헬라어 문장 검색 - Διοδορ́Βιβλιοτ

(디오도로스 시켈로스, Bibliotheca Historica, Books XVIII-XX, book 20, chapter 54)

Ἀγαθοκλῆσ γὰρ πυθόμενοσ τοὺσ προειρημένουσ δυνάστασ ἀνῃρημένουσ διάδημα καὶ νομίζων μήτε δυνάμεσι μήτε χώρᾳ μήτε τοῖσ πραχθεῖσι λείπεσθαι τούτων ἑαυτὸν ἀνηγόρευσε βασιλέα. καὶ διάδημα μὲν οὐκ ἔκρινεν ἔχειν· ἐφόρει γὰρ αἰεὶ στέφανον, ὃν κατὰ τὴν ἐπίθεσιν τῆσ τυραννίδοσ ἔκ τινοσ ἱερωσύνησ περικείμενοσ οὐκ ἀπέθετο περὶ τῆσ δυναστείασ ἀγωνιζόμενοσ· ἔνιοι δέ φασιν αὐτὸν ἐπιτετηδεῦσθαι τοῦτον ἐξ ἀρχῆσ φορεῖν ἐπὶ τῷ μὴ λίαν αὐτὸν εὐχαίτην εἶναι. οὐ μὴν ἀλλὰ τῆσ προσηγορίασ ταύτησ ἄξιόν τι σπεύδων πρᾶξαι ἐπὶ μὲν Ἰτυκαίουσ ἐστράτευσεν ἀφεστηκότασ·

ἄφνω δ’ αὐτῶν τῇ πόλει προσπεσὼν καὶ τῶν ἐπὶ τῆσ χώρασ ἀπειλημμένων πολιτικῶν ζωγρήσασ εἰσ τριακοσίουσ τὸ μὲν πρῶτον διδοὺσ ἄφεσιν τῶν ἐγκλημάτων ἠξίου παραδιδόναι τὴν πόλιν· οὐ προσεχόντων δὲ τῶν ἔνδον συνεπήγνυε μηχανὴν καὶ κρεμάσασ ἐπ’ αὐτῇ τοὺσ αἰχμαλώτουσ προσήγαγε τοῖσ τείχεσιν. οἱ δ’ Ἰτυκαῖοι τοὺσ μὲν ἠτυχηκότασ ἠλέουν, πλείονα δὲ λόγον τῆσ τῶν ἁπάντων ἐλευθερίασ ἢ τῆσ ἐκείνων σωτηρίασ ποιούμενοι διέλαβον τὰ τείχη τοῖσ στρατιώταισ καὶ τὴν πολιορκίαν εὐγενῶσ ὑπέμενον.

εἶθ’ ὁ μὲν Ἀγαθοκλῆσ ἐπιστήσασ τῇ μηχανῇ τούσ τε ὀξυβελεῖσ καὶ σφενδονήτασ καὶ τοξότασ ἀπὸ ταύτησ ἀγωνιζόμενοσ ἤρχετο τῆσ πολιορκίασ καὶ ταῖσ ψυχαῖσ τῶν ἔνδον ὥσπερ καυτήριά τινα προσῆγεν·

οἱ δ’ ἐπὶ τῶν τειχῶν ἑστῶτεσ τὸ μὲν πρῶτον ὤκνουν τοῖσ βέλεσι χρήσασθαι, προκειμένων αὐτοῖσ σκοπῶν πολιτικῶν ἀνδρῶν, ὧν ἦσάν τινεσ καὶ τῶν ἐπιφανεστάτων·

ἐπικειμένων δὲ τῶν πολεμίων βαρύτερον ἠναγκάζοντο τοὺσ ἐπὶ τῆσ μηχανῆσ ὄντασ ἀμύνεσθαι. ἔνθα δὴ συνέβαινε γίνεσθαι παράλογα πάθη τοῖσ Ἰτυκαίοισ καὶ τύχησ ἐπηρεασμὸν ἐν ἀνάγκαισ κειμένοισ ἀνεκφεύκτοισ·

προβεβλημένων γὰρ τῶν Ἑλλήνων τοὺσ ἡλωκότασ τῶν ἐξ Ἰτύκησ ἀναγκαῖον ἦν ἢ τούτων φειδομένουσ περιορᾶν ὑποχείριον τοῖσ πολεμίοισ γινομένην τὴν πατρίδα ἢ τῇ πόλει βοηθοῦντασ ἀνηλεῶσ φονεῦσαι πλῆθοσ πολιτῶν ἠτυχηκότων. ὅπερ καὶ συνέβη γενέσθαι·

ἀμυνόμενοι γὰρ τοὺσ πολεμίουσ καὶ παντοίοισ βέλεσι χρώμενοι καὶ τὰ τῶν ἐφεστηκότων τῇ μηχανῇ σώματα κατῃκίσαντο καὶ τινὰσ μὲν τῶν κρεμαμένων πολιτῶν κατηκόντισαν, τινὰσ δὲ τοῖσ ὀξυβελέσι πρὸσ τῇ μηχανῇ προσκαθήλωσαν καθ’ οὕσ ποτε τύχοι τοῦ σώματοσ τόπουσ, ὥστε σταυρῷ παραπλησίαν εἶναι τὴν ὕβριν ἅμα καὶ τὴν τιμωρίαν. καὶ ταῦτ’ ἐγίνετό τισιν ὑπὸ συγγενῶν ἢ φίλων, εἰ τύχοι, τῆσ ἀνάγκησ οὐ πολυπραγμονούσησ τι τῶν παρ’ ἀνθρώποισ ὁσίων.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, Books XVIII-XX, book 20, chapter 54

(디오도로스 시켈로스, Bibliotheca Historica, Books XVIII-XX, book 20, chapter 54)

상위

목록

SEARCH

MENU NAVIGATION