헬라어 문장 검색 - Διοδορ́Βιβλιοτ

(디오도로스 시켈로스, Bibliotheca Historica, Books XVIII-XX, book 20, chapter 11)

ὁ δ’ Ἀγαθοκλῆσ κατασκεψάμενοσ τὰσ τῶν βαρβάρων τάξεισ τὸ μὲν δεξιὸν κέρασ ἔδωκεν Ἀρχαγάθῳ τῷ υἱῷ, παραδοὺσ αὐτῷ πεζοὺσ δισχιλίουσ καὶ πεντακοσίουσ, ἑξῆσ δ’ ἔταξε τοὺσ Συρακοσίουσ, ὄντασ τρισχιλίουσ πεντακοσίουσ, εἶτα μισθοφόρουσ Ἕλληνασ τρισχιλίουσ, τελευταίουσ δὲ Σαμνίτασ καὶ Τυρρηνοὺσ καὶ Κελτοὺσ τρισχιλίουσ. μετὰ δὲ τῆσ θεραπείασ αὐτὸσ τοῦ ἡμίσουσ κέρατοσ προηγωνίζετο, χιλίοισ ὁπλίταισ πρὸσ τὸν ἱερὸν λόχον τῶν Καρχηδονίων ἀντιτεταγμένοσ· τοὺσ δὲ τοξότασ καὶ σφενδονήτασ πεντακοσίουσ ὄντασ ἐπὶ τὰ κέρατα διεῖλεν. ὅπλα μὲν οὖν οἱ στρατιῶται μόγισ εἶχον ἱκανά·

τοὺσ δ’ ἐκ τῶν ἀφράκτων ὁρῶν ἀνόπλουσ ὄντασ τὰ τῶν ἀσπίδων ἔλυτρα ῥάβδοισ διέτεινε καὶ τῇ φαντασίᾳ τὸν τῆσ ἀσπίδοσ κύκλον μιμησάμενοσ ἀνέδωκεν αὐτοῖσ πρὸσ μὲν τὴν χρείαν οὐδαμῶσ ἐπιτήδεια, πρὸσ δὲ τὴν πόρρωθεν ὁρωμένην ὄψιν δυνάμενα δόξαν ὅπλων ἐμποιῆσαι τοῖσ ἀγνοοῦσι τἀληθέσ. ὁρῶν δὲ τοὺσ στρατιώτασ καταπεπληγμένουσ τὸ πλῇθοσ τῆσ βαρβαρικῆσ ἵππου καὶ δυνάμεωσ ἀφῆκεν εἰσ τὸ στρατόπεδον κατὰ πλείονασ τόπουσ γλαῦκασ, ἃσ ἐκ χρόνου παρεσκεύαστο πρὸσ τὰσ ἀθυμίασ τῶν πολλῶν·

αὗται δὲ διὰ τῆσ φάλαγγοσ πετόμεναι καὶ προσκαθίζουσαι ταῖσ ἀσπίσι καὶ τοῖσ κράνεσιν εὐθαρσεῖσ ἐποίουν τοὺσ στρατιώτασ, ἑκάστων οἰωνιζομένων διὰ τὸ δοκεῖν ἱερὸν εἶναι τὸ ζῷον τῆσ Ἀθηνᾶσ.

ταῦτα δέ, καίπερ ἄν τισι δόξαντα κενὴν ἔχειν ἐπίνοιαν, πολλάκισ αἴτια γίνεται μεγάλων προτερημάτων.

ὃ καὶ τότε συνέβη γενέσθαι· ἐμπεσόντοσ γὰρ εἰσ τὰ πλήθη θάρσουσ καὶ διαδοθέντων λόγων ὡσ τὸ θεῖον αὐτοῖσ φανερῶσ προσημαίνει νίκην, παραστατικώτερον τὸν κίνδυνον ὑπέμειναν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Diodorus Siculus, Bibliotheca Historica, Books XVIII-XX, book 20, chapter 11

(디오도로스 시켈로스, Bibliotheca Historica, Books XVIII-XX, book 20, chapter 11)

상위

목록

SEARCH

MENU NAVIGATION