헬라어 문장 검색 - Διοδορ́Βιβλιοτ

(디오도로스 시켈로스, Bibliotheca Historica, Books XVIII-XX, book 20, chapter 49)

Πτολεμαῖοσ δὲ πυθόμενοσ τὴν τῶν ἰδίων ἧτταν ἐξέπλευσεν ἐκ τῆσ Αἰγύπτου δύναμιν ἔχων ἀξιόλογον πεζικήν τε καὶ ναυτικήν. κατενεχθεὶσ δὲ τῆσ Κύπρου πρὸσ τὴν Πάφον ἔκ τε τῶν πόλεων παρεδέξατο τὰ σκάφη καὶ παρέπλευσεν εἰσ Κίτιον, τῆσ Σαλαμῖνοσ ἀπέχον σταδίουσ διακοσίουσ. εἶχε δὲ τὰσ πάσασ ναῦσ μακρὰσ ἑκατὸν καὶ τεσσαράκοντα·

τούτων δ’ ἦν ἡ μεγίστη πεντήρησ, ἡ δ’ ἐλαχίστη τετρήρησ· στρατιωτικὰ δὲ πόρια ταύταισ ἐπηκολούθει πλείω τῶν διακοσίων, ἄγοντα πεζοὺσ οὐκ ἐλάττουσ τῶν μυρίων. οὗτοσ μὲν οὖν πρὸσ τὸν Μενέλαον κατὰ γῆν ἔπεμψέ τινασ, διακελευόμενοσ τὰσ ναῦσ, ἂν ᾖ δυνατόν, κατὰ τάχοσ ἐκ τῆσ Σαλαμῖνοσ πρὸσ αὐτὸν ἀποστεῖλαι, οὔσασ ἑξήκοντα·

ἤλπιζε γάρ, εἰ προσλάβοι ταύτασ, ῥᾳδίωσ κρατήσειν τῇ ναυμαχίᾳ, διακοσίοισ σκάφεσιν ἀγωνιζόμενοσ. ὁ δὲ Δημήτριοσ νοήσασ αὐτοῦ τὴν ἐπιβολὴν ἐπὶ μὲν τῆσ πολιορκίασ ἀπέλιπε μέροσ τῆσ δυνάμεωσ, τὰσ δὲ ναῦσ ἁπάσασ πληρώσασ καὶ τῶν στρατιωτῶν τοὺσ κρατίστουσ ἐμβιβάσασ βέλη καὶ πετροβόλουσ ἐνέθετο καὶ τῶν τρισπιθάμων ὀξυβελῶν τοὺσ ἱκανοὺσ ταῖσ πρῴραισ ἐπέστησε.

κοσμήσασ δὲ πολυτελῶσ πρὸσ ναυμαχίαν τὸν στόλον περιέπλευσε τὴν πόλιν καὶ κατὰ τὸ στόμα τοῦ λιμένοσ μικρὸν ἔξω βέλουσ ἀφεὶσ τὰσ ἀγκύρασ διενυκτέρευσεν, ἅμα μὲν τὰσ ἐκ τῆσ πόλεωσ ναῦσ κωλύων συμμῖξαι ταῖσ ἄλλαισ, ἅμα δὲ καραδοκῶν τὸν ἐπίπλουν τῶν πολεμίων καὶ πρὸσ ναυμαχίαν ὢν ἕτοιμοσ.

τοῦ δὲ Πτολεμαίου πλέοντοσ ἐπὶ τὴν Σαλαμῖνα καὶ τῶν ὑπηρετικῶν πλοίων συνεπομένων πόρρωθεν καταπληκτικὸν ὁρᾶσθαι συνέβαινε τὸν στόλον διὰ τὸ πλῆθοσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Diodorus Siculus, Bibliotheca Historica, Books XVIII-XX, book 20, chapter 49

(디오도로스 시켈로스, Bibliotheca Historica, Books XVIII-XX, book 20, chapter 49)

상위

목록

SEARCH

MENU NAVIGATION