헬라어 문장 검색 - Διοδορ́Βιβλιοτ

(디오도로스 시켈로스, Bibliotheca Historica, Books XVIII-XX, book 20, chapter 88)

Δημήτριοσ δὲ περὶ τὴν ἐπισκευὴν τῶν μηχανῶν καὶ τῶν πλοίων ἡμέρασ ἑπτὰ γενόμενοσ καὶ πάντα τὰ πρὸσ τὴν πολιορκίαν παρασκευασάμενοσ πάλιν ἐπέπλευσε τῷ λιμένι· πᾶσα γὰρ ἦν ἡ σπουδὴ περὶ τὸ κρατῆσαι τούτου καὶ τῆσ σιτοπομπείασ ἀποκλεῖσαι τοὺσ κατὰ τὴν πόλιν. γενόμενοσ δ’ ἐντὸσ βέλουσ τοῖσ μὲν πυρφόροισ πολλοῖσ οὖσιν εἰσ τὰ διωρμισμένα πλοῖα τῶν Ῥοδίων ἐνέβαλε, τοῖσ δὲ πετροβόλοισ τὰ τείχη διέσεισε, τοῖσ δ’ ὀξυβελέσι τὰ φαινόμενα τῶν σωμάτων κατετίτρωσκε.

συνεχοῦσ οὖν καὶ καταπληκτικῆσ γενομένησ τῆσ προσβολῆσ οἱ μὲν παρὰ τοῖσ Ῥοδίοισ ναύκληροι διαγωνιάσαντεσ περὶ τῶν πλοίων κατέσβεσαν τοὺσ πυρφόρουσ, οἱ δὲ πρυτάνεισ κινδυνεύοντοσ ἁλῶναι τοῦ λιμένοσ παρεκάλεσαν τοὺσ ἀρίστουσ τῶν πολιτῶν τὸν ὑπὲρ τῆσ κοινῆσ σωτηρίασ ὑπομεῖναι κίνδυνον.

πολλῶν οὖν προθύμωσ ὑπακουόντων τρεῖσ ναῦσ τὰσ κρατίστασ ἐπλήρωσαν ἐπιλέκτων ἀνδρῶν, οἷσ παρήγγειλαν πειρᾶσθαι τοῖσ ἐμβόλοισ βυθίσαι τὰ πλοῖα τὰ τὰσ μηχανὰσ κομίζοντα τῶν πολεμίων.

οὗτοι μὲν οὖν, καίπερ πολλῶν ἐπ’ αὐτοὺσ φερομένων βελῶν, ὠσάμενοι τὸ μὲν πρῶτον τὸν σεσιδηρωμένον χάρακα διέσπασαν, τοῖσ δὲ πλοίοισ πολλὰσ ἐμβολὰσ δόντεσ καὶ θαλάττησ αὐτὰ πληρώσαντεσ δύο μὲν τῶν μηχανῶν κατέβαλον, τῆσ δὲ τρίτησ ὑπὸ τῶν περὶ τὸν Δημήτριον εἰσ τοὐπίσω τοῖσ ῥύμασιν ἑλκομένησ οἱ μὲν Ῥόδιοι θαρρήσαντεσ τοῖσ κατωρθωμένοισ θρασύτερον τοῦ καθήκοντοσ προέπιπτον εἰσ τὸν κίνδυνον.

διὸ πολλῶν αὐτοῖσ καὶ μεγάλων νεῶν περιχυθεισῶν καὶ τοῖσ ἐμβόλοισ πολλὰ μέρη τῶν τοίχων ἀναρρηττουσῶν ὁ μὲν ναύαρχοσ Ἐξήκεστοσ καὶ ὁ τριήραρχοσ καί τινεσ ἄλλοι κατατραυματισθέντεσ ἥλωσαν, τοῦ δ’ ἄλλου πλήθουσ ἐκκολυμβήσαντοσ καὶ διανηξαμένου πρὸσ τοὺσ ἰδίουσ μία μὲν τῶν νεῶν ὑποχείριοσ ἐγένετο τοῖσ περὶ τὸν Δημήτριον, αἱ δ’ ἄλλαι διέφυγον τὸν κίνδυνον.

τοιαύτησ οὖν γενομένησ τῆσ ναυμαχίασ ὁ μὲν Δημήτριοσ ἄλλην μηχανὴν κατεσκεύασε τριπλασίαν τῷ ὕψει καὶ πλάτει τῆσ πρότερον, προσάγοντοσ δ’ αὐτὴν πρὸσ τὸν λιμένα νότοσ ἐκνεφίασ ἐπιγενόμενοσ τὰ μὲν ὁρμοῦντα τῶν πλοίων συνέκλυσε, τὴν δὲ μηχανὴν κατέβαλε.

καθ’ ὃν δὴ χρόνον οἱ Ῥόδιοι τῷ καιρῷ δεξιῶσ χρησάμενοι πύλην ἀνοίξαντεσ ἐπέθεντο τοῖσ τὸ χῶμα κατειληφόσι. γενομένησ δὲ μάχησ ἐπὶ πολὺν χρόνον ἰσχυρᾶσ καὶ τοῦ μὲν Δημητρίου διὰ τὸν χειμῶνα μὴ δυναμένου βοηθῆσαι, τῶν δὲ Ῥοδίων ἐκ διαδοχῆσ ἀγωνιζομένων ἠναγκάσθησαν οἱ τοῦ βασιλέωσ ἀποθέμενοι τὰ ὅπλα παραδοῦναι σφᾶσ αὐτούσ, ὄντεσ σχεδὸν τετρακόσιοι.

τούτων δὲ τῶν προτερημάτων γενομένων τοῖσ Ῥοδίοισ κατέπλευσαν τῇ πόλει σύμμαχοι παρὰ μὲν Κνωσσίων ἑκατὸν πεντήκοντα, παρὰ δὲ Πτολεμαίου πλείουσ τῶν πεντακοσίων, ὧν ἦσάν τινεσ Ῥόδιοι μισθοφοροῦντεσ παρὰ τῷ βασιλεῖ.

καὶ τὰ μὲν περὶ τὴν ἐν Ῥόδῳ πολιορκίαν ἐν τούτοισ ἦν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Diodorus Siculus, Bibliotheca Historica, Books XVIII-XX, book 20, chapter 88

(디오도로스 시켈로스, Bibliotheca Historica, Books XVIII-XX, book 20, chapter 88)

상위

목록

SEARCH

MENU NAVIGATION