헬라어 문장 검색 - Διοδορ́Βιβλιοτ

(디오도로스 시켈로스, Bibliotheca Historica, Books XVIII-XX, book 20, chapter 10)

ἀναθαρσησάντων οὖν πάντων πάλιν ταῖσ ψυχαῖσ ἡ γερουσία τοὺσ μὲν ναυάρχουσ ἅπαντασ κατεμέμψατο ὅτι θαλαττοκρατοῦντεσ εἰάσαν πολεμίαν δύναμιν ἐπιβῆναι τῆσ Λιβύησ, στρατηγοὺσ δὲ ἀπέδειξαν τῶν δυνάμεων Ἄννωνα καὶ Βορμίλκαν, πατρῴαν ἔχθραν ἔχοντασ· ἡγοῦντο γὰρ διὰ τὴν ἰδίαν τούτοισ ἀπιστίαν καὶ διαφορὰν κοινὴν ἔσεσθαι τῆσ πόλεωσ ἀσφάλειαν.

πολὺ δὲ διεσφάλησαν τῆσ ἀληθείασ. ὁ γὰρ Βορμίλκασ πάλαι μὲν ἦν ἐπιθυμητὴσ τυραννίδοσ, οὐκ ἔχων δ’ ἐξουσίαν οὐδὲ καιρὸν οἰκεῖον ταῖσ ἐπιβολαῖσ τότε ἔλαβεν ἀφορμὰσ ἀξιολόγουσ, τυχῶν τῆσ στρατηγίασ. αἰτία δὲ μάλιστα τούτων ἡ πρὸσ τὰσ τιμωρίασ πικρία τῶν Καρχηδονίων·

τοὺσ γὰρ ἐπιφανεστάτουσ τῶν ἀνδρῶν ἐν μὲν τοῖσ πολέμοισ προάγουσιν ἐπὶ τὰσ ἡγεμονίασ, νομίζοντεσ δεῖν αὐτοὺσ τῶν ὅλων προκινδυνεύειν· ὅταν δὲ τύχωσι τῆσ εἰρήνησ, τοὺσ αὐτοὺσ τούτουσ συκοφαντοῦσι καὶ κρίσεισ ἀδίκουσ ἐπιφέροντεσ διὰ τὸν φθόνον τιμωρίαισ περιβάλλουσι. διὸ καὶ τῶν ἐπὶ τὰσ ἡγεμονίασ ταττομένων τινὲσ μὲν φοβούμενοι τὰσ ἐν τῷ δικαστηρίῳ κρίσεισ ἀποστάται γίνονται , τινὲσ δ’ ἐπιτίθενται τυραννίσιν·

ὅπερ καὶ τότε Βορμίλκασ ὁ ἕτεροσ τῶν στρατηγῶν ἐποίησε, περὶ οὗ μικρὸν ὕστερον ἐροῦμεν. οἱ γ’ οὖν στρατηγοὶ τῶν Καρχηδονίων ὁρῶντεσ τὸν καιρὸν οὐδαμῶσ ἀναβολῆσ οἰκεῖον τοὺσ μὲν ἀπὸ τῆσ χώρασ καὶ τῶν συμμαχίδων πόλεων στρατιώτασ οὐκ ἀνέμειναν, αὐτοὺσ δὲ τοὺσ πολιτικοὺσ ἐξήγαγον εἰσ ὕπαιθρον, ὄντασ πεζοὺσ μὲν οὐκ ἐλάττουσ τετρακισμυρίων, ἱππεῖσ δὲ χιλίουσ, ἁρ́ματα δὲ δισχίλια.

καταλαβόμενοι δέ τινα γεώλοφον οὐ μακρὰν τῶν πολεμίων ἐξέταττον τὴν δύναμιν εἰσ μάχην·

καὶ τοῦ μὲν δεξιοῦ κέρατοσ Ἄννων εἶχε τὴν ἡγεμονίαν, συναγωνιζομένων αὐτῷ τῶν εἰσ τὸν ἱερὸν λόχον συντεταγμένων, τοῦ δ’ εὐωνύμου Βορμίλκασ ἡγούμενοσ βαθεῖαν ἐποίει τὴν φάλαγγα, κωλύοντοσ τοῦ τόπου παρεκτείνειν ἐπὶ πλεῖον· τὰ δ’ ἁρ́ματα καὶ τοὺσ ἱππεῖσ πρὸ τῆσ φάλαγγοσ ἔστησαν, διεγνωκότεσ τούτοισ πρῶτον ἐμβαλεῖν καὶ τῶν Ἑλλήνων ἀποπειραθῆναι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, Books XVIII-XX, book 20, chapter 10

(디오도로스 시켈로스, Bibliotheca Historica, Books XVIII-XX, book 20, chapter 10)

상위

목록

SEARCH

MENU NAVIGATION