헬라어 문장 검색 - Διοδορ́Βιβλιοτ

(디오도로스 시켈로스, Bibliotheca Historica, Books XVIII-XX, book 20, chapter 33)

περὶ δὲ τὴν Λιβύην Ἀγαθοκλῆσ, ἐπειδὴ κατέπλευσαν οἱ τὴν Ἀμίλκα κεφαλὴν κομίζοντεσ, ἀναλαβὼν ταύτην καὶ παριππεύσασ πλησίον τῆσ παρεμβολῆσ τῶν πολεμίων εἰσ φωνῆσ ἀκοὴν ἔδειξε τοῖσ πολεμίοισ καὶ τὴν τῶν στρατοπέδων ἧτταν διεσάφησεν. οἱ δὲ Καρχηδόνιοι περιαλγεῖσ γενόμενοι καὶ βαρβαρικῶσ προσκυνήσαντεσ συμφορὰν ἑαυτῶν ἐποιοῦντο τὸν τοῦ βασιλέωσ θάνατον καὶ πρὸσ τὸν ὅλον πόλεμον ἄθυμοι καθειστήκεισαν.

οἱ δὲ περὶ τὸν Ἀγαθοκλέα τοῖσ περὶ Λιβύην προτερήμασιν ἐπαρθέντεσ τηλικούτων εὐτυχημάτων προσγενομένων μετέωροι ταῖσ ἐλπίσιν ἐγενήθησαν, ὡσ ἀπηλλαγμένοι τῶν δεινῶν. οὐ μὴν ἡ τύχη γε εἰάσε τὴν εὔροιαν μένειν ἐπὶ τῆσ αὐτῆσ τάξεωσ, ἀλλ’ ἐκ τῶν ἰδίων στρατιωτῶν τῷ δυνάστῃ τοὺσ μεγίστουσ ἐπήνεγκε κινδύνουσ.

Λυκίσκοσ γάρ τισ τῶν ἐφ’ ἡγεμονίᾳ τεταγμένων, παραληφθεὶσ ὑπ’ Ἀγαθοκλέουσ ἐπὶ τὸ δεῖπνον, οἰνωθεὶσ ἐβλασφήμει τὸν δυνάστην. ὁ μὲν οὖν Ἀγαθοκλῆσ διὰ τὰσ ἐν τῷ πολέμῳ χρείασ ἀποδεχόμενοσ τὸν ἄνδρα τῇ παιδιᾷ τὰ πρὸσ πικρίαν λεγόμενα διέσυρεν·

ὁ δ’ υἱὸσ Ἀρχάγαθοσ χαλεπῶσ φέρων ἐπετίμα τε καὶ διηπειλεῖτο. διαλυθέντοσ δὲ τοῦ πότου καὶ πρὸσ τὴν σκηνὴν ἀπιόντων ἐλοιδόρησεν ὁ Λυκίσκοσ τὸν Ἀρχάγαθον εἰσ τὴν τῆσ μητρυιᾶσ μοιχείαν·

ἐδόκει γὰρ ἔχειν λάθρᾳ τοῦ πατρὸσ τὴν Ἀλκίαν· τοῦτο γὰρ ἦν ὄνομα τῇ γυναικί.

ὁ δ’ Ἀρχάγαθοσ εἰσ ὀργὴν ὑπερβάλλουσαν προαχθεὶσ καὶ παρά τινοσ τῶν ὑπασπιστῶν ἁρπάσασ σιβύνην διήλασε διὰ τῶν πλευρῶν. τοῦτον μὲν οὖν παραχρῆμα τελευτήσαντα πρὸσ τὴν ἰδίαν ἀπήνεγκαν σκηνὴν οἷσ ἦν ἐπιμελέσ· ἅμα δ’ ἡμέρᾳ συνελθόντεσ οἱ τοῦ φονευθέντοσ φίλοι καὶ πολλοὶ τῶν ἄλλων στρατιωτῶν συνδραμόντεσ ἠγανάκτουν ἐπὶ τοῖσ πραχθεῖσι καὶ θορύβου τὴν παρεμβολὴν ἐπλήρωσαν. πολλοὶ δὲ καὶ τῶν ἐφ’ ἡγεμονίαισ τεταγμένων, ἐν ἐγκλήμασιν ὄντεσ καὶ φοβούμενοι περὶ σφῶν αὐτῶν, συνεπιθέμενοι τῷ καιρῷ στάσιν οὐ τὴν τυχοῦσαν ἐξέκαυσαν.

παντὸσ δὲ τοῦ στρατεύματοσ μισοπονηροῦντοσ ἕκαστοι τὰσ πανοπλίασ ἀνελάμβανον ἐπὶ τὴν τοῦ φονεύσαντοσ τιμωρίαν· καὶ πέρασ τὸ πλῆθοσ ᾤετο δεῖν Ἀρχάγαθον ἀναιρεῖσθαι, μὴ ἐκδιδόντοσ δὲ τὸν υἱὸν Ἀγαθοκλέουσ αὐτὸν ἀντ’ ἐκείνου τὴν τιμωρίαν ὑπέχειν. ἀπῄτουν δὲ καὶ τοὺσ μισθοὺσ τοὺσ ὀφειλομένουσ καὶ στρατηγοὺσ ᾑροῦντο τοὺσ ἀφηγησομένουσ τοῦ στρατοπέδου καὶ τὸ τελευταῖον τὰ τείχη κατελαμβάνοντό τινεσ τοῦ Τύνητοσ καὶ πανταχόθεν φυλακαῖσ περιέλαβον τοὺσ δυνάστασ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, Books XVIII-XX, book 20, chapter 33

(디오도로스 시켈로스, Bibliotheca Historica, Books XVIII-XX, book 20, chapter 33)

상위

목록

SEARCH

MENU NAVIGATION