헬라어 문장 검색 - Διοδορ́Βιβλιοτ

(디오도로스 시켈로스, Bibliotheca Historica, Books XVIII-XX, book 20, chapter 84)

οἱ δὲ Ῥόδιοι μέχρι μέν τινοσ πρέσβεισ ἐκπέμποντεσ ἠξίουν μηδὲν πρᾶξαι κατὰ τῆσ πόλεωσ ἀνήκεστον· ὡσ δ’ οὐδεὶσ αὐτοῖσ προσεῖχεν, ἀπογνόντεσ τὰσ διαλύσεισ ἐξέπεμψαν πρεσβευτὰσ πρὸσ Πτολεμαῖον καὶ Λυσίμαχον καὶ Κάσανδρον, ἀξιοῦντεσ βοηθεῖν, ὡσ τῆσ πόλεωσ προπολεμούσησ ὑπὲρ αὐτῶν. τῶν δ’ ἐν τῇ πόλει κατοικούντων παροίκων καὶ ξένων δόντεσ ἐξουσίαν τοῖσ βουλομένοισ συναγωνίζεσθαι τοὺσ λοιποὺσ ἀχρήστουσ ἐκ τῆσ πόλεωσ ἐξέπεμψαν, ἅμα μὲν τῆσ τῶν ἀναγκαίων ἐνδείασ προνοηθέντεσ, ἅμα δὲ καὶ τοῦ μηδένα τῇ καταστάσει δυσχεραίνοντα γίνεσθαι τῆσ πόλεωσ προδότην.

ἀριθμὸν δὲ ποιησάμενοι τῶν δυναμένων ἀγωνίζεσθαι πολιτῶν μὲν εὑρ͂ον περὶ ἑξακισχιλίουσ, τῶν δὲ παροίκων καὶ ξένων εἰσ χιλίουσ. ἐψηφίσαντο δὲ καὶ τῶν δούλων τοὺσ ἄνδρασ ἀγαθοὺσ γενομένουσ ἐν τοῖσ κινδύνοισ ἀγοράσαντασ παρὰ τῶν δεσποτῶν ἐλευθεροῦν καὶ πολίτασ εἶναι·

ἔγραψαν δὲ καὶ τῶν τελευτησάντων ἐν τῷ πολέμῳ τὰ μὲν σώματα δημοσίᾳ θάπτεσθαι, τοὺσ δὲ γονεῖσ καὶ παῖδασ τρέφεσθαι λαμβάνοντασ τὴν χορηγίαν ἀπὸ τοῦ κοινοῦ ταμιείου, καὶ τὰσ μὲν παρθένουσ δημοσίᾳ προικίζεσθαι, τοὺσ δ’ υἱοὺσ ἐν ἡλικίᾳ γενομένουσ ἐν τῷ θεάτρῳ στεφανῶσαι τοῖσ Διονυσίοισ πανοπλίᾳ. διὰ δὲ τούτων ἐκκαλεσάμενοι τὰσ ἁπάντων προθυμίασ εἰσ τὸ τοὺσ κινδύνουσ ὑπομένειν εὐψύχωσ, ἐποιήσαντο καὶ τῶν ἄλλων τὴν ἐνδεχομένην παρασκευήν.

ὁμονοοῦντοσ γὰρ τοῦ πλήθουσ οἱ μὲν εὔποροι χρήματ’ εἰσέφερον, οἱ δὲ τεχνῖται τὰσ αὑτῶν ἐπιστήμασ παρείχοντο πρὸσ τὴν τῶν ὅπλων κατασκευήν, ἅπασ δ’ ἦν ἐνεργόσ, τῇ φιλοτιμίᾳ τοὺσ ἄλλουσ ὑπερθέσθαι σπεύδων. διόπερ οἱ μὲν ἐγίνοντο περὶ τοὺσ ὀξυβελεῖσ καὶ πετροβόλουσ, οἱ δὲ περὶ τὴν τῶν ἄλλων κατασκευήν, τινὲσ δὲ τὰ πεπονηκότα τῶν τειχῶν ἐπεσκεύαζον, πλεῖστοι δὲ λίθουσ πρὸσ τὰ τείχη φέροντεσ ἐσώρευον.

ἐξέπεμψαν δὲ καὶ τῶν ἄριστα πλεουσῶν νεῶν τρεῖσ ἐπὶ τοὺσ πολεμίουσ καὶ τοὺσ παρακομίζοντασ αὐτοῖσ ἀγορὰσ ἐμπόρουσ. αὗται δὲ παραδόξωσ ἐπιφανεῖσαι πολλὰ μὲν πλοῖα τῶν ἐπὶ τὴν προνομὴν τῆσ χώρασ ὠφελείασ χάριν πλεόντων ἐμπόρων κατεπόντισαν, οὐκ ὀλίγα δὲ καὶ πρὸσ τὸν αἰγιαλὸν κατασπῶσαι συνέκαυσαν καὶ τῶν αἰχμαλώτων τὰ δυνάμενα δοῦναι λύτρον παρεκόμιζον εἰσ τὴν πόλιν·

συνέθεντο γὰρ οἱ Ῥόδιοι πρὸσ τὸν Δημήτριον ὥστε ἀλλήλοισ διδόναι λύτρον ἐλευθέρου μὲν χιλίασ δραχμάσ, δούλου δὲ πεντακοσίασ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, Books XVIII-XX, book 20, chapter 84

(디오도로스 시켈로스, Bibliotheca Historica, Books XVIII-XX, book 20, chapter 84)

상위

목록

SEARCH

MENU NAVIGATION