헬라어 문장 검색 - Διοδορ́Βιβλιοτ

(디오도로스 시켈로스, Bibliotheca Historica, Books XVIII-XX, book 20, chapter 53)

μετὰ δὲ ταῦτα Πτολεμαῖοσ ἀπογνοὺσ τὰ κατὰ τὴν Κύπρον ἀπῆρεν εἰσ Αἴγυπτον. Δημήτριοσ δὲ πάσασ τὰσ ἐν τῇ νήσῳ πόλεισ παραλαβὼν καὶ τοὺσ φρουροῦντασ στρατιώτασ, τούτουσ μὲν εἰσ τάξεισ κατεχώρισεν, ὄντασ πεζοὺσ μὲν μυρίουσ ἑξακισχιλίουσ συντεταγμένουσ, ἱππεῖσ δὲ περὶ ἑξακοσίουσ, πρὸσ δὲ τὸν πατέρα ταχέωσ ἐμβιβάσασ εἰσ τὴν μεγίστην ναῦν τοὺσ δηλώσοντασ περὶ τῶν κατορθωθέντων ἐξαπέστειλεν. ὁ δ’ Ἀντίγονοσ πυθόμενοσ τὴν γεγενημένην νίκην καὶ μετεωρισθεὶσ ἐπὶ τῷ μεγέθει τοῦ προτερήματοσ διάδημα περιέθετο καὶ τὸ λοιπὸν ἐχρημάτιζε βασιλεύσ, συγχωρήσασ καὶ τῷ Δημητρίῳ τῆσ αὐτῆσ τυγχάνειν προσηγορίασ καὶ τιμῆσ.

ὁ δὲ Πτολεμαῖοσ οὐδὲν τῇ ψυχῇ ταπεινωθεὶσ διὰ τὴν ἧτταν καὶ αὐτὸσ ὁμοίωσ ἀνέλαβε τὸ διάδημα καὶ πρὸσ ἅπαντασ ἀνέγραφεν ἑαυτὸν βασιλέα.

παραπλησίωσ δὲ τούτοισ καὶ οἱ λοιποὶ δυνάσται ζηλοτυπήσαντεσ ἀνηγόρευον ἑαυτοὺσ βασιλεῖσ, Σέλευκοσ μὲν προσφάτωσ τὰσ ἄνω σατραπείασ προσκεκτημένοσ, Λυσίμαχοσ δὲ καὶ Κάσανδροσ τὰσ ἐξ ἀρχῆσ δοθείσασ μερίδασ διατηροῦντεσ.

ἡμεῖσ δὲ περὶ τούτων ἱκανῶσ εἰρηκότεσ ἐν μέρει διέξιμεν περὶ τῶν κατὰ Λιβύην καὶ Σικελίαν πραχθέντων.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, Books XVIII-XX, book 20, chapter 53

(디오도로스 시켈로스, Bibliotheca Historica, Books XVIII-XX, book 20, chapter 53)

상위

목록

SEARCH

MENU NAVIGATION