헬라어 문장 검색 - Διοδορ́Βιβλιοτ

(디오도로스 시켈로스, Bibliotheca Historica, Books XVIII-XX, book 20, chapter 17)

ἅμα δὲ τούτοισ πραττομένοισ ὁ μὲν Ἀγαθοκλῆσ κρατῶν τῶν ὑπαίθρων τὰ περὶ τὴν Καρχηδόνα χωρία κατὰ κράτοσ ᾔρει καὶ τῶν πόλεων ἃσ μὲν διὰ φόβον, ἃσ δὲ διὰ τὸ πρὸσ Καρχηδονίουσ μίσοσ προσηγάγετο. παρεμβολὴν δὲ πλησίον τοῦ Τύνητοσ ὀχυρωσάμενοσ καὶ τὴν ἱκανὴν ἀπολιπὼν φυλακὴν ἀνέζευξε πρὸσ τὰσ ἐπὶ θαλάττῃ κειμένασ πόλεισ. καὶ πρώτην μὲν ἑλὼν Νέαν πόλιν κατὰ κράτοσ φιλανθρώπωσ ἐχρήσατο τοῖσ χειρωθεῖσιν· εἶτα παρελθὼν ἐπ’ Ἀδρύμητα πρὸσ μὲν ταύτην πολιορκίαν συνεστήσατο, Αἰλύμαν δὲ τὸν βασιλέα τῶν Λιβύων εἰσ συμμαχίαν προσελάβετο. ἃ δὴ πυθόμενοι οἱ Καρχηδόνιοι πᾶσαν τὴν δύναμιν προήγαγον ἐπὶ τὸν Τύνητα καὶ τῆσ μὲν Ἀγαθοκλέουσ στρατοπεδείασ ἐκυρίευσαν, τῇ πόλει δὲ μηχανὰσ προσαγαγόντεσ συνεχεῖσ προσβολὰσ ἐποιοῦντο.

ὁ δ’ Ἀγαθοκλῆσ, ἀπαγγειλάντων τινῶν αὐτῷ τὰ περὶ τοὺσ ἰδίουσ ἐλαττώματα, τὸ μὲν πολὺ τῆσ δυνάμεωσ κατέλιπεν ἐπὶ τῆσ πολιορκίασ, τὴν δὲ θεραπείαν καὶ τῶν στρατιωτῶν ὀλίγουσ ἀναλαβὼν λάθρᾳ προσῆλθεν ἐπί τινα τόπον ὀρεινόν, ὅθεν ὁρᾶσθαι δυνατὸν ἦν αὐτὸν ὑπό τε τῶν Ἀδρυμητινῶν καὶ τῶν Καρχηδονίων τῶν τὸν Τύνητα πολιορκούντων.

νυκτὸσ δὲ συντάξασ τοῖσ στρατιώταισ ἐπὶ πολὺν τόπον πυρὰ κάειν, δόξαν ἐν εποίησε τοῖσ μὲν Καρχηδονίοισ ὡσ μετὰ μεγάλησ δυνάμεωσ ἐπ’ αὐτοὺσ πορευόμενοσ, τοῖσ δὲ πολιορκουμένοισ ὡσ ἄλλησ δυνάμεωσ ἁδρᾶσ τοῖσ πολεμίοισ εἰσ συμμαχίαν παραγεγενημένησ.

ἀμφότεροι δὲ τῷ ψεύδει τοῦ στρατηγήματοσ παραλογισθέντεσ παραλόγωσ ἠλαττώθησαν, οἱ μὲν τὸν Τύνητα πολιορκοῦντεσ φυγόντεσ εἰσ Καρχηδόνα καὶ τὰσ μηχανὰσ ἀπολιπόντεσ, οἱ δ’ Ἀδρυμητινοὶ διὰ τὸν φόβον παραδόντεσ τὴν πατρίδα.

Ἀγαθοκλῆσ δὲ ταύτην δι’ ὁμολογίασ παραλαβὼν Θάψον εἷλε κατὰ κράτοσ καὶ τῶν ἄλλων τῶν ταύτῃ πόλεων ἃσ μὲν ἐξεπολιόρκησεν, ἃσ δὲ προσηγάγετο·

τὰσ ἁπάσασ δὲ πόλεισ πλείουσ τῶν διακοσίων κεχειρωμένοσ εἰσ τοὺσ ἄνω τόπουσ τῆσ Λιβύησ διενοεῖτο στρατεύειν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Diodorus Siculus, Bibliotheca Historica, Books XVIII-XX, book 20, chapter 17

(디오도로스 시켈로스, Bibliotheca Historica, Books XVIII-XX, book 20, chapter 17)

상위

목록

SEARCH

MENU NAVIGATION