호흡부호 보기
강세부호 보기
장단부호 보기
작은 Iota 보기
모든 부호 보기
ἀπὸ κράτουσ δὲ καὶ βίασ ἐλαθεισῶν τῶν νεῶν αἱ μὲν παρέσυρον ἀλλήλων τοὺσ ταρσούσ, ὥστε πρὸσ φυγὴν καὶ διωγμὸν ἀχρήστουσ γίνεσθαι καὶ τοὺσ ἐπιβεβηκότασ ἄνδρασ ὡρμηκότασ πρὸσ ἀλκὴν κωλύεσθαι τῆσ πρὸσ τὸν κίνδυνον ὁρμῆσ· αἱ δὲ κατὰ πρῷραν τοῖσ ἐμβόλοισ συρράττουσαι πρύμναν ἀνεκρούοντο πρὸσ ἄλλην ἐμβολὴν καὶ κατετραυμάτιζον ἀλλήλουσ οἱ ταύταισ ἐφεστῶτεσ, ἅτε τοῦ σκοποῦ σύνεγγυσ ἑκάστοισ κειμένου. τινὲσ δὲ τῶν τριηραρχῶν ἐκ πλαγίασ ἔτυπτον καὶ τῶν ἐμβόλων δυσαποσπάστωσ ἐχόντων ἐπεπήδων ἐπὶ τὰσ τῶν πολεμίων ναῦσ, πολλὰ καὶ πάσχοντεσ δεινὰ καὶ διατιθέντεσ·

이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기