헬라어 문장 검색 - Διοδορ́Βιβλιοτ

(디오도로스 시켈로스, Bibliotheca Historica, Books XVIII-XX, book 20, chapter 62)

Ἀγαθοκλῆσ μὲν οὖν οὐδ’ ἐλπίδασ ἔχων τοῦ κατὰ θάλατταν περιέσεσθαί ποτε Καρχηδονίων ἐνίκησε ναυμαχίᾳ παραδόξωσ καὶ τὸ λοιπὸν θαλασσοκρατῶν παρείχετο τοῖσ ἐμπόροισ τὴν ἀσφάλειαν. διόπερ οἱ Συρακόσιοι, πάντοθεν πρὸσ αὐτοὺσ κομιζομένησ ἀγορᾶσ, ἀντὶ τῆσ τῶν ἐπιτηδείων σπάνεωσ ταχέωσ πάντων ἔσχον δαψίλειαν. ὁ δὲ δυνάστησ μετεωρισθεὶσ τῷ γεγονότι προτερήματι Λεπτίνην ἐξαπέστειλε λεηλατήσοντα τὴν πολεμίαν καὶ μάλιστα τὴν Ἀκραγαντίνην.

ὁ γὰρ Ξενόδοκοσ διὰ τὴν γεγενημένην ἧτταν βλασφημούμενοσ ὑπὸ τῶν ἀντιπολιτευομένων ἐστασίαζε πρὸσ αὐτούσ. παρήγγειλε μὲν οὖν τῷ Λεπτίνῃ πειρᾶσθαι προκαλέσασθαι τὸν ἄνδρα πρὸσ τὴν μάχην·

ῥᾳδίωσ γὰρ προτερήσειν ὡσ στασιαζούσησ δυνάμεωσ καὶ προηττημένησ. ὅπερ καὶ συνετελέσθη·

ὁ μὲν γὰρ Λεπτίνησ ἐμβαλὼν εἰσ τὴν Ἀκραγαντίνην τὴν χώραν ἐδῄου, ὁ δὲ Ξενόδοκοσ τὸ μὲν πρῶτον ἡσυχίαν εἶχεν, οὐ νομίζων αὑτὸν ἀξιόμαχον εἶναι, ὀνειδιζόμενοσ δὲ ὑπὸ τῶν πολιτῶν εἰσ δειλίαν προήγαγε τὴν στρατιάν, τῷ μὲν ἀριθμῷ βραχὺ λειπομένην τῶν ἐναντίων, τῇ δ’ ἀρετῇ πολὺ καταδεεστέραν οὖσαν, ὡσ ἂν τῆσ μὲν πολιτικῆσ ἐν ἀνέσει καὶ σκιατραφίᾳ γεγενημένησ, τῆσ δ’ ἐν ἀγραυλίᾳ καὶ συνεχέσι στρατείαισ γεγυμνασμένησ. διὸ καὶ μάχησ γενομένησ οἱ περὶ τὸν Λεπτίνην ταχὺ τοὺσ Ἀκραγαντίνουσ τρεψάμενοι συνεδίωξαν εἰσ τὴν πόλιν·

ἔπεσον δ’ ἐπὶ τῆσ παρατάξεωσ τῶν ἡττηθέντων πεζοὶ μὲν περὶ πεντακοσίουσ, ἱππεῖσ δὲ πλείω τῶν πεντήκοντα. εἶθ’ οἱ μὲν Ἀκραγαντῖνοι δυσφοροῦντεσ ἐπὶ τοῖσ ἐλαττώμασιν ἐν αἰτίαισ εἶχον τὸν Ξενόδοκον, ὡσ δἰ ἐκεῖνον δὶσ ἡττημένοι· ὁ δὲ φοβηθεὶσ τὰσ ἐπιφερομένασ εὐθύνασ καὶ κρίσεισ ἀπεχώρησεν εἰσ τὴν Γέλαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Diodorus Siculus, Bibliotheca Historica, Books XVIII-XX, book 20, chapter 62

(디오도로스 시켈로스, Bibliotheca Historica, Books XVIII-XX, book 20, chapter 62)

상위

목록

SEARCH

MENU NAVIGATION