헬라어 문장 검색 - Διοδορ́Βιβλιοτ

(디오도로스 시켈로스, Bibliotheca Historica, Books XVIII-XX, book 20, chapter 14)

διόπερ οἱ Καρχηδόνιοι, νομίσαντεσ ἐκ θεῶν αὐτοῖσ γεγονέναι τὴν συμφοράν, ἐτράπησαν πρὸσ παντοίαν ἱκεσίαν τοῦ δαιμονίου καὶ νομίσαντεσ μάλιστα μηνίειν αὐτοῖσ τὸν Ἡρακλέα τὸν παρὰ τοῖσ ἀποίκοισ, χρημάτων πλῆθοσ καὶ τῶν πολυτελεστάτων ἀναθημάτων ἔπεμψαν εἰσ τὴν Τύρον οὐκ ὀλίγα. ἀποικισθέντεσ γὰρ ἐκ ταύτησ εἰώθεισαν ἐν τοῖσ ἔμπροσθεν χρόνοισ δεκάτην ἀποστέλλειν τῷ θεῷ πάντων τῶν εἰσ πρόσοδον πιπτόντων·

ὕστερον δὲ μεγάλουσ κτησάμενοι πλούτουσ καὶ προσόδουσ ἀξιολογωτέρασ λαμβάνοντεσ μικρὰ παντελῶσ ἀπέστελλον, ὀλιγωροῦντεσ τοῦ δαιμονίου. διὰ δὲ τὴν συμφορὰν ταύτην εἰσ μεταμέλειαν ἐλθόντεσ πάντων τῶν ἐν τῇ Τύρῳ θεῶν ἐμνημόνευον. ἔπεμψαν δὲ καὶ τοὺσ ἐκ τῶν ἱερῶν χρυσοῦσ ναοὺσ αὐτοῖσ τοῖσ ἀφιδρύμασι πρὸσ τὴν ἱκεσίαν, ἡγούμενοι μᾶλλον ἐξιλάσεσθαι τὴν τοῦ θεοῦ μῆνιν τῶν ἀναθημάτων πεμφθέντων ἐπὶ τὴν παραίτησιν.

ᾐτιῶντο δὲ καὶ τὸν Κρόνον αὑτοῖσ ἐναντιοῦσθαι, καθ’ ὅσον ἐν τοῖσ ἔμπροσθεν χρόνοισ θύοντεσ τούτῳ τῷ θεῷ τῶν υἱῶν τοὺσ κρατίστουσ ὕστερον ὠνούμενοι λάθρᾳ παῖδασ καὶ θρέψαντεσ ἔπεμπον ἐπὶ τὴν θυσίαν·

καὶ ζητήσεωσ γενομένησ εὑρέθησάν τινεσ τῶν καθιερουργημένων ὑποβολιμαῖοι γεγονότεσ. τούτων δὲ λαβόντεσ ἔννοιαν καὶ τοὺσ πολεμίουσ πρὸσ τοῖσ τείχεσιν ὁρῶντεσ στρατοπεδεύοντασ ἐδεισιδαιμόνουν ὡσ καταλελυκότεσ τὰσ πατρίουσ τῶν θεῶν τιμάσ.

διορθώσασθαι δὲ τὰσ ἀγνοίασ σπεύδοντεσ διακοσίουσ μὲν τῶν ἐπιφανεστάτων παίδων προκρίναντεσ ἔθυσαν δημοσίᾳ· ἄλλοι δ’ ἐν διαβολαῖσ ὄντεσ ἑκουσίωσ ἑαυτοὺσ ἔδοσαν, οὐκ ἐλάττουσ ὄντεσ τριακοσίων. ἦν δὲ παρ’ αὐτοῖσ ἀνδριὰσ Κρόνου χαλκοῦσ, ἐκτετακὼσ τὰσ χεῖρασ ὑπτίασ ἐγκεκλιμένασ ἐπὶ τὴν γῆν, ὥστε τὸν ἐπιτεθέντα τῶν παίδων ἀποκυλίεσθαι καὶ πίπτειν εἴσ τι χάσμα πλῆρεσ πυρόσ.

εἰκὸσ δὲ καὶ τὸν Εὐριπίδην ἐντεῦθεν εἰληφέναι τὰ μυθολογούμενα παρ’ αὐτῷ περὶ τὴν ἐν Ταύροισ θυσίαν, ἐν οἷσ εἰσάγει τὴν Ἰφιγένειαν ὑπὸ Ὀρέστου διερωτωμένην τάφοσ δὲ ποῖοσ δέξεταί μ’, ὅταν θάνω; πῦρ ἱερὸν ἔνδον χάσμα τ’ εὐρωπὸν χθονόσ. παραδεδομένοσ ὅτι Κρόνοσ ἠφάνιζε τοὺσ ἰδίουσ παῖδασ, παρὰ Καρχηδονίοισ φαίνεται διὰ τούτου τοῦ νομίμου τετηρημένοσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Diodorus Siculus, Bibliotheca Historica, Books XVIII-XX, book 20, chapter 14

(디오도로스 시켈로스, Bibliotheca Historica, Books XVIII-XX, book 20, chapter 14)

상위

목록

SEARCH

MENU NAVIGATION