헬라어 문장 검색 - Διοδορ́Βιβλιοτ

(디오도로스 시켈로스, Bibliotheca Historica, Books XVIII-XX, book 20, chapter 110)

κατὰ δὲ τὴν Ἑλλάδα Δημήτριοσ διατρίβων ἐν ταῖσ Ἀθήναισ ἔσπευδε μυηθῆναι καὶ καταλαβεῖν τὴν ἐν Ἐλευσῖνι τελετήν. ἀπεχούσησ δὲ χρόνον ἱκανὸν τῆσ κατὰ νόμουσ ἡμέρασ, καθ’ ἣν εἰώθεισαν Ἀθηναῖοι συντελεῖν τὴν τελετήν, ἔπεισε τὸν δῆμον διὰ τὰσ εὐεργεσίασ κινῆσαι τὸ πάτριον ἔθοσ. παραδοὺσ οὖν αὑτὸν ἄνοπλον τοῖσ ἱερεῦσι καὶ πρὸ τῆσ ὡρισμένησ ἡμέρασ μυηθεὶσ ἀνέζευξεν ἐκ τῶν Ἀθηνῶν. καὶ τὸ μὲν πρῶτον εἰσ Χαλκίδα τῆσ Εὐβοίασ ἤθροισε τὸν στόλον καὶ τὴν πεζὴν δύναμιν·

μετὰ δὲ ταῦτα πυθόμενοσ τοὺσ περὶ Κάσανδρον προκατειλῆφθαι τὰσ παρόδουσ, πεζῇ μὲν ἀπέγνω τὴν εἰσ Θετταλίαν ποιεῖσθαι πορείαν, παραπλεύσασ δὲ μετὰ τῆσ δυνάμεωσ εἰσ τὸν ἐν Λαρίσῃ λιμένα καὶ τὴν δύναμιν ἐκβιβάσασ τὴν μὲν πόλιν ἐξ ἐφόδου παρέλαβε, τὴν δ’ ἄκραν ἐκπολιορκήσασ τοὺσ μὲν φρουροὺσ δήσασ παρέδωκεν εἰσ φυλακήν, τοῖσ δὲ Λαρισαίοισ τὴν αὐτονομίαν ἀποκατέστησεν. μετὰ δὲ ταῦτα Ἀντρῶνασ μὲν καὶ Πτελεὸν προσηγάγετο, Δίον δὲ καὶ Ὀρχομενὸν μετοικίζοντοσ εἰσ Θήβασ Κασάνδρου διεκώλυσε μετοικισθῆναι τὰσ πόλεισ.

Κάσανδροσ δὲ θεωρῶν τὰ πράγματα τῷ Δημητρίῳ κατὰ νοῦν χωροῦντα Φερὰσ μὲν καὶ Θήβασ ἁδροτέραισ φρουραῖσ παρεφύλαττε, τὴν δὲ δύναμιν πᾶσαν εἰσ ἕνα τόπον ἀθροίσασ ἀντεστρατοπέδευσε τοῖσ περὶ τὸν Δημήτριον. εἶχε δὲ τοὺσ σύμπαντασ πεζοὺσ μὲν εἰσ δισμυρίουσ ἐννακισχιλίουσ, ἱππεῖσ δὲ δισχιλίουσ.

τῷ δὲ Δημητρίῳ συνηκολούθουν ἱππεῖσ μὲν χίλιοι καὶ πεντακόσιοι, πεζοὶ δὲ Μακεδόνεσ οὐκ ἐλάττουσ τῶν ὀκτακισχιλίων, μισθοφόροι δ’ εἰσ μυρίουσ καὶ πεντακισχιλίουσ, ἐκ δὲ τῶν κατὰ τὴν Ἑλλάδα πόλεων δισμύριοι καὶ πεντακισχίλιοι, ψιλικὰ δὲ τάγματα καὶ πειρατῶν παντοδαπῶν τῶν συντρεχόντων ἐπὶ τοὺσ πολέμουσ καὶ τὰσ ἁρπαγὰσ οὐκ ἐλάττουσ τῶν ὀκτακισχιλίων, ὥστ’ εἶναι τοὺσ ἅπαντασ πεζοὺσ περὶ τοὺσ πεντακισμυρίουσ ἑξακισχιλίουσ. ἀντικαθημένων δὲ τῶν στρατοπέδων ἀλλήλοισ ἐπὶ πολλὰσ ἡμέρασ ἐκτάξεισ μὲν ἐγίνοντο παρ’ ἀμφοτέροισ, εἰσ μάχην δὲ οὐδέτεροσ συγκατέβαινε, καραδοκῶν τὴν ἐπὶ τῆσ Ἀσίασ ἐσομένην τῶν ὅλων κρίσιν.

Δημήτριοσ δέ, τῶν Φεραίων ἐπικαλεσαμένων αὐτόν, παρεισπεσὼν εἰσ τὴν πόλιν μετὰ μέρουσ τῆσ δυνάμεωσ τὴν μὲν ἄκραν ἐκπολιορκήσασ ὑποσπόνδουσ ἀφῆκε τοὺσ παρὰ Κασάνδρου στρατιώτασ, τοῖσ δὲ Φεραίοισ τὴν ἐλευθερίαν ἀποκατέστησεν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, Books XVIII-XX, book 20, chapter 110

(디오도로스 시켈로스, Bibliotheca Historica, Books XVIII-XX, book 20, chapter 110)

상위

목록

SEARCH

MENU NAVIGATION