헬라어 문장 검색 - Διοδορ́Βιβλιοτ

(디오도로스 시켈로스, Bibliotheca Historica, Books XVIII-XX, book 20, chapter 32)

περὶ ταῦτα δ’ ὄντων τῶν Ἀκραγαντίνων τῶν ἐν ταῖσ Συρακούσσαισ καταλελειμμένων στρατιωτῶν ὑπ’ Ἀγαθοκλέουσ καταλαβόμενοί τινεσ τὴν Ἐχέτλαν ἐπόρθουν τήν τε Λεοντίνην καὶ Καμαριναίαν. κακῶσ οὖν πασχουσῶν τῶν πόλεων διὰ τὸ τὴν χώραν δῃοῦσθαι καὶ τοὺσ καρποὺσ ἅπαντασ διαφθείρεσθαι ἐμβαλὼν εἰσ τοὺσ τόπουσ ὁ Ξενόδικοσ Λεοντίνουσ μὲν καὶ Καμαριναίουσ ἀπήλλαξε τοῦ πολέμου, τὴν δ’ Ἐχέτλαν χωρίον ὀχυρὸν ἐκπολιορκήσασ τοῖσ μὲν πολίταισ τὴν δημοκρατίαν ἀποκατέστησε, τοὺσ δὲ Συρακοσίουσ κατεπλήξατο·

καθόλου δ’ ἐπιπορευόμενοσ τά τε φρούρια καὶ τὰσ πόλεισ ἠλευθέρου τῆσ τῶν Καρχηδονίων ἐπιστασίασ. ἅμα δὲ τούτοισ πραττομένοισ Συρακόσιοι πιεζούμενοι τῇ σιτοδείᾳ καὶ πυνθανόμενοι σιτηγὰ πλοῖα μέλλοντα ποιεῖσθαι πλοῦν ἐπὶ Συρακούσσασ ἐπλήρουν τριήρεισ εἴκοσι, τηρήσαντεσ δὲ τοὺσ ἐφορμεῖν εἰωθότασ βαρβάρουσ ἀφυλάκτουσ ὄντασ ἔλαθον ἐκπλεύσαντεσ καὶ παρακομισθέντεσ εἰσ τοὺσ Μεγαρεῖσ ἐπετήρουν τὸν τῶν ἐμπόρων κατάπλουν.

μετὰ δὲ ταῦτα τῶν Καρχηδονίων τριάκοντα ναυσὶν ἐκπλευσάντων ἐπ’ αὐτοὺσ τὸ μὲν πρῶτον ἐπεβάλοντο ναυμαχεῖν, ταχὺ δὲ πρὸσ τὴν γῆν ἐκδιωχθέντεσ ἐξεκολύμβησαν πρόσ τινα ναὸν Ἥρασ.

γενομένησ οὖν μάχησ περὶ τῶν σκαφῶν καὶ τῶν Καρχηδονίων ἐπιβαλλόντων σιδηρᾶσ χεῖρασ καὶ βιαιότερον ἀποσπώντων ἀπὸ τῆσ γῆσ δέκα μὲν τριήρεισ ἑάλωσαν, τὰσ δ’ ἄλλασ ἐκ τῆσ πόλεωσ ἐπιβοηθήσαντέσ τινεσ διέσωσαν.

καὶ τὰ μὲν περὶ Σικελίαν ἐν τούτοισ ἦν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Diodorus Siculus, Bibliotheca Historica, Books XVIII-XX, book 20, chapter 32

(디오도로스 시켈로스, Bibliotheca Historica, Books XVIII-XX, book 20, chapter 32)

상위

목록

SEARCH

MENU NAVIGATION