헬라어 문장 검색 - Διοδορ́Βιβλιοτ

(디오도로스 시켈로스, Bibliotheca Historica, Books XVIII-XX, book 20, chapter 29)

ἅμα δὲ τούτοισ πραττομένοισ Λυσίμαχοσ μὲν ἐν Χερρονήσῳ πόλιν ἔκτισεν ἀφ’ ἑαυτοῦ Λυσιμαχίαν καλέσασ. Κλεομένησ δ’ ὁ τῶν Λακεδαιμονίων βασιλεὺσ ἐτελεύτησεν ἄρξασ ἔτη ἑξήκοντα καὶ μῆνασ δέκα, τὴν δὲ βασιλείαν διαδεξάμενοσ ὁ Ἀρέτα υἱὸσ ἦρξεν ἔτη τέσσαρα πρὸσ τοῖσ τεσσαράκοντα. περὶ δὲ τοὺσ αὐτοὺσ καιροὺσ Ἀμίλκασ ὁ τῶν ἐν Σικελίᾳ δυνάμεων στρατηγὸσ τὰ λοιπὰ τῶν χωρίων χειρωσάμενοσ προῆγεν μετὰ τῆσ δυνάμεωσ ἐπὶ τὰσ Συρακούσσασ, ὡσ καὶ ταύτασ αἱρήσων κατὰ κράτοσ.

τὴν μὲν οὖν σιτοπομπείαν διεκώλυε πολὺν ἤδη χρόνον θαλασσοκρατῶν, τοὺσ δ’ ἐπὶ τῆσ χώρασ καρποὺσ καταφθείρασ ἐπεβάλετο καταλαβέσθαι τοὺσ περὶ τὸ Ὀλύμπιον τόπουσ, κειμένουσ μὲν πρὸ τῆσ πόλεωσ·

εὐθὺσ δὲ καὶ προσβάλλειν ἐξ ἐφόδου τοῖσ τείχεσι διεγνώκει, τοῦ μάντεωσ εἰρηκότοσ αὐτῷ κατὰ τὴν ἐπίσκεψιν τῶν ἱερῶν ὅτι τῇ μετὰ ταύτην ἡμέρᾳ πάντωσ ἐν Συρακούσσαισ δειπνήσει. οἱ δ’ ἐκ τῆσ πόλεωσ αἰσθόμενοι τὴν ἐπίνοιαν τῶν πολεμίων ἐξέπεμψαν τῶν μὲν πεζῶν νυκτὸσ περὶ τρισχιλίουσ καὶ τῶν ἱππέων περὶ τετρακοσίουσ, προστάξαντεσ καταλαβέσθαι τὸν Εὐρύηλον.

ταχὺ δὲ τούτων τὸ παραγγελθὲν πραξάντων οἱ Καρχηδόνιοι νυκτὸσ οὔσησ προσῆγον, νομίζοντεσ λήσεσθαι τοὺσ πολεμίουσ.

ἡγεῖτο μὲν οὖν Ἀμίλκασ πάντων, ἔχων τοὺσ ἀεὶ περὶ ἑαυτὸν τεταγμένουσ, ἐπηκολούθει δὲ Δεινοκράτησ, τῶν ἱππέων εἰληφὼσ τὴν ἡγεμονίαν. τὸ δὲ τῶν πεζῶν στρατόπεδον εἰσ δύο φάλαγγασ διῄρητο, τήν τε τῶν βαρβάρων καὶ τὴν τῶν συμμαχούντων Ἑλλήνων.

παρηκολούθει δὲ καὶ πλῆθοσ ὄχλου παντοδαπὸν ἐκτὸσ τῆσ τάξεωσ ὠφελείασ ἕνεκα, χρείαν μὲν στρατιωτικὴν οὐδεμίαν παρεχόμενον, θορύβου δὲ καὶ ταραχῆσ ἀλόγου γινόμενον αἴτιον, ἐξ ὧν πολλάκισ ὁλοσχερέστεροι συμβαίνουσι κίνδυνοι. καὶ τότε δὲ τῶν ὁδῶν στενῶν οὐσῶν καὶ τραχειῶν οἱ μὲν τὰ σκευοφόρα κομίζοντεσ καὶ τῶν ἐκτὸσ τῆσ τάξεωσ συνακολουθούντων τινὲσ ἐβάδιζον πρὸσ ἀλλήλουσ φιλοτιμούμενοι περὶ τῆσ ὁδοιπορίασ·

στενοχωρουμένου δὲ τοῦ πλήθουσ καὶ διὰ τοῦτό τισιν ἐγγενομένησ ἁψιμαχίασ καὶ πολλῶν ἑκατέροισ παραβοηθούντων κραυγὴ καὶ πολὺσ θόρυβοσ κατεῖχε τὸ στρατόπεδον. καθ’ ὃν δὴ χρόνον οἱ κατειληφότεσ τὸν Εὐρύηλον Συρακόσιοι μετὰ θορύβου προσιόντασ τοὺσ πολεμίουσ αἰσθόμενοι καὶ τόπουσ ἔχοντεσ ὑπερδεξίουσ ὡρ́μησαν ἐπὶ τοὺσ πολεμίουσ.

καὶ τινὲσ μὲν ἐπὶ τοῖσ ὑψηλοῖσ ἑστῶτεσ ἔβαλλον τοὺσ ἐπιόντασ, τινὲσ δὲ τοὺσ εὐκαίρουσ τῶν τόπων καταλαβόντεσ ἀπέκλειον τῆσ ὁδοῦ τοὺσ βαρβάρουσ, ἄλλοι δὲ κατὰ τῶν κρημνῶν τοὺσ φεύγοντασ ῥίπτειν ἑαυτοὺσ ἠνάγκαζον·

διὰ γὰρ τὸ σκότοσ καὶ τὴν ἄγνοιαν ὑπελήφθησαν μεγάλῃ δυνάμει παραγεγονέναι πρὸσ τὴν ἐπίθεσιν. οἱ δὲ Καρχηδόνιοι τὰ μὲν διὰ τὴν τῶν ἰδίων ταραχήν, τὰ δὲ διὰ τὴν τῶν πολεμίων ἐπιφάνειαν ἐλαττούμενοι, μάλιστα δὲ διὰ τὴν ἀπειρίαν τῶν τόπων καὶ στενοχωρίαν ἀπορούμενοι πρὸσ φυγὴν ἐτράπησαν.

οὐκ ἐχόντων δὲ τῶν τόπων εὐρυχωρῆ διέξοδον οἱ μὲν ὑπὸ τῶν ἰδίων ἱππέων συνεπατοῦντο πολλῶν ὄντων, οἱ δὲ πρὸσ ἀλλήλουσ ὡσ πολέμιοι διεμάχοντο, τῆσ ἀγνοίασ ἐπισχούσησ διὰ τὴν νύκτα. Ἀμίλκασ δὲ τὸ μὲν πρῶτον ὑπέστη τοὺσ πολεμίουσ εὐρώστωσ καὶ τοὺσ περὶ αὑτὸν τεταγμένουσ ἠξίου συγκινδυνεύειν·

μετὰ δὲ ταῦτα διὰ τὴν ταραχὴν καὶ τὸν φόβον ἐγκαταλιπόντων αὐτὸν τῶν στρατιωτῶν μονωθεὶσ ὑπὸ τῶν Συρακοσίων συνηρπάγη.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, Books XVIII-XX, book 20, chapter 29

(디오도로스 시켈로스, Bibliotheca Historica, Books XVIII-XX, book 20, chapter 29)

상위

목록

SEARCH

MENU NAVIGATION