헬라어 문장 검색 - Διοδορ́Βιβλιοτ

(디오도로스 시켈로스, Bibliotheca Historica, Books XVIII-XX, book 20, chapter 81)

τοῦ δ’ ἐνιαυσίου χρόνου διεληλυθότοσ Ἀθήνησι μὲν ἦρχεν Εὐξένιπποσ, ἐν Ῥώμῃ δ’ ὑπῆρχον ὕπατοι Λεύκιοσ Ποστούμιοσ καὶ Τιβέριοσ Μινούκιοσ. ἐπὶ δὲ τούτων Ῥοδίοισ ἐνέστη πόλεμοσ πρὸσ Ἀντίγονον διὰ τοιαύτασ τινὰσ αἰτίασ. ἡ πόλισ ἡ τῶν Ῥοδίων ἰσχύουσα ναυτικαῖσ δυνάμεσι καὶ πολιτευομένη κάλλιστα τῶν Ἑλλήνων περιμάχητοσ τοῖσ δυνάσταισ καὶ βασιλεῦσιν ἦν, ἑκάστου σπεύδοντοσ εἰσ τὴν αὐτοῦ φιλίαν προσλαμβάνεσθαι.

προορωμένη δὲ πόρρωθεν τὸ συμφέρον καὶ πρὸσ ἅπαντασ κατ’ ἰδίαν συντιθεμένη τὴν φιλίαν τῶν πρὸσ ἀλλήλουσ τοῖσ δυνάσταισ πολέμων οὐ μετεῖχεν. διόπερ συνέβαινεν αὐτὴν τιμᾶσθαι μὲν ὑφ’ ἑκάστου βασιλικαῖσ δωρεαῖσ, ἄγουσαν δὲ πολὺν χρόνον εἰρήνην μεγάλην ἐπίδοσιν λαβεῖν πρὸσ αὔξησιν·

ἐπὶ τοσοῦτον γὰρ προεληλύθει δυνάμεωσ ὥσθ’ ὑπὲρ μὲν τῶν Ἑλλήνων ἰδίᾳ τὸν πρὸσ τοὺσ πειρατὰσ πόλεμον ἐπαναιρεῖσθαι καὶ καθαρὰν παρέχεσθαι τῶν κακούργων τὴν θάλατταν, τὸν δὲ πλεῖστον ἰσχύσαντα τῶν μνημονευομένων Ἀλέξανδρον προτιμήσαντ’ αὐτὴν μάλιστα τῶν πόλεων καὶ τὴν ὑπὲρ ὅλησ τῆσ βασιλείασ διαθήκην ἐκεῖ θέσθαι καὶ τἄλλα θαυμάζειν καὶ προάγειν εἰσ ὑπεροχήν. οἱ δ’ οὖν Ῥόδιοι πρὸσ πάντασ τοὺσ δυνάστασ συντεθειμένοι τὴν φιλίαν διετήρουν μὲν ἑαυτοὺσ ἐκτὸσ ἐγκλήματοσ δικαίου, ταῖσ δ’ εὐνοίαισ ἔρεπον μάλιστα πρὸσ Πτολεμαῖον·

συνέβαινε γὰρ αὐτοῖσ τῶν τε προσόδων τὰσ πλείστασ εἶναι διὰ τοὺσ εἰσ Αἴγυπτον πλέοντασ ἐμπόρουσ καὶ τὸ σύνολον τρέφεσθαι τὴν πόλιν ἀπὸ ταύτησ τῆσ βασιλείασ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, Books XVIII-XX, book 20, chapter 81

(디오도로스 시켈로스, Bibliotheca Historica, Books XVIII-XX, book 20, chapter 81)

상위

목록

SEARCH

MENU NAVIGATION