헬라어 문장 검색 - Διοδορ́Βιβλιοτ

(디오도로스 시켈로스, Bibliotheca Historica, Books XVIII-XX, book 20, chapter 87)

τοιαύτην δὲ τὴν πολιορκίαν ποιησάμενοσ ἐφ’ ἡμέρασ ὀκτὼ τὰσ μὲν μηχανὰσ τὰσ ἐπὶ τοῦ χώματοσ τοῖσ ταλαντιαίοισ πετροβόλοισ συνέτριψε, τοῦ δὲ διατειχίσματοσ τὸ μεσοπύργιον σὺν αὐτοῖσ τοῖσ πύργοισ διέσεισεν. κατελάβοντο δὲ καὶ τῶν στρατιωτῶν τινεσ μέροσ τοῦ παρὰ τὸν λιμένα διατειχίσματοσ· ἐφ’ οὓσ συστραφέντεσ οἱ Ῥόδιοι μάχην συνῆψαν καὶ πολλαπλάσιοι γενόμενοι τοὺσ μὲν ἀνεῖλον, τοὺσ δ’ ἐπανελθεῖν εἰσ τοὐπίσω συνηνάγκασαν· συνήργει δὲ τοῖσ ἐκ τῆσ πόλεωσ ἡ τοῦ παρὰ τὸ τεῖχοσ τόπου τραχύτησ, πολλῶν καὶ μεγάλων πετρῶν κατὰ τὸ συνεχὲσ κειμένων παρὰ τὴν οἰκοδομὴν ἔξω τοῦ τείχουσ. τῶν δὲ τοὺσ στρατιώτασ τούτουσ κομισάντων σκαφῶν οὐκ ὀλίγων διὰ τὴν ἀγωνίαν ἐποκειλάντων οἱ Ῥόδιοι ταχέωσ τὰ μὲν ἀκροστόλια περιέσπασαν, ὕλην δὲ ξηρὰν καὶ δᾷδασ ταῖσ ναυσὶν ἐνέντεσ ἐνέπρησαν.

τούτων δὲ περὶ ταῦτ’ ὄντων οἱ μὲν τοῦ Δημητρίου στρατιῶται πανταχοῦ περιπλέοντεσ κλίμακασ προσέφερον τοῖσ τείχεσι καὶ βιαιότερον ἐνέκειντο, συναγωνιζομένων καὶ τῶν ἀπὸ τῆσ γῆσ πανταχόθεν καὶ συναλαλαζόντων. ἔνθα δὴ πολλῶν παραβόλωσ κινδυνευσάντων καὶ συχνῶν ἀναβάντων ἐπὶ τὰ τείχη συνίστατο καρτερὰ μάχη, τῶν μὲν ἔξωθεν βιαζομένων, τῶν δ’ ἐκ τῆσ πόλεωσ ἀθρόων παραβοηθούντων.

τέλοσ δὲ τῶν Ῥοδίων ἐκθύμωσ ἀγωνιζομένων οἱ μὲν ἔπεσον τῶν προσαναβάντων, οἱ δὲ κατατραυματισθέντεσ ἑάλωσαν, ἐν οἷσ ἦσάν τινεσ καὶ τῶν ἐπιφανεστάτων ἡγεμόνων. τοιούτων δὲ γενομένων τοῖσ ἔξωθεν ἐλαττωμάτων ὁ μὲν Δημήτριοσ ἀπεκόμισε τὰσ μηχανὰσ εἰσ τὸν ἴδιον λιμένα καὶ τὰ πεπονηκότα τῶν πλοίων καὶ μηχανῶν ἐπεσκεύασεν, οἱ δὲ Ῥόδιοι τοὺσ μὲν τελευτήσαντασ τῶν πολιτῶν ἔθαψαν, τὰ δὲ ὅπλα τῶν πολεμίων καὶ τὰ ἀκροστόλια τοῖσ θεοῖσ ἀνέθηκαν, τὰ δὲ διὰ τῶν πετροβόλων πεπτωκότα τῶν τειχῶν ἀνῳκοδόμουν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Diodorus Siculus, Bibliotheca Historica, Books XVIII-XX, book 20, chapter 87

(디오도로스 시켈로스, Bibliotheca Historica, Books XVIII-XX, book 20, chapter 87)

상위

목록

SEARCH

MENU NAVIGATION