호흡부호 보기
강세부호 보기
장단부호 보기
작은 Iota 보기
모든 부호 보기
ὁ δὲ Δημήτριοσ διοικήσασ τὰ περὶ τοὺσ Σικυωνίουσ ἀνέζευξε μετὰ πάσησ τῆσ δυνάμεωσ ἐπὶ τὴν Κόρινθον, ἣν ἐφρούρει Πρεπέλαοσ Κασάνδρου στρατηγόσ. τὸ μὲν οὖν πρῶτον νυκτὸσ ὑπό τινων πολιτῶν εἰσαχθεὶσ διά τινοσ πυλίδοσ ἐκράτησε τῆσ πόλεωσ καὶ τῶν λιμένων. τῶν δὲ φρουρῶν καταφυγόντων τῶν μὲν εἰσ τὸ καλούμενον Σισύφιον, τῶν δ’ εἰσ τὸν Ἀκροκόρινθον προσαγαγὼν μηχανὰσ τοῖσ ὀχυρώμασι καὶ πολλὰ κακοπαθήσασ εἷλε τὸ Σισύφιον κατὰ κράτοσ.
εἶτα τῶν ἐνταῦθα συμφυγόντων πρὸσ τοὺσ κατειληφότασ τὸν Ἀκροκόρινθον καὶ τούτουσ καταπληξάμενοσ ἠνάγκασε παραδοῦναι τὴν ἄκραν· σφόδρα γὰρ ἦν ἀνυπόστατοσ οὗτοσ ὁ βασιλεὺσ ἐν ταῖσ προσβολαῖσ, εὐμήχανοσ ὑπάρχων περὶ τὴν κατασκευὴν τῶν πολιορκητικῶν ἔργων.
οὐ μὴν ἀλλὰ τοὺσ Κορινθίουσ ἐλευθερώσασ παρεισήγαγε φυλακὴν εἰσ τὸν Ἀκροκόρινθον, βουλομένων τῶν πολιτῶν διὰ τοῦ βασιλέωσ τηρεῖσθαι τὴν πόλιν μέχρι ἂν ὁ πρὸσ Κάσανδρον καταλυθῇ πόλεμοσ. καὶ Πρεπέλαοσ μὲν αἰσχρῶσ ἐκπεσὼν ἐκ τῆσ Κορίνθου πρὸσ Κάσανδρον ἀπεχώρησεν, Δημήτριοσ δὲ παρελθὼν εἰσ τὴν Ἀχαϊάν Βοῦραν μὲν κατὰ κράτοσ εἷλε καὶ τοῖσ πολίταισ ἀπέδωκε τὴν αὐτονομίαν, Σκύρον δ’ ἐν ὀλίγαισ ἡμέραισ παραλαβὼν ἐξέβαλε τὴν φρουράν.
μετὰ δὲ ταῦτ’ ἐπ’ Ὀρχομενὸν τῆσ Ἀρκαδίασ στρατεύσασ ἐκέλευσε τῷ τῆσ φρουρᾶσ ἀφηγουμένῳ Στρομβίχῳ παραδοῦναι τὴν πόλιν.
οὐ προσέχοντοσ δ’ αὐτοῦ τοῖσ λόγοισ, ἀλλὰ καὶ πολλὰ λοιδοροῦντοσ ἀπὸ τοῦ τείχουσ βλασφήμωσ προσαγαγὼν μηχανὰσ ὁ βασιλεὺσ καὶ καταβαλὼν τὰ τείχη κατὰ κράτοσ εἷλε τὴν πόλιν. τὸν μὲν οὖν Στρόμβιχον τὸν ὑπὸ Πολυπέρχοντοσ καθεσταμένον φρούραρχον καὶ τῶν ἄλλων τῶν ἀλλοτρίωσ διατεθέντων πρὸσ αὐτὸν εἰσ ὀγδοήκοντα πρὸ τῆσ πόλεωσ ἀνεσταύρωσε, τῶν δ’ ἄλλων μισθοφόρων ἑλὼν εἰσ δισχιλίουσ κατέμιξε τοῖσ ἰδίοισ στρατιώταισ.
μετὰ δὲ τὴν ἅλωσιν ταύτησ τῆσ πόλεωσ οἱ σύνεγγυσ τὰ φρούρια κατέχοντεσ, ὑπολαμβάνοντεσ ἀδύνατον ὑπάρχειν τὸ διαφυγεῖν τὴν βίαν τοῦ βασιλέωσ, παρέδωκαν αὐτῷ τὰ χωρία.
ὁμοίωσ δὲ τούτοισ καὶ οἱ τὰσ πόλεισ φρουροῦντεσ, τῶν μὲν περὶ Κάσανδρον καὶ Πρεπέλαον καὶ Πολυπέρχοντα μὴ βοηθούντων, τοῦ δὲ Δημητρίου μετὰ μεγάλησ δυνάμεωσ καὶ μηχανῶν ὑπεραγουσῶν προσιόντοσ, ἑκουσίωσ ἐξεχώρουν. καὶ τὰ μὲν περὶ Δημήτριον ἐν τούτοισ ἦν.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기