헬라어 문장 검색 - Διοδορ́Βιβλιοτ

(디오도로스 시켈로스, Bibliotheca Historica, Books XVIII-XX, book 20, chapter 103)

ὁ δὲ Δημήτριοσ διοικήσασ τὰ περὶ τοὺσ Σικυωνίουσ ἀνέζευξε μετὰ πάσησ τῆσ δυνάμεωσ ἐπὶ τὴν Κόρινθον, ἣν ἐφρούρει Πρεπέλαοσ Κασάνδρου στρατηγόσ. τὸ μὲν οὖν πρῶτον νυκτὸσ ὑπό τινων πολιτῶν εἰσαχθεὶσ διά τινοσ πυλίδοσ ἐκράτησε τῆσ πόλεωσ καὶ τῶν λιμένων. τῶν δὲ φρουρῶν καταφυγόντων τῶν μὲν εἰσ τὸ καλούμενον Σισύφιον, τῶν δ’ εἰσ τὸν Ἀκροκόρινθον προσαγαγὼν μηχανὰσ τοῖσ ὀχυρώμασι καὶ πολλὰ κακοπαθήσασ εἷλε τὸ Σισύφιον κατὰ κράτοσ.

εἶτα τῶν ἐνταῦθα συμφυγόντων πρὸσ τοὺσ κατειληφότασ τὸν Ἀκροκόρινθον καὶ τούτουσ καταπληξάμενοσ ἠνάγκασε παραδοῦναι τὴν ἄκραν· σφόδρα γὰρ ἦν ἀνυπόστατοσ οὗτοσ ὁ βασιλεὺσ ἐν ταῖσ προσβολαῖσ, εὐμήχανοσ ὑπάρχων περὶ τὴν κατασκευὴν τῶν πολιορκητικῶν ἔργων.

οὐ μὴν ἀλλὰ τοὺσ Κορινθίουσ ἐλευθερώσασ παρεισήγαγε φυλακὴν εἰσ τὸν Ἀκροκόρινθον, βουλομένων τῶν πολιτῶν διὰ τοῦ βασιλέωσ τηρεῖσθαι τὴν πόλιν μέχρι ἂν ὁ πρὸσ Κάσανδρον καταλυθῇ πόλεμοσ. καὶ Πρεπέλαοσ μὲν αἰσχρῶσ ἐκπεσὼν ἐκ τῆσ Κορίνθου πρὸσ Κάσανδρον ἀπεχώρησεν, Δημήτριοσ δὲ παρελθὼν εἰσ τὴν Ἀχαϊάν Βοῦραν μὲν κατὰ κράτοσ εἷλε καὶ τοῖσ πολίταισ ἀπέδωκε τὴν αὐτονομίαν, Σκύρον δ’ ἐν ὀλίγαισ ἡμέραισ παραλαβὼν ἐξέβαλε τὴν φρουράν.

μετὰ δὲ ταῦτ’ ἐπ’ Ὀρχομενὸν τῆσ Ἀρκαδίασ στρατεύσασ ἐκέλευσε τῷ τῆσ φρουρᾶσ ἀφηγουμένῳ Στρομβίχῳ παραδοῦναι τὴν πόλιν.

οὐ προσέχοντοσ δ’ αὐτοῦ τοῖσ λόγοισ, ἀλλὰ καὶ πολλὰ λοιδοροῦντοσ ἀπὸ τοῦ τείχουσ βλασφήμωσ προσαγαγὼν μηχανὰσ ὁ βασιλεὺσ καὶ καταβαλὼν τὰ τείχη κατὰ κράτοσ εἷλε τὴν πόλιν. τὸν μὲν οὖν Στρόμβιχον τὸν ὑπὸ Πολυπέρχοντοσ καθεσταμένον φρούραρχον καὶ τῶν ἄλλων τῶν ἀλλοτρίωσ διατεθέντων πρὸσ αὐτὸν εἰσ ὀγδοήκοντα πρὸ τῆσ πόλεωσ ἀνεσταύρωσε, τῶν δ’ ἄλλων μισθοφόρων ἑλὼν εἰσ δισχιλίουσ κατέμιξε τοῖσ ἰδίοισ στρατιώταισ.

μετὰ δὲ τὴν ἅλωσιν ταύτησ τῆσ πόλεωσ οἱ σύνεγγυσ τὰ φρούρια κατέχοντεσ, ὑπολαμβάνοντεσ ἀδύνατον ὑπάρχειν τὸ διαφυγεῖν τὴν βίαν τοῦ βασιλέωσ, παρέδωκαν αὐτῷ τὰ χωρία.

ὁμοίωσ δὲ τούτοισ καὶ οἱ τὰσ πόλεισ φρουροῦντεσ, τῶν μὲν περὶ Κάσανδρον καὶ Πρεπέλαον καὶ Πολυπέρχοντα μὴ βοηθούντων, τοῦ δὲ Δημητρίου μετὰ μεγάλησ δυνάμεωσ καὶ μηχανῶν ὑπεραγουσῶν προσιόντοσ, ἑκουσίωσ ἐξεχώρουν. καὶ τὰ μὲν περὶ Δημήτριον ἐν τούτοισ ἦν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, Books XVIII-XX, book 20, chapter 103

(디오도로스 시켈로스, Bibliotheca Historica, Books XVIII-XX, book 20, chapter 103)

상위

목록

SEARCH

MENU NAVIGATION