헬라어 문장 검색 - Διοδορ́Βιβλιοτ

(디오도로스 시켈로스, Bibliotheca Historica, Books XVIII-XX, book 20, chapter 55)

ὁ δ’ Ἀγαθοκλῆσ, ὁρῶν αὐτοὺσ ἀπαθῶσ ὡρμηκότασ πρὸσ τὸν κίνδυνον, περιστήσασ πανταχόθεν τὴν δύναμιν καὶ κατά τινα τόπον φαύλωσ ᾠκοδομημένον βιασάμενοσ εἰσέπεσεν εἰσ τὴν πόλιν. τῶν δ’ Ἰτυκαίων τῶν μὲν εἰσ τὰσ οἰκίασ, τῶν δ’ εἰσ ἱερὰ καταφευγόντων δι’ ὀργῆσ αὐτοὺσ ἔχων φόνου τὴν πόλιν ἐπλήρωσε.

τοὺσ μὲν γὰρ ἐν χειρῶν νόμῳ διέφθειρε, τοὺσ δ’ ἁλόντασ ἐκρέμασε, τοὺσ δ’ ἐπὶ θεῶν ἱερὰ καὶ βωμοὺσ καταφυγόντασ διαψευσθῆναι τῆσ ἐλπίδοσ ἐποίησεν. διαφορήσασ δὲ τὰσ κτήσεισ καὶ φυλακὴν ἀπολιπὼν ἐπὶ τῆσ πόλεωσ ἐστρατοπέδευσεν ἐπὶ τὴν Ἵππου καλουμένην ἄκραν, ὠχυρωμένην φυσικῶσ τῇ παρακειμένῃ λίμνῃ.

πολιορκήσασ δὲ αὐτὴν ἐνεργῶσ καὶ τῶν ἐγχωρίων ναυμαχίᾳ περιγενόμενοσ κατὰ κράτοσ εἷλε. τούτῳ δὲ τῷ τρόπῳ τὰσ πόλεισ χειρωσάμενοσ τῶν τε ἐπὶ θαλάττῃ τόπων τῶν πλείστων ἐκυρίευσεν καὶ τῶν τὴν μεσόγειον οἰκούντων πλὴν τῶν Νομάδων· ὧν τινὲσ μὲν φιλίαν πρὸσ αὐτὸν ἐποιήσαντο, τινὲσ δ’ ἐκαραδόκουν τὴν τῶν ὅλων κρίσιν. τέτταρα γὰρ τὴν Λιβύην διείληφε γένη, Φοίνικεσ μὲν οἱ τὴν Καρχηδόνα τότε κατοικοῦντεσ, Λιβυφοίνικεσ δὲ πολλὰσ ἔχοντεσ πόλεισ ἐπιθαλαττίουσ καὶ κοινωνοῦντεσ τοῖσ Καρχηδονίοισ ἐπιγαμίασ, οἷσ ἀπὸ τῆσ συμπεπλεγμένησ συγγενείασ συνέβη τυχεῖν ταύτησ τῆσ προσηγορίασ·

ὁ δὲ πολὺσ λαὸσ τῶν ἐγχωρίων, ἀρχαιότατοσ ὤν, Λίβυσ ὠνομάζετο, μισῶν διαφερόντωσ τοὺσ Καρχηδονίουσ διὰ τὸ βάροσ τῆσ ἐπιστασίασ· οἱ δὲ τελευταῖοι Νομάδεσ ὑπῆρχον, πολλὴν τῆσ Λιβύησ νεμόμενοι μέχρι τῆσ ἐρήμου. Ἀγαθοκλῆσ δὲ τοῖσ μὲν κατὰ Λιβύην συμμάχοισ καὶ ταῖσ δυνάμεσιν ὑπερέχων τῶν Καρχηδονίων, περὶ δὲ τῶν ἐν Σικελίᾳ πραγμάτων ἀγωνιῶν ἄφρακτα καὶ πεντηκοντόρουσ ναυπηγησάμενοσ ἐνεβίβασε στρατιώτασ δισχιλίουσ.

καταλιπὼν δὲ τῶν ἐν τῇ Λιβύῃ πραγμάτων στρατηγὸν Ἀγάθαρχον τὸν υἱὸν ἀνήχθη ταῖσ ναυσίν, ἐπὶ Σικελίαν τὸν πλοῦν ποιούμενοσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, Books XVIII-XX, book 20, chapter 55

(디오도로스 시켈로스, Bibliotheca Historica, Books XVIII-XX, book 20, chapter 55)

상위

목록

SEARCH

MENU NAVIGATION