헬라어 문장 검색 - Διοδορ́Βιβλιοτ

(디오도로스 시켈로스, Bibliotheca Historica, Books XVIII-XX, book 20, chapter 27)

ἐπ’ ἄρχοντοσ δ’ Ἀθήνησι Δημητρίου τοῦ Φαληρέωσ τὴν ὕπατον ἀρχὴν ἐν Ῥώμῃ παρέλαβον Κόιντοσ Φάβιοσ τὸ δεύτερον καὶ Γάιοσ Μάρκιοσ. ἐπὶ δὲ τούτων Πτολεμαῖοσ ὁ τῆσ Αἰγύπτου βασιλεύων πυθόμενοσ τοὺσ ἰδίουσ στρατηγοὺσ ἀποβεβληκέναι τὰσ ἐν Κιλικίᾳ πόλεισ, πλεύσασ μετὰ δυνάμεωσ ἐπὶ Φασήλιδα ταύτην μὲν ἐξεπολιόρκησεν, εἰσ δὲ τὴν Λυκίαν παρακομισθεὶσ Ξάνθον φρουρουμένην ὑπ’ Ἀντιγόνου κατὰ κράτοσ εἷλεν. εἶτα τῇ Καύνῳ προσπλεύσασ τὴν μὲν πόλιν παρέλαβε, τὰσ δὲ ἀκροπόλεισ φρουρουμένασ τῇ βίᾳ κατισχύσασ τὸ μὲν Ἡράκλειον ἐξεῖλε, τὸ δὲ Περσικὸν παραδόντων τῶν στρατιωτῶν ὑποχείριον ἐποιήσατο.

μετὰ δὲ ταῦτα εἰσ τὴν Κῶν πλεύσασ μετεπέμψατο Πτολεμαῖον, ὃσ ὢν ἀδελφιδοῦσ Ἀντιγόνου καὶ δύναμιν πεπιστευμένοσ τοῦτον μὲν κατέλιπε, πρὸσ δὲ Πτολεμαῖον κοινοπραγίαν ἐτίθετο.

πλεύσαντοσ δ’ ἐκ τῆσ Χαλκίδοσ αὐτοῦ καὶ κομισθέντοσ εἰσ Κῶν τὸ μὲν πρῶτον ὁ Πτολεμαῖοσ φιλανθρώπωσ αὐτὸν προσεδέξατο· εἶτα ὁρῶν πεφρονηματισμένον καὶ τοὺσ ἡγεμόνασ ὁμιλίαισ καὶ δωρεαῖσ ἐξιδιοποιούμενον, φοβηθεὶσ μή τινα ἐπιβουλὴν μηχανήσηται, φθάσασ αὐτὸν συνέλαβε καὶ πιεῖν κώνιον συνηνάγκασε. τοὺσ δὲ συνηκολουθηκότασ στρατιώτασ ἐπαγγελίαισ δημαγωγήσασ κατέμιξε τοῖσ μεθ’ ἑαυτοῦ στρατευομένοισ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, Books XVIII-XX, book 20, chapter 27

(디오도로스 시켈로스, Bibliotheca Historica, Books XVIII-XX, book 20, chapter 27)

상위

목록

SEARCH

MENU NAVIGATION