bibliotheca Historica, Books XVIII-XX, book 20, chapter 106

(디오도로스 시켈로스, Bibliotheca Historica, Books XVIII-XX, book 20, chapter 106)

상위

목록

SEARCH

MENU NAVIGATION