헬라어 문장 검색 - Διοδορ́Βιβλιοτ

(디오도로스 시켈로스, Bibliotheca Historica, Books XVIII-XX, book 20, chapter 15)

οὐ μὴν ἀλλὰ τοιαύτησ ἐν τῇ Λιβύῃ γεγενημένησ μεταβολῆσ οἱ μὲν Καρχηδόνιοι διεπέμποντο πρὸσ Ἀμίλκαν εἰσ τὴν Σικελίαν, ἀξιοῦντεσ κατὰ τάχοσ πέμψαι βοήθειαν, καὶ τὰ ληφθέντα χαλκώματα τῶν Ἀγαθοκλέουσ νεῶν ἀπέστειλαν αὐτῷ. ὁ δὲ τοῖσ καταπλεύσασι παρεκελεύσατο σιωπᾶν μὲν τὴν γεγενημένην ἧτταν, διαδιδόναι δὲ λόγον εἰσ τοὺσ στρατιώτασ ὡσ Ἀγαθοκλῆσ ἄρδην ἀπώλεσε καὶ τὰσ ναῦσ καὶ τὴν δύναμιν ἅπασαν. αὐτὸσ δὲ πέμψασ τινὰσ τῶν παρόντων ἐκ Καρχηδόνοσ εἰσ τὰσ Συρακούσσασ πρεσβευτὰσ καὶ τὰ χαλκώματα συναποστείλασ ἠξίου παραδιδόναι τὴν πόλιν·

τὴν μὲν γὰρ δύναμιν τῶν Συρακοσίων ὑπὸ Καρχηδονίων κατακεκόφθαι, τὰσ δὲ ναῦσ ἐμπεπυρίσθαι· τοῖσ δ’ ἀπιστοῦσιν ἀπόδειξιν παρέχεσθαι τὴν τῶν ἐμβόλων κομιδήν. τῶν δ’ ἐν τῇ πόλει πυθομένων τὴν περὶ τὸν Ἀγαθοκλέα προσηγγελμένην συμφορὰν οἱ πολλοὶ μὲν ἐπίστευσαν, οἱ προεστηκότεσ δὲ διστάζοντεσ διετήρησαν μὲν χάριν τοῦ μὴ γενέσθαι ταραχήν, τοὺσ πρεσβευτὰσ δὲ ταχέωσ ἐξέπεμψαν, τοὺσ δὲ τῶν φυγάδων συγγενεῖσ καὶ φίλουσ καὶ τῶν ἄλλων τοὺσ δυσχεραίνοντασ τοῖσ ὑπ’ αὐτῶν πραττομένοισ ἐξέβαλον ἐκ τῆσ πόλεωσ, ὄντασ οὐκ ἐλάττουσ ὀκτακισχιλίων.

κἄπειτα τοσούτου πλήθουσ ἄφνω συναναγκαζομένου τὴν πατρίδα φεύγειν ἔγεμεν ἡ πόλισ διαδρομῆσ καὶ θορύβου καὶ γυναικείων κλαυθμῶν·

οὐδεμία γὰρ ἦν οἰκία πένθουσ ἀκοινώνητοσ κατὰ τοῦτον τὸν καιρόν. οἱ μὲν γὰρ περὶ τὴν τυραννίδα τοῦ Ἀγαθοκλέουσ καὶ τῶν τέκνων αὐτοῦ τὴν συμφορὰν ὠδύροντο, τῶν δ’ ἰδιωτῶν οἱ μὲν τοὺσ ἀπολωλέναι δοκοῦντασ κατὰ Λιβύην ἔκλαιον, οἱ δὲ τοὺσ ἐκπίπτοντασ ἀφ’ ἑστίασ καὶ πατρῴων θεῶν, οἷσ οὔτε μένειν ἐξῆν οὔτ’ ἐκτὸσ τῶν τειχῶν προάγειν, πολιορκούντων τῶν βαρβάρων, πρὸσ δὲ τοῖσ εἰρημένοισ κακοῖσ τηλικούτοισ οὖσιν ἠναγκάζοντο νηπίουσ παῖδασ καὶ γυναῖκασ συνεφέλκεσθαι τῇ φυγῇ.

ὁ δ’ Ἀμίλκασ, καταφυγόντων πρὸσ αὐτὸν τῶν φυγάδων, τούτοισ μὲν τὴν ἀσφάλειαν παρέσχετο, τὴν δὲ δύναμιν παρασκευάσασ προῆγεν ἐπὶ τὰσ Συρακούσσασ, ὡσ αἱρήσων τὴν πόλιν διά τε τὴν ἐρημίαν καὶ διὰ τὴν προσηγγελμένην τοῖσ ὑπολελειμμένοισ συμφοράν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Diodorus Siculus, Bibliotheca Historica, Books XVIII-XX, book 20, chapter 15

(디오도로스 시켈로스, Bibliotheca Historica, Books XVIII-XX, book 20, chapter 15)

상위

목록

SEARCH

MENU NAVIGATION