헬라어 문장 검색 - Διοδορ́Βιβλιοτ

(디오도로스 시켈로스, Bibliotheca Historica, Books XVIII-XX, book 20, chapter 44)

ὁ δ’ οὖν Βορμίλκασ ἐξετασμὸν τῶν στρατιωτῶν ποιησάμενοσ ἐν τῇ καλουμένῃ Νέᾳ πόλει, μικρὸν ἔξω τῆσ ἀρχαίασ Καρχηδόνοσ οὔσῃ, τοὺσ μὲν ἄλλουσ διαφῆκε, τοὺσ δὲ συνειδότασ περὶ τῆσ ἐπιθέσεωσ, ὄντασ πολίτασ μὲν πεντακοσίουσ, μισθοφόρουσ δὲ περὶ χιλίουσ, ἀνέδειξεν ἑαυτὸν τύραννον. εἰσ πέντε δὲ μέρη τοὺσ στρατιώτασ διελόμενοσ ἐπῄει πάντασ τοὺσ ἐν ταῖσ ὁδοῖσ ἀπαντῶντασ ἀποσφάττων.

γενομένησ δὲ κατὰ τὴν πόλιν ταραχῆσ ἐξαισίου τὸ μὲν πρῶτον οἱ Καρχηδόνιοι τοὺσ πολεμίουσ ὑπέλαβον παρεισπεπτωκέναι προδιδομένησ τῆσ πόλεωσ· ὡσ δ’ ἐπεγνώσθη τἀληθέσ, συνέτρεχον οἱ νέοι καὶ εἰσ τάξεισ καταστάντεσ ὡρ́μησαν ἐπὶ τὸν τύραννον. ὁ δὲ Βορμίλκασ τοὺσ ἐν ταῖσ ὁδοῖσ ἀναιρῶν ὡρ́μησεν εἰσ τὴν ἀγορὰν καὶ πολλοὺσ τῶν πολιτῶν ἀνόπλουσ καταλαβὼν ἀπέκτεινε.

τῶν δὲ Καρχηδονίων καταλαβομένων τὰσ περὶ τὴν ἀγορὰν οἰκίασ ὑψηλὰσ οὔσασ καὶ τοῖσ βέλεσι πυκνοῖσ χρωμένων οἱ μετέχοντεσ τῆσ ἐπιθέσεωσ κατετραυματίζοντο, τοῦ τόπου παντὸσ ἐμβελοῦσ ὄντοσ.

διόπερ κακοπαθοῦντεσ συνέφραξαν ἑαυτοὺσ καὶ διὰ τῶν στενωπῶν συνεξέπεσαν εἰσ τὴν Νέαν πόλιν, βαλλόμενοι συνεχῶσ ἀπὸ τῶν οἰκιῶν καθ’ ἃσ τυγχάνοιεν αἰεὶ γινόμενοι.

καταλαβομένων δ’ αὐτῶν ὑπερδέξιόν τινα τόπον οἱ Καρχηδόνιοι τῶν πολιτῶν πάντων συνδραμόντων ἐν τοῖσ ὅπλοισ ἀντεστρατοπέδευσαν τοῖσ ἀφεστηκόσι. τέλοσ δὲ πρέσβεισ πέμψαντεσ τῶν πρεσβυτάτων τοὺσ εὐθέτουσ καὶ τῶν ἐγκλημάτων δόντεσ ἄφεσιν διελύθησαν·

καὶ τοῖσ μὲν ἄλλοισ οὐδὲν ἐμνησικάκησαν διὰ τοὺσ περιεστῶτασ τὴν πόλιν κινδύνουσ, αὐτὸν δὲ τὸν Βορμίλκαν αἰκισάμενοι δεινῶσ τοῦ ζῆν ἐστέρησαν, οὐδὲν φροντίσαντεσ τῶν δεδομένων ὁρ́κων. Καρχηδόνιοι μὲν οὖν κινδυνεύσαντεσ τοῖσ ὅλοισ σφαλῆναι τοῦτον τὸν τρόπον ἐκομίσαντο τὴν πατρῴαν πολιτείαν. Ἀγαθοκλῆσ δὲ πλοῖα φορτηγὰ γεμίσασ τῶν λαφύρων καὶ τοὺσ ἀχρήστουσ εἰσ πόλεμον τῶν ἐκ Κυρήνησ παραγενομένων ἐμβιβάσασ ἀπέστειλεν εἰσ Συρακούσσασ.

χειμώνων δ’ ἐπιγενομένων ἃ μὲν διεφθάρη τῶν πλοίων, ἃ δ’ ἐξέπεσε πρὸσ τὰσ κατ’ Ἰταλίαν Πιθηκούσσασ νήσουσ, ὀλίγα δ’ εἰσ τὰσ Συρακούσσασ διεσώθη. κατὰ δὲ τὴν Ἰταλίαν οἱ τῶν Ῥωμαίων ὕπατοι, Μαρσοῖσ πολεμουμένοισ ὑπὸ Σαμνιτῶν βοηθήσαντεσ, τῇ τε μάχῃ προετέρησαν καὶ συχνοὺσ τῶν πολεμίων ἀνεῖλον.

εἶτα διὰ τῆσ Ὀμβρίκων χώρασ διελθόντεσ ἐνέβαλον εἰσ τὴν Τυρρηνίαν πολεμίαν οὖσαν καὶ τὸ καλούμενον Κάιριον φρούριον ἐξεπολιόρκησαν.

διαπρεσβευομένων δὲ τῶν ἐγχωρίων ὑπὲρ ἀνοχῶν πρὸσ μὲν Ταρκυνιήτασ εἰσ ἔτη τεσσαράκοντα, πρὸσ δὲ τοὺσ ἄλλουσ Τυρρηνοὺσ ἅπαντασ εἰσ ἐνιαυτὸν ἀνοχὰσ ἐποιήσαντο.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, Books XVIII-XX, book 20, chapter 44

(디오도로스 시켈로스, Bibliotheca Historica, Books XVIII-XX, book 20, chapter 44)

상위

목록

SEARCH

MENU NAVIGATION